Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinİmamverdi İsmayılov
İmamverdi İbiş oğlu İsmayılov (10 iyun 1958, Vənədli, Zəngilan rayonu) — Azərbaycan ictimai-siyasi xadimi, Azərbaycan Respublikası Milli Məclisinin I, I, III, IV, V, VI və VII çağırış deputatı (1995-ci ildən).
| İmamverdi İsmayılov | |
|---|---|
 | |
Vəzifədədir | |
| 24 noyabr 1995-ci ildən | |
| Seçki dairəsi | I çağırış — 95 saylı Laçın–Zəngilan–Qubadlı II çağırış — 86 saylı Zəngilan–Qubadlı III, IV, V, VI və VII çağırış — 125 saylı Zəngilan–Qubadlı |
| Şəxsi məlumatlar | |
| Doğum tarixi | 10 iyun 1958 (67 yaş) |
| Doğum yeri | |
| Partiya | |
| Təhsili | |
| Fəaliyyəti | siyasətçi |
|
|
|
| Təltifləri |
    |
İmamverdi İsmayılov 1958-ci il iyunun 10-da Zəngilan rayonunun Vənədli kəndində anadan olub. O, Bakı Dövlət Universitetinin Jurnalistika fakültəsini və Bakı Sosial İdarəetmə və Politologiya İnstitutunu bitirib.[1]
1980-ci ildən – Bakı Dövlət Universitetini bitirdikdən sonra təyinatla Azərbaycan Dövlət Televiziya və Radio Verilişləri Komitəsinə işə göndərilib. Burada Elmi-kütləvi və tədris proqramları redaksiyasında müxbir, kiçik redaktor, redaktor, böyük redaktor və şöbə müdiri vəzifələrində çalışıb. Daha sonra Televiziyanın «Gənclik» Baş redaksiyasının Baş redaktoru təyin olunub.[2]
İmamverdi İsmayılov ekran-efir yaradıcılığında bir sıra ilklərə imza atmışdır. Onun təqdim etdiyi “Çay dəstgahı”, “Yeddi sual, yeddi cavab”, “Necəsən, gənc dost?”, “Mənim dünyam-sənin dünyan”, “1001 sual, 1001 cavab”, “Görüş vaxtı 20:30” kimi verilişlər geniş tamaşaçı rəğbəti qazanmışdır.
O, “Qızıl qələm” mükafatı laureatı və Əməkdar jurnalistdir. Bir neçə kitabın müəllifi olan yazıçı “Ocaq daşı”, “Əzrayıl”, “Qədim kişinin qırxı”, “Bayquş və qarovulçu” kimi əsərləri ilə tanınır. Həmçinin, “Şah və Mat”, “Heyrət”, “Qəlbimizin qəlbisi”, “Taleyin hökmü” və digər publisistik yazılarında insan mənəviyyatını, vətən sevgisini, əxlaqi münasibətlərdəki təzadları qələmə almışdır.[3]
Azərbaycan radiosunun “Qızıl fondu”nda müəllifin “Qədim kişinin qırxı”, “Astanada ölüm”, “Yurd gürzəsi” əsərləri əsasında hazırlanmış radio kompozisiyalar mövcuddur. Onun yaradıcılığına milli-etnoqrafik təəssüratlar, dövlətçilik düşüncələri, obrazlı və koloritli dil, incə müşahidə və orijinal təhkiyə xasdır.[4][5]
Yazıçının əsərləri canlı və realist publisistika ilə seçilir, sosial-psixoloji, siyasi-ideoloji və mənəvi-əxlaqi məsələlərə həssas yanaşma ilə fərqlənir. Onun əsərlərində insani dəyərlər, folklora və adət-ənənəyə bağlılıq, həyat fəlsəfəsi və bənzərsiz üslub öz əksini tapır.[6][7][8][9]
İmamverdi İsmayılov Yeni Azərbaycan Partiyasının üzvüdür. O, Milli Məclisin yeddi çağırış deputatı olmuş,[10] ictimai-siyasi fəaliyyətinə görə Azərbaycan Respublikasının Prezidenti İlham Əliyevin 8 iyun 2018-ci il tarixli Sərəncamına əsasən "Şöhrət" ordeni ilə təltif edilmiş və “Heydər Əliyevin 100 illiyi yubileyi medalı” ilə mükafatlandırılmışdır.[11][12]
- ↑ Azərbaycan Milli Məclisinin rəsmi internet səhifəsi. "İSMAYILOV İmamverdi İbiş oğlu". www.meclis.gov.az. 01.01.2022. 2022-07-06 tarixində arxivləşdirilib. İstifadə tarixi: 01.01.2022.
