İmperatriça Qenmey (元明天皇, Qenmey-tenno?, 661 – 29 dekabr 721, Nara) – Yaponiyanın 43-cü monarxı. Asuka dövründə hakimiyyətdə olmuşdur.
| İmperatriça Qenmey | |
|---|---|
| yap. 元明天皇 | |
 | |
| 18 avqust 707 – 3 oktyabr 715 | |
| Əvvəlki | İmperator Monmu |
| Sonrakı | İmperatriça Qenşo |
| Şəxsi məlumatlar | |
| Doğum tarixi | 661 |
| Vəfat tarixi | 29 dekabr 721 |
| Vəfat yeri | |
| Fəaliyyəti | vaka şairi, yazıçı |
| Ailəsi | Yaponiya imperator evi |
| Elmi fəaliyyəti | |
| Elm sahəsi | poeziya |
 Vikianbarda əlaqəli mediafayllar | |
O, İmperator Tencinin qızı olmuş və İmperator Tenmunun oğlu olan Şahzadə Kusakabe ilə evlənmişdir.[1] Lakin Kusakabe 689-cu ildə ölmüşdür. İmperatriça Cito 697-ci ildə taxtdan imtina etdikdən sonra Qenmeyin oğlu İmperator Monmu taxta çıxmışdır.[1] Monmunun 707-ci ildəki ölümündən sonra Qenmey imperatriça olmuşdur.[1]
İmperatriça Qenmeyin hakimiyyəti dövründə 708-ci ildə ilk dəfə Yaponiyada mis hasil edilmiş və Yaponiyanın ilk sikkəsi olan vadokayçin tədavülə buraxılmışdır.[1] 710-cu ildə paytaxtı müasir Nara şəhərinin yerləşdiyi Heyco şəhərinə köçürmüş və 794-cü ildə paytaxtın Kiotoya köçürülməsinə qədər davam edən Nara dövrünü başlatmışdır.[1] Yaponiya mifologiyası və tarixi haqqında ilk əsər olan "Kociki" (712) onun hakimiyyəti dövründə tamamlanaraq ona təqdim olunmuşdur.[1] 713-cü ildə əyalətlərin fudokilər tərtib etməsi barədə əmr vermişdir.[1] 715-ci ildə taxtı qızı İmperatriça Qenşoya ötürmüşdür.[1]
Qenmey ölümünə qədər aktiv siyasi həyatını davam etdirmiş və ritsuryo sisteminin saxlanılması üçün çalışmışdır.[1]
- Iwao, Seiichi. Biographical Dictionary of Japanese History (ingiliscə). Kodansha International. 1978. səh. 33. ISBN 0-87011-274-0. İstifadə tarixi: 1 oktyabr 2022.