Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinİrəvan Futbol Klubu və ya qısaca İrəvan — Bakı şəhərini təmsil edən Azərbaycan futbol klubu. 2019-cu ildə yaradılmışdır.
| İrəvan FK | |||
|---|---|---|---|
| Klubun tam adı | İrəvan Futbol Kubu | ||
| Ölkə | Azərbaycan | ||
| Kodu | İFK | ||
| Rəng(lər) | Qırmızı-Ağ | ||
| Yaranma tarixi | 2019[1][2][3][4] | ||
| Bağlama tarixi | 2024 | ||
| Stadionu | ASK Arena | ||
| Tutumu | 8.125 | ||
| Prezidenti | Zahid Niyazəliyev | ||
| Baş məşqçisi | Nazim Süleymanov | ||
| Liqa | Azərbaycan Birinci Liqası 2023/2024 | ||
| 2023/2024 | 8 | ||
|
| |||
2019-cu ildə yaranan klub[5] ilk illərdə Azərbaycan Region Liqasında Paytaxt və Şimal qrupunda mübarizəyə qoşuldu. Bu klubun yaradılmasında Qərbi Azərbaycan İcması və bir qrup iş adamı yaxından dəstək göstərdi. Bakıda məskunlaşmağına baxmayaraq, klubun əsas auditoriya hədəfi 1980-ci illərin sonunda Ermənistandan köçürülən Ermənistan azərbaycanlılarıdir. Klub həvəskar fəaliyyəti dövründə öz ev oyunlarını Abşeron Olimpiya İdman Kompleksi[6] və Şağan Olimpiya İdman Kompleksində[7] keçirsə də, peşəkar klub kimi öz rəqiblərini hazırda ASK Arenada qəbul edir. 2024-cü ildə komanda Azərbaycan 1.ci Liqasında mövsümü 8.ci bitirməyinə baxmayaraq bir neçə futbolçusunun və komandanın danışılmış oyunlarda iştirakından və maliyyə problemlərindən dolayı AFFA tərəfindən bütün turnirlərdən kənarlaşdırılıb.[8]
Klub 2021/2022-ci il mövsümündən etibarən Azərbaycan Region Liqasında mübarizəyə başlamışdır. Həmin mövsüm Paytaxt Zonası B qrupunda mübarizə aparan klub Şahdağ Qusar FK, Cəbrayıl FK və Bakının Davam FK klubları ilə oyunlarda zəif nəticə göstərərək sonuncu pillədə qərarlaşmışdır.
Azərbaycan Region Liqası 2022/2023 mövsümündə yenidən Paytaxt zonası B qrupunda oynamış, yekunda 3 qələbə və 9 məğlubiyyətlə pley-off mərhələsində qrupu 7 komanda arasında 5-ci bitirmişdir.
Klub Azərbaycan I Liqasının 2023/2024-cü illər mövsümündə çıxış etsə də, mövsümün sonunda liqadan kənarlaşdırılmışdır.[9]
- Prezidenti — Zahid Niyazəliyev
- İdarə Heyətinin sədri və 1-ci vitse-prezident — Zülfüqar Kazımov
- Vitse-prezident — Oqtay Camalov
- Mətbuat katibi — Mübariz Süleymanlı
- İdarə Heyətinin üzvləri — Canbaxış Hüseynov, Həsən Həsənov, Namiq Ramazanov
- Lisenziyalaşdırma və FSM üzrə Menecer- Elsevər İsayev
- ↑ "Arxivlənmiş surət". 22 may 2023 tarixində arxivləşdirilib. İstifadə tarixi: 22 may 2023.
- ↑ "Arxivlənmiş surət". 22 may 2023 tarixində arxivləşdirilib. İstifadə tarixi: 22 may 2023.
- ↑ "Arxivlənmiş surət". 13 aprel 2021 tarixində arxivləşdirilib. İstifadə tarixi: 22 may 2023.
- ↑ "Arxivlənmiş surət". 21 avqust 2019 tarixində arxivləşdirilib. İstifadə tarixi: 22 may 2023.
- ↑ "Arxivlənmiş surət". 22 may 2023 tarixində arxivləşdirilib. İstifadə tarixi: 22 may 2023.
- ↑ "Arxivlənmiş surət". 28 sentyabr 2019 tarixində arxivləşdirilib. İstifadə tarixi: 17 sentyabr 2023.
- ↑ "Arxivlənmiş surət". 3 dekabr 2023 tarixində arxivləşdirilib. İstifadə tarixi: 17 sentyabr 2023.
- ↑ "AFFA-nın İcraiyyə Komitəsinin iclası keçirilib (fotolar)". www.affa.az (az.). 14 iyul 2024 tarixində arxivləşdirilib. İstifadə tarixi: 14 iyul 2024.
- ↑ "Peşəkar Futbol Liqası "İrəvan" klubunu I Liqadan kənarlaşdırıb". Oxu.az. 29 may 2024. 30 may 2024 tarixində arxivləşdirilib. İstifadə tarixi: 30 may 2024.