İoki mağarası (伊尾木洞, İoki-do?) – Yaponiyanın Koçi prefekturasının Aki şəhərində yerləşən mağara. Ghibli-vari mənzərəsinə görə tanınır.[1]
| İoki mağarası | |
|---|---|
| 伊尾木洞 | |
 | |
| Yerləşməsi | |
| 33°29′29″ şm. e. 133°56′01″ ş. u.HGYO | |
| Ölkə | |
  İoki mağarası |
|
 Vikianbarda əlaqəli mediafayllar | |
Mağara okean sahilinin və İoki stansiyasının yaxınlığındadır. Mağaranın yaxınlığında Hiqaşiyama Meşə Parkı yerləşir.[2]
40 metr uzunluğunda olan bu mağara, eləcə də, kanyon 3 milyon il əvvəl okean suyunun aşındırması nəticəsində yaranmışdır. Mağara divarlarında fosilləşmiş balıqqulaqlarına rast gəlmək olar. Kanyonun dibində kiçik çay axır. Burada üç şəlalə tökülür, cığırın sonunda yerləşən ən böyük şəlalənin suyu yaşıl-göy rəngli kiçik gölməçə əmələ gətirir.[1] Mağarada yarasalar da yaşayır.[2]
Mağarada temperaturun təxminən 20 °C olması burada tropik qıjıların yetişməsi üçün ideal şərait yaradır. Mağaranın girişində yerləşən kanyonun divarları 40-dan çox növə aid olan qıjılarla örtülmüşdür. İoki mağarası zəngin florasına görə fərqləndiyi üçün 1915-ci ildə Milli Təbiət Abidəsi statusu almışdır.[1]
-
Mağaraya giriş. -
Mağaradakı qıjılar. -
Kanyon divarları. -
Mağarada yerləşən heykəl. -
Mağarada yerləşən heykəlcik.
- ↑ 1 2 3 "Ioki Cave". Atlas Obscura (ingilis). 2023-07-18 tarixində arxivləşdirilib. İstifadə tarixi: 2023-07-23.
- ↑ 1 2 "Ioki Cave Walk Route Map". Visit Kochi Japan (ingilis). 2023-07-23 tarixində arxivləşdirilib. İstifadə tarixi: 2023-07-23.