İrəvan qazılığı — Azərbaycanın Qafqaz Müsəlmanları İdarəsinin Ermənistanın paytaxt İrəvan şəhəri üçün təşkil etdiyi dini qurum.
| İrəvan qazılığı | |
|---|---|
| Qafqaz Müsəlmanları İdarəsinin İrəvan qazılığı | |
 | |
| Növü | Dini qurum |
| Yaranma tarixi |
Sovet dövrü 22 may 2025-ci il (bərpası) |
| Rəsmi dili | azərbaycanca |
| Mərkəzi |
İrəvan (iddia edilir) Bakı (de-fakto) |
| Sədr | Hacı Bəxtiyar Nəcəfov |
1988-ci ildə azərbaycanlılar İrəvandan deportasiya edildiyi üçün İrəvan qazılığının fəaliyyəti dayandırılmışdır.[1]
22 may 2025-ci ildə Qafqaz Müsəlmanları İdarəsinin İrəvan qazılığı bərpa edilmişdir. İdarədə İrəvan Qazılığı ilə bağlı Əsasnamə qəbul edilmiş, səsvermə nəticəsində Hacı Bəxtiyar Nəcəfov İrəvan qazısı seçilmişdir. İrəvan qazılığı hələlik Qafqaz Müsəlmanları İdarəsinin binasında yerləşdirilmişdir.[2]
Hacı Bəxtiyar Nəcəfov İrəvan qazılığının fəaliyyətinin Qərbi Azərbaycana Qayıdış Konsepsiyası ilə sıx bağlı olduğunu bəyan etmiş, bu sahədə işləyəcəklərini qeyd etmişdir.[3]
11 dekabr 2025-ci ildə Qərbi Azərbaycan İcması ilə İrəvan qazılığı arasında görüş keçirilmişdir. Bu görüşdə Qərbi Azərbaycan İcması dini-mənəvi irsin araşdırılması, bu istiqamətdə sistemli əməkdaşlığın genişləndirilməsi və beynəlxalq platformalarda nəticələrin təqdimatı mövzusunda İrəvan qazısı ilə fikir mübadiləsi aparmışdır. İrəvan qazısı Hacı Bəxtiyar Nəcəfov qayıdışın sadəcə siyasi yox, həm də mədəni və dini məsələ olduğunu qeyd etmiş, buna görə də Qərbi Azərbaycan İcması ilə əməkdaşlığın vacib olduğunu bildirmişdir. Razılığa gəlinmişdir ki, dini irsin araşdırılması, faktların toplanması və ictimai məlumatlandırma iki qurum arasında koordinasiyalı şəkildə həyata keçirilsin.[4]
- ↑ "Şeyxülislam: İrəvan Qazılığının bərpa edilməsinə Ermənistanın münasibəti bizi maraqlandırmır". İstifadə tarixi: 14 noyabr 2025.
- ↑ "İrəvan Qazılığının bərpası milli və mənəvi kimliyimizin zəfəridir - RƏY". İstifadə tarixi: 14 noyabr 2025.
- ↑ "İrəvan qazısı: Qərbi Azərbaycanda dini ibadət ocaqlarının və dini müəssisələrin fəaliyyəti ilə bağlı addımlar atılacaq". İstifadə tarixi: 14 noyabr 2025.
- ↑ "QAİ-nin İrəvan Qazılığı ilə əməkdaşlığı". İstifadə tarixi: 14 noyabr 2025.