İran təqvimləri

İran təqvimləri və ya İran xronologiyaları ( Şablon:Langx , Gâh Šomâriye Irâni ) İranda başqa adla Persiyada iki min ildən daha çox bir müddət ərzində yaradılmış və istifadə edilən təqvimlərin ardıcıllığıdır. Bəşər tarixinin ən uzun xronoloji qeydiyyat sistemlərindən biri olan İran təqvimi tarix boyu inzibati məqsədlər üçün dəfələrlə dəyişdirilib. Təqvimin inkişaf etdirilməsində və dəqiqliyi üçün çərçivələrin qoyulmasında ən böyük işlər görən şəxslərdən biri də 11-ci əsr fars polimatı Ömər Xəyyam olmuşdur. Müasir İranda hal-hazırda istifadə olunan təqvim Hicri Şəmsi təqvimidir. O, hazırda İranda rəsmi mülki təqvimdir.

İran təqvimində Yeni il günü olan Novruz şimal yarımkürəsində yaz ekinoksu zamanı, Tehran meridianı (52,5°E) üçün astronomik hesablamalarla müəyyən edilərək bahar gün bərabərliyi anına ən yaxın gecə yarısından başlayır. Bu o deməkdir ki, bu təqvim müşahidə qaydalarına əsaslanması ilə Qriqorian təqvimindən fərqlənir.^[1] Həmin bu ekinoks Qriqorian təqvimində isə təxminən 20 martda baş verir. İranın Saat qurşağı isə İranın Standart Saatı adlanır və UTC+03:30-dir.