Vikipediya ?

İsa Muğanna

İsa Mustafa oğlu Hüseynov (Muğanna) (12 iyun 1928, Muğanlı, Ağstafa rayonu, Azərbaycan SSR - 1 aprel 2014, Bakı, Azərbaycan) — Azərbaycanın görkəmli xalq yazıçısı, Azərbaycan SSR əməkdar incəsənət xadimi, ssenarist və kinoredaktor, "Nəsimi" mükafatının ilk laureatı (2012).

İsa Muğanna
İsa Mustafa oğlu Hüseynov
İsa Muğanna.jpg
Təxəllüsü Muğanna
Doğum tarixi 12 iyun 1928(1928-06-12)
Doğum yeri Muğanlı, Ağstafa rayonu, Azərbaycan SSR, SSRİ
Vəfat tarixi 1 aprel 2014 (85 yaşında)
Vəfat yeri Bakı, Azərbaycan
Vəfat səbəbi Xroniki ürək çatışmazlığı
Dəfn yeri
Vətəndaşlığı SSRİ SSRİ
Azərbaycan Azərbaycan
Milliyyəti Azərbaycanlı
Təhsili Azərbaycan Dövlət Universiteti
Maksim Qorki adına Ədəbiyyat İnstitutu
Fəaliyyəti yazıçı
Mükafatları "Azərbaycan SSR əməkdar incəsənət xadimi" fəxri adı — 1976
"İstiqlal" ordeni — 1998

Mündəricat

Həyatı

İsa Hüseynov (İsa Muğanna) 1928-ci ildə Ağstafa rayonunun Muğanlı kəndində dünyaya gəlib.

Atası Mustafa məktəb müəllimi olub. Orta məktəbi bitirdikdən sonra N.Nərimanov adına Tibb Universitetinə daxil olsa da (1945) 4 ay sonra kəndə qayıdıb. Sonradan Azərbaycan Dövlət Universitetinin Filologiya fakültəsinə daxil olub. 1952-ci ildə Moskvadakı M.Qorki adına Ədəbiyyat İnstitutunu bitirib.

Azərnəşrdə Ədəbiyyat şöbəsinin redaktoru (1952-1954), "Literaturnıy Azerbaydjan" qəzetində nəsr şöbəsinin müdiri (1960-1964), C.Cabbarlı adına "Azərbaycanfilm" kinostudiyasında baş redaktor (1964-1968), redaktor (1968-1974), Ssenari şurası üzvü (1974-1979), Azərbaycan SSR Dövlət Kinemotoqrafiya Komitəsində baş redaktor (1979) vəzifələrində çalışıb.

Yaradıcılığı

1948-ci ildən ədəbi fəaliyyətə başlamış İsa Muğannanın "Anadil oxuyan yerdə" yazısı ilk dəfə 1949-cu ildə "İnqilab və Mədəniyyət" qəzetində çap edilib. 1950-ci illərdən etibarən kitabları nəşr olunub. Ssenariləri əsasında ("26 Bakı Komissarı", "Nəsimi", "Ulduzlar sönmür" və s.) filmlər çəkilmiş, əsərləri xarici dillərə tərcümə olunmuşdur. "26 Bakı Komissarı" filmi 1968-ci ildə Ümumittifaq Leninqrad Festivalının ən yaxşı tarixi-inqilabi film mükafatını almışdır.

Mükafatları

Əsərləri

  1. Bizim qızlar (pyes), 1953
  2. Dan ulduzu (pyes), 1955
  3. Hekayələr, 1957
  4. Yanar ürək (pyes), 1960.
  5. Doğma və yad adamlar (roman), 1962.
  6. Teleqram (povest), 1963.
  7. Yanar ürək (roman), 1965.
  8. Tütək səsi (pyes və hekayələr), 1965.
  9. Pyeslər, 1967.
  10. Kollu koxa (pyes və hekayələr), 1969.
  11. Ömrümdə izlər, 1971.
  12. Saz (pyeslər), 1971.
  13. Seçilmiş əsərləri (roman və pyeslər), 1972.
  14. Yanar ürək, Doğma və yad adamlar, 1979.
  15. Məhşər (roman), 1979.
  16. İdeal (roman), 1985.
  17. Türfə (roman),2009
  18. Qəbiristan (roman),2013
  19. Cəhənnəm (roman), 2013
  20. GurÜn (roman),2013
  21. İsahəq-Musahəq (roman),2013

Seçilmiş əsərləri

  1. [.

com/blog/Kitab/İsa_Muğanna_-_Əsərləri_I(vivo-book.com).pdf İsa Muğanna - Əsərləri I]

Filmoqrafiya

Ölümü

Yazıçı İsa Hüseynov uzun müddət xroniki ürək çatışmazlığından əziyyət çəksə də heç vaxt yataq xəstəsi olmayıb. 2014-cü il 1 aprel tarixində gecəyarısı qəfildən vəfat etmişdir. Dəfn mərasimi xaricdə yaşayan nəvəsinin gəlişi və iştirakı ilə Fəxri Xiyabanda gerçəkləşmişdir.

Xatirəsi

31 may 2018-ci ildə Azərbaycan prezidenti İsa Muğannanın 90 illik yubileyinin keçirilməsi haqqında sərəncam imzalamışdır.

İstinadlar

  1. Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 272-274.
  2. Азербайджанской ССР кинематография. Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 13.
  3. Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 814.
  4. anl.az saytı
  5. Afaq Qasımova. Yeniyetmələrin tarixi şəxsiyyətlərin nümunəsində tərbiyə edilməsi. Bakı: Nurlan, 2006. - səh. 31.
  6. President.Az.  (azərb.). (31.05.2018).

Mənbə

  • Azərbaycan Sovet Ədəbiyyatı Tarixi. 2 cilddə. I cild. Bakı: 1967,
  • Azərbaycan Sovet Ədəbiyyatı Tarixi. Bakı: 1988,
  • Ədəbi Proses-76. Bakı: 1978,
  • Sosialist Realizmi müasir mərhələdə. Bakı: 1987,
  • Xamis Muradov. Kinofabrikdən başlanan yol. Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 4.

Xarici keçidlər

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019