İnqilabi Nüvələr (yun. Epanastatikoi Pyrines), həmçinin İnqilabi Hüceyrələr kimi tanınan Yunanıstanda silahlı ifrat sol siyasi qruplaşma.[1]
Qrup 1996 və 2000-ci illər arasında on iki terror aktı törətməkdə şübhəli bilinirdi. İnqilabi Nüvələr Avropa İttifaqı və Birləşmiş Krallıq tərəfindən terror qruplaşması kimi tanınıb.[2]
İnqilabi Nüvələrin İnqilabi Xalq Mübarizəsi kimi tanınan əvvəlki terror qruplaşmasının qolu olduğu düşünülür.[3] Sonuncu 1990-cı illərin əvvəllərində dağıldı və İnqilabi Nüvələr 1995-ci ildə meydana çıxdı və 2000-ci ilə qədər fəaliyyət göstərdi. Uzun fasilədən sonra qruplaşma 2009-cu ildə də hücum həyata keçirməkdə şübhəli bilindilər. Bu qrup ABŞ-ın Yunanıstanda hərbi işğalına və müdaxiləsinə qarşı çıxmışdı.[4] Həm İnqilabi Nüvələr, həm də ondan əvvəlki İnqilabçı Xalq Mübarizəsi solçu qruplar idi. Bu solçu terror qruplarının hər ikisi kapitalizmə qarşı idilər.[4]
Yunanıstanda solçu terror təşkilatlarının yayılmasının əsası 1974-cü ilə gedib çıxdığı və o zaman hökm sürən hərbi idarəçiliyə əks reaksiya olaraq meydana gəldiyi düşünülür.[5]
1996-cı ildə Sitibanka edilən hücum İnqilabi Nüvələrə aid edilən ilk hadisə idi. Qruplaşma 1997-ci ildə hökumət binasına hücuma görə də məsuliyyət daşıyırdı. Onlar 1998-ci ildə üç ayrı-ayrı aktı törətməkdə şübhəli bilindilər. Biri hökumətin özünə, digər ikisi isə ölkədəki biznesə hücum olub. Bu iki hadisə eyni gündə iki fərqli yerdəki banklarda baş verib.
1999-cu ildə qruplaşma Interkontinental otelə ölümcül hücum təşkil etdi. Yunanıstan hökumətinin üzvləri oteldə İqtisadi Dəyirmi Masada iştirak edirdilər. Elə həmin ilin sonunda onlar Afinadakı Texako ofisini bombaladılar.[6]
Qruplaşma 2000-ci ildə beş hücum həyata keçirərək həmin il öz terror əməlləri ilə çox fəal olmuşdu. Bu hücumlarda saatlı bombalardan istifadə edilmə ən çox diqqəti çəkən məqamlardan biri idi. Noyabrın 12-də Afinada üç hücum baş verdi. İnqilabi Nüvələr yenidən Barklays Bank və Sitibank maliyyə idarələrini, yəni bankları hədəfə aldı. Xəsarət alanlar barədə məlumat verilməsə də, binalara dəyən ziyanı gizlətmək mümkün olmadı. Həmin gün üçüncü hücum sənət studiyasına qarşı olub və maddi ziyanla nəticələnib.[7]
İnqilabi Nüvələr öz terror fəaliyyətlərində bombalardan müstəsna istifadə edirdilər. Qruplaşma ümumilikdə bir çox itkilər və on iki maddi ziyana görə məsuliyyət daşıyır.[6]
- ↑ "Revolutionary Nuclei". Extremist Groups: Information for Students.
- ↑ "UK expands terror funds list" (ingilis). 2001-11-02. İstifadə tarixi: 2025-04-30.
- ↑ US State Department. "Background Information on Designated Foreign Terrorist Organizations" (PDF).
- ↑ 1 2 "17 November, Revolutionary People's Struggle, Revolutionary Struggle (Greece, leftists)". Council on Foreign Relations (ingilis). İstifadə tarixi: 2019-04-11.
- ↑ "Greece: Extremism & Counter-Extremism". Counter Extremism Project (ingilis). 2016-03-08. İstifadə tarixi: 2019-04-11.
- ↑ 1 2 "Revolutionary Nuclei | Encyclopedia.com". www.encyclopedia.com. İstifadə tarixi: 2025-04-30.
- ↑ "BBC News | Europe | Bomb rips through Greek hotel". news.bbc.co.uk. İstifadə tarixi: 2025-04-30.