İncəsənət əsəri

İncəsənət əsəri — bir estetik fiziki maddə və ya bədii yaradıcılıq nümunəsi. Ədəbiyyat və musiqi əsərləri də daxil olmaqla, incəsənət hesab edilən hər hansısa bir əsər istisna olmaqla, bu terminlər, ilk növbədə təsviri incəsənətin maddi, daşına bilən formalarına aiddir.^[1] Təsviri incəsənətdə sənət əsəri peşəkar olaraq müəyyən edilmiş və ya ilk növbədə müstəqil estetik funksiyanı yerinə yetirməsi düşünülən fiziki iki və ya üç ölçülü obyektdir.

İncəsənət əsəri onu yaradan incəsənət xadiminin qavrayışına, ideyasına, fikrinə , intuisiyasına, müşahidə qabiliyyətinə və zövqünə əsasən formalaşır; incəsənət xadimi çatdırmaq istədiyi ideyanı əsərində əks etdirir, ona görə də incəsənət əsərləri subyektivdir. İncəsənət əsərinin yaradılmasının əsas məqsədi gözəl olan hər hansısa bir şey təqdim etməkdir; mənfəət üçün hazırlanmamalı və yaradılmasında kommersiya mənfəətinə nail olmaq məqsədi olmamalıdır.

Yaradılma məqsədi faydalı olmaq olan və gündəlik ehtiyacların ödənilməsinə xidmət edən əsərlər yaradılan sahə sənətkarlıq; bu işlərlə məşğul olaraq istehsal etdiyi işlərdən maddi gəlir əldə edən və sənətkarlıq sahəsində fəaliyyət göstərən şəxs isə sənətkar adlanır. Bu məhsullar unikal və fərdi olmaya bilərlər; Hər hansısa bir sənətkar istənilən bir əsərin çox sayda surətini yarada bilər.

İncəsənət xadiminin və sənətkarın istifadə etdikləri materiallar çox vaxt eyni olsa da, onların bu materiallardan istifadə və əsəri yaratma məqsədləri bir-birlərindən fərqlidir. İncəsənət xadimi estetik zövq yaratmaq; sənətkar isə faydalı olması üçün əsərlər istehsal edir. İncəsənət xadimi hər dəfə yeni incəsənət əsəri yaradarkən yaratdığı bu əsər orijinal və eyni zamanda da hər dəfə fərqli məhsullar olmalı olduğu halda; sənətkar eyni bir formada eyni bir işi dəfələrlə yerinə yetirə bilər və bunun üçün əvvəlcədən müəyyən edilmiş standart qonorar alır.