İqor Savçenko

İqor Savçenko
İqor Savçenko
	İqor Andreyeviç Savçenko
Doğum tarixi	11 oktyabr 1906
Doğum yeri	Vinnitsa, Podolsk quberniyası[d], Rusiya imperiyası;
Vəfat tarixi	14 dekabr 1950 (44 yaşında)
Vəfat yeri	Moskva, RSFSR, SSRİ
Dəfn yeri	Novodeviçye qəbiristanlığı;
Fəaliyyəti	kinorejissor, ssenarist, fotoqraf, aktyor, pedaqoq
Janr	sosialist realizmi
Mükafatları	;

İqor Andreyeviç Savçenko (11 oktyabr 1906, Vinnitsa, Ukrayna – 14 dekabr 1950, Moskva, RSFSR) — SSRİ yazıçısı, ssenarist, rejissor.

Həyatı

İqor Andreyeviç Savçenko 11 oktyabr 1906-cı ildə Vinnitsada (Ukrayna) anadan olmuş, 14 dekabr 1950-ci ildə Moskvada vəfat etmişdir.

Fəaliyyəti

İqor Savçenko 1919-cu ildən müxtəlif teatrlarda işləmişdir. 1926-1929-cu illərdə Leninqrad Səhnə Sənətləri İnstitutunda oxumuşdur. 1929-1932-ci illərdə Bakı Kinostudiyasında, 1932-1935-ci illərdə Moskvada işləmişdir. 1933-cü ildən "Mejrabpomfilm", 1938-ci ildən Bakı kinostudiyasının rejissoru olmuşdur. 1941-1945-ci illərdə Aşqabad kinostudiyasında rejissor, "Soyuzdetfilm" kinostudiyasında bədii rəhbər, "Mosfilm" kinostudiyasında isə rejissor vəzifələrində çalışmışdır. Ömrünün son illərində, yəni, 1945-1950-ci illərdə Ümumittifaq Kinematoqrafiya İnstitutunda dərs demişdir.