Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinİltizam Yusifov (azərb. Yusifov İltizam Balayusif oğlu; 1 dekabr 1963, Əli-Bayramlı) — azərbaycanlı dövlət və siyasi xadim, Azərbaycan Milli Məclisinin VI çağırış üzvü.[1]Azərbaycan Respublikasının Əməkdar mühəndisi.
| İltizam Yusifov | |
|---|---|
Vəzifədədir | |
| 10 mart 2020-ci ildən | |
| Seçki dairəsi | 2020 — 46 saylı Şirvan |
| Əvvəlki | Rafael Cəbrayılov |
| Şəxsi məlumatlar | |
| Doğum adı | Yusifov İltizam Balayusif oğlu |
| Doğum tarixi | 1 dekabr 1963 (61 yaş) |
| Doğum yeri | |
| Partiya | |
| Təhsili |
|
| Fəaliyyəti | siyasətçi |
İltizam Yusifov 1 dekabr 1963-cü ildə Əli-Bayramlı şəhərində (indiki Şirvan şəhəri) anadan olmuşdur. Şəhərin 9 saylı orta məktəbini bitirmiş, daha sonra Moskva Energetika İnstitutunda ali təhsil almışdır.[2]
Evlidir, iki övladı var. Bitərəfdir. Rus və ingilis dillərini bilir.
Ali təhsilini başa vurduqdan sonra, “milli kadr” kimi 1986-cı ildə Azərbaycana qayıdaraq Sumqayıt “Neftqazavtomat” Elm-İstehsalat Birliyinin Əli-Bayramlı şəhərindəki “Avtomatika və telemexanika” zavodunda (hazırda Müdafiə Sənayesi Nazirliyinin tabeliyində) əmək fəaliyyətinə başlamışdır. 1986–2001-ci illərdə həmin müəssisədə müxtəlif rəhbər vəzifələrdə çalışmışdır.
2001–2009-cu illərdə “Şirvan OYL” birgə müəssisəsində mühəndis kimi fəaliyyətə başlayaraq sonradan müəssisənin bölgə direktoru vəzifəsinə qədər yüksəlmişdir.[3]
2009–2020-ci illərdə Hasilatın Pay Bölgüsü (PSA — Production Sharing Agreement) sazişi çərçivəsində fəaliyyət göstərən “Şirvan Operating Company Ltd.” şirkətində vitse-prezident vəzifəsində çalışmışdır.[4]
İltizam Yusifov texnika üzrə fəlsəfə doktorudur. 18 elmi məqalənin və 4 patentin müəllifidir.[4]
2020-ci ildə keçirilmiş VI çağırış Azərbaycan Respublikası Milli Məclisinə seçkilərdə Şirvan şəhərindən deputat seçilmişdir.[4] Milli Məclisdə Təbii ehtiyatlar, energetika və ekologiya komitəsinin üzvü olmuşdur.
Eyni zamanda Azərbaycan-Norveç parlamentlərarası əlaqələr üzrə işçi qrupunun rəhbəri, Birləşmiş Ərəb Əmirlikləri, Çexiya, Xorvatiya, İsveç, Meksika, Serbiya, Türkiyə və Vyetnam parlamentləri ilə əlaqələr üzrə işçi qruplarının üzvü kimi fəaliyyət göstərmişdir.
MDB Parlamentlərarası Assambleyasında, Avropa İttifaqı Şərq Tərəfdaşlığı (Avronest) Parlament Assambleyasında Azərbaycan nümayəndə heyətlərinin, həmçinin Avropa İttifaqı–Azərbaycan Parlament əməkdaşlığı komitəsinin üzvü olmuşdur.[5]
- Əməkdar mühəndis fəxri adı — 2013-cü ildə Azərbaycan Respublikasının Prezidenti cənab İlham Əliyevin sərəncamı ilə "Əməkdar mühəndis " fəxri adı verilmişdir.[6]
- Azərbaycan Respublikası Prezidentinin 2024-cü il 12 fevral tarixli 4289 nömrəli sərəncamı ilə “Heydər Əliyevin 100 illiyi (1923–2023)” yubiley medalı ilə təltif edilmişdir.[7]
- ↑ "46 saylı Şirvan seçki dairəsi". 18 noyabr 2020 tarixində arxivləşdirilib. İstifadə tarixi: 20 dekabr 2020.
- ↑ Royal Abbasoff. "Iltizam Yusifov - Wikipedia". https://len.az (az.). 19 oktyabr 2021 tarixində arxivləşdirilib. İstifadə tarixi: 19 oktyabr 2021.
- ↑ "Şirvanlılar İltizam Yusifova qarşı çıxdılar - Deputatlığa namizədin məzxərəyə qoyulduğu deylir". Teref.az (ingilis). İstifadə tarixi: 19 oktyabr 2021.
- ↑ 1 2 3 "Iltizam Balayusif oglu YUSIFOV". Iltizam Balayusif oglu YUSIFOV (ingilis). İstifadə tarixi: 16 oktyabr 2025.
- ↑ "Ильтизам Балаюсиф оглу ЮСИФОВ". Ильтизам Балаюсиф оглу ЮСИФОВ (rus). 19 oktyabr 2021 tarixində arxivləşdirilib. İstifadə tarixi: 19 oktyabr 2021.
- ↑ "Распоряжение Президента Азербайджанской РеспубликиО присвоении почетных званий лицам, имеющим заслуги в социально-экономическом развитии города Ширван". azertag.az (rus). İstifadə tarixi: 16 oktyabr 2025.
- ↑ "Постановление Совета Межпарламентской Ассамблеи государств — участников Содружества Независимых Государств от 16 ноября 2023 года № 52 «О награждении Почётной грамотой Совета Межпарламентской Ассамблеи государств — участников Содружества Независимых Государств»" (PDF). 18 iyun 2024 tarixində arxivləşdirilib (PDF). İstifadə tarixi: 21 iyun 2024.