Vikipediya ?

İnam Kərimov — Vikipediya

İnam İmdad oğlu Kərimov (6 iyun 1977(1977-06-06), Bakı) — azərbaycanlı siyasətçi və hüquqşünas, Azərbaycanın 5-ci Kənd təsərrüfatı naziri (2018—) və Azərbaycanın Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin 1-ci sədri (2012–2018).

İnam Kərimov
Inam.Karimov.png
bayraq Azərbaycanın 5-ci Kənd təsərrüfatı naziri bayraq
21 aprel 2018 — hal-hazırda
Prezident İlham Əliyev
Sələfi Heydər Əsədov
bayraq Azərbaycanın Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin 1-ci sədri bayraq
7 sentyabr 2012 — 21 aprel 2018
Prezident İlham Əliyev
Sələfi vəzifə təsis edilib
Xələfi Ülvi Mehdiyev
Şəxsi məlumatlar
Təhsili Bakı Dövlət Universiteti
Strasburq Universiteti
Paris Universiteti
Doğum tarixi 6 iyun 1977(1977-06-06) (43 yaş)
Doğum yeri Bakı, Azərbaycan SSR
Vətəndaşlığı Azərbaycan Azərbaycan

Həyatı

İnam Kərimov 1977-ci il iyunun 6-da Bakı şəhərində anadan olub. 1984-cü ildən 1994-cü ilə qədər S. C. Pişəvəri adına Humanitar fənlər Gimnaziyasında təhsil alıb. 1994-cü ildən 1995-ci ilədək Birləşmiş Ştatların İndiana ştatında yerləşən Riçmond Ali Məktəbində (ing. Richmond High School) təhsilini davam etdirib.

1995-ci ildə Bakı Dövlət Universitetinin beynəlxalq hüquq fakültəsinə qəbul olub, 1998-ci ildən 2000-ci ilə qədər Fransanın Strasburq Universitetində hüquq ixtisası üzə bakalavr təhsili alıb. 2000–2002-ci illərdə isə o, Fransanın nüfuzlu universiteti hesab olunan Sorbonna Universitetində hüquq ixtisası üzrə magistr təhsili alıb.

İnam Kərimov Sorbonna Universitetində hüquq elmləri doktoru (docteur en droit) elmi dərəcəsi alıb. O, doğma azərbaycan dili ilə yanaşı fars, fransız, ingilisrus dillərini bilir.

Fəaliyyəti

İnam Kərimov 2002-ci ildən 2004-cü ilədək Azərbaycan Prezidentinin Administrasiyasında məsləhətçi, 2004–2012-ci illərdə isə baş məsləhətçi vəzifələrində çalışıb. O həmçinin 2005–2012-ci illərdə Azərbaycanın Korrupsiyaya qarşı mübarizə üzrə Komisiyyasının katibi və Azərbaycanın nümayəndə heyətinin rəhbəri olub.

Azərbaycan Prezidenti İlham Əliyevin 7 sentyabr 2012-ci il tarixli 2426 nömrəli Sərəncamı ilə İnam Kərimov Azərbaycanın Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri vəzifəsinə təyin edilib.

İnam Kərimov 2016-cı ildən Azərbaycan Turizm Şurasının üzvüdür.

Azərbaycan Prezidenti İlham Əliyevin 21 aprel 2018-ci il tarixli 9 nömrəli Sərəncamı ilə İnam Kərimov Azərbaycanın Kənd təsərrüfatı naziri vəzifəsinə təyin edilib. Azərbaycanın 5-ci Kənd Təsərrüfatı naziri olan İnam Kərimov bu postda 2013-cü ildən həmin vəzifəni icra edən Heydər Əsədovu əvəzləyib. Həmin gün İlham Əliyev tərəfindən imzalanan digər sərəncama əsasən isə İnam Kərimov Azərbaycanın Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri vəzifəsindən azad edilib.

Ailəsi

İnam Kərimov ailəlidir, 2 övladı var. Onun qardaşı, Mətin Kərimli 2014-cü ildən Əmək və Əhalinin Sosial Müdafiəsi nazirinin müavini vəzifəsində işləmiş, 2020-ci ilin yanvarından etibarən isə Beynəlxalq Əmək Təşkilatının (BƏT) Sakit Okean hövzəsi ölkələri üzrə ofisinin direktoru vəzifəsində çalışır.

İstinadlar

  1. . www.e-qanun.com. 24.01.2019 tarixində . İstifadə tarixi: 07.09.2012-ci il.
  2. . www.e-qanun.com. 24.01.2019 tarixində . İstifadə tarixi: 21.04.2018-ci il.
  3. . www.e-qanun.com. 24.01.2019 tarixində . İstifadə tarixi: 21.04.2018-ci il.
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019