- ↑ Azərbaycan Milli Məclisinin rəsmi internet səhifəsi. "İSMAYILOV İmamverdi İbiş oğlu". www.meclis.gov.az. 01.01.2022. Archived from the original on 2022-07-07. İstifadə tarixi: 01.01.2022.
- ↑ "Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI". Apa.az (az.). 8 oktyabr 2024 tarixində arxivləşdirilib. İstifadə tarixi: 22 oktyabr 2024.
- ↑ Normativ hüquqi sənədlərin vahid internet bazası. "Azərbaycan Respublikası Milli Məclisinin Mədəniyyət məsələləri Daimi Komissiyası üzvlərinin seçilməsi haqqında Azərbaycan Respublikası Milli Məclisinin 14.12.2005-ci il tarixli 17-IIQR nömrəli Qərarı". e-qanun.az. 01.01.2022. 2022-01-01 tarixində arxivləşdirilib. İstifadə tarixi: 01.01.2022.
- ↑ Azərbaycan Milli Məclisinin rəsmi internet səhifəsi. "İSMAYILOV İmamverdi İbiş oğlu". www.meclis.gov.az. 01.01.2022. Archived from the original on 2022-07-13. İstifadə tarixi: 01.01.2022.
- ↑ Normativ hüquqi sənədlərin vahid internet bazası. "Azərbaycan Respublikası Milli Məclisinin Mədəniyyət Komitəsinin üzvlərinin seçilməsi haqqında Azərbaycan Respublikası Milli Məclisinin 07.12.2010-ci il tarixli Qərarı". e-qanun.az. 01.01.2022. 2022-01-01 tarixində arxivləşdirilib. İstifadə tarixi: 01.01.2022.
- ↑ Azərbaycan Milli Məclisinin rəsmi internet səhifəsi. "İSMAYILOV İmamverdi İbiş oğlu". www.meclis.gov.az. 01.01.2022. Archived from the original on 2022-07-18. İstifadə tarixi: 01.01.2022.
- ↑ Normativ hüquqi sənədlərin vahid internet bazası. "Azərbaycan Respublikası Milli Məclisinin Mədəniyyət Komitəsinin üzvlərinin seçilməsi haqqında Azərbaycan Respublikası Milli Məclisinin 01.12.2015-ci il tarixli 19-VQR nömrəli Qərarı". e-qanun.az. 01.01.2022. 2022-01-01 tarixində arxivləşdirilib. İstifadə tarixi: 01.01.2022.
- ↑ Azərbaycan Milli Məclisinin rəsmi internet səhifəsi. "İSMAYILOV İmamverdi İbiş oğlu". www.meclis.gov.az. 01.01.2022. Archived from the original on 2022-07-23. İstifadə tarixi: 01.01.2022.
- ↑ Normativ hüquqi sənədlərin vahid internet bazası. "Azərbaycan Respublikası Milli Məclisinin İqtisadi siyasət, sənaye və sahibkarlıq Komitəsinin üzvlərinin seçilməsi haqqında Azərbaycan Respublikası Milli Məclisinin 14.03.2020-ci il tarixli 16-VIQR nömrəli Qərarı". e-qanun.az. 01.01.2022. 2022-01-01 tarixində arxivləşdirilib. İstifadə tarixi: 01.01.2022.
- ↑ Normativ hüquqi sənədlərin vahid internet bazası. "Azərbaycan Respublikası Milli Məclisinin İnsan hüquqları Daimi Komissiyası üzvlərinin seçilməsi haqqında Azərbaycan Respublikası Milli Məclisinin 05.12.2000-ci il tarixli 18-IIQR nömrəli Qərarı". e-qanun.az. 01.01.2022. 2022-01-01 tarixində arxivləşdirilib. İstifadə tarixi: 01.01.2022.
- ↑ Azərbaycan Milli Məclisinin rəsmi internet səhifəsi. "İSMAYILOV İmamverdi İbiş oğlu". www.meclis.gov.az. 01.01.2022. Archived from the original on 2022-07-13. İstifadə tarixi: 01.01.2022.