Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinİltizam Nizam oğlu Əkbərli və ya İltizam Əkbərov (1 iyul 1957, İmişli) — Azərbaycan Respublikasının Milli Məclisi III çağırış deputatı, İmişli Rayon İcra Hakimiyyətinin sabiq başçısı.[1]
| İltizam Əkbərli | |
|---|---|
| 2005 – 2010 | |
| Seçki dairəsi | 2005 — 79 saylı İmişli |
| Əvvəlki | Vəzifə təsis edildi. |
| Sonrakı | Əsabil Qasımov |
| 22 may 1992 – 2 noyabr 1993 | |
| Əvvəlki | Xanhüseyn Bəylərov |
| Sonrakı | Xanhüseyn Bəylərov |
| Şəxsi məlumatlar | |
| Doğum tarixi | 1 iyul 1957 (68 yaş) |
| Doğum yeri | |
| Partiya | |
| Təhsili |
|
| Fəaliyyəti | siyasətçi |
İltizam Əkbərli 1957-ci il iyulun 1-də İmişli şəhərində anadan olmuşdur. Azərbaycan Dövlət Pedaqoji İnstitutunun tarix fakültəsini bitirmişdir. 1979-cu ildən İmişli rayonunda müəllim, "Gənc texniklər" stansiyasının müdiri işləmişdir.
Rus dilini bilir. İngilis dili təhsili almışdır.[2]
Evlidir. 2 övladı var.
İltizam Əkbərli 1983–1991-ci illərdə İmişli Rayon İcraiyyə Komitəsində təlimatçı, Təşkilat şöbəsinin müdiri vəzifələrində çalışmışdır.
İltizam Əkbərli 22 may 1992-ci ildə Azərbaycan Respublikası Prezidentinin səlahiyyətini həyata keçirən Azərbaycan Respublikası Ali Sovetinin sədri İsa Qəmbərin 777 nömrəli fərmanı ilə İmişli Rayon İcra Hakimiyyətinin başçısı təyin edilmişdir.[3] Azərbaycan Respublikasının Prezidenti Heydər Əliyevin 2 noyabr 1993-cü il tarixli fərmanı ilə İltizam Əkbərli İmişli Rayon İcra Hakimiyyətinin başçısı vəzifəsindən azad edilmişdir.[4]
İltizam Əkbərli 2005-ci il parlament seçkilərində Müsavat Partiyası üzvü olaraq öz təşəbbüsü ilə 79 saylı İmişli seçki dairəsindən deputatlığa namizəd olmuşdur. Müxalif Azadlıq Bloku onu vahid namizəd elan etməsə də,[5] həmin seçki dairəsindən deputatlığa namizəd irəli sürməmişdir.[6] O, seçkilərdə 4841 səs (bütün səslərin təxmini 31,72%-i) toplayaraq seçkiləri birinci tamamlamış və Azərbaycan Respublikasının Milli Məclisi III çağırış deputatı seçilmişdir.[7]
İltizam Əkbərli 1 mart 2006-cı ildə Milli Məclisin İnsan hüquqları daimi komissiyasının üzvü,[8] Azərbaycan-Belçika, Azərbaycan-Norveç, Azərbaycan-Yunanıstan parlamentlərarası əlaqələr üzrə işçi qruplarının üzvü seçilmişdir.[9] İltizam Əkbərli 14 aprel 2009-cu ildə Milli Məclisin İnsan hüquqları komitəsinin üzvü seçilmişdir.[10] O, həmçinin, 30 iyun 2009-cu ildə Azərbaycan— Türkiyə parlamentlərarası əlaqələr üzrə işçi qrupunun üzvü seçilmişdir.[11]
İltizam Əkbərli 2010-cu il parlament seçkilərində AXCP-Müsavat Blokunun vahid namizədi olaraq 79 saylı İmişli seçki dairəsindən deputatlığa namizədliyi irəli sürülsə də, onun namizədliyinin qeydə alınması üçün təqdim olunmuş 600 seçici imzasından 228-i etibarsız hesab edildiyi, qalan imzalar isə namizədin qeydə alınması üçün seçki qanunvericiliyi ilə tələb olunan etibarlı imzaların sayından az olduğu üçün namizədliyi qeydə alınmamışdır.[12]
İltizam Əkbərli 2015-ci il parlament seçkilərində Müsavat Partiyasından 79 saylı İmişli seçki dairəsi üzrə deputatlığa namizəd olmuşdur.[13] 10 noyabr 2015-ci ildə Müsavat Partiyası Divanı iclas keçirərək parlament seçkilərində iştirak qərarını ləğv etmişdir. Buna baxmayaraq, İltizam Əkbərli seçkilərdə iştirak edəcəyini bildirmiş və bu səbəbdən partiya tərəfindən töhmət almışdır.[14] O, 2898 səs (təxmini ümumi səslərin 16%-i) toplayaraq Yeni Azərbaycan Partiyası namizədi Əsabil Qasımovun ardından seçkiləri 2-ci sırada tamamlamışdır.[15] O, seçkilərin nəticələrinə etiraz etsə də, seçki nəticələri ləğv edilməmişdir.[16] Avropa Ədalət Məhkəməsinə seçkilərlə bağlı şikayət edən İltizam Əkbərlinin işinə baxılmış, 30 iyun 2016-cı ildə ona 10 000 avro və ümumilikdə hüquqi yardım üçün 4 000 avro ödənilməsi qərarını vermişdir.[17]
İltizam Əkbərli 2020-ci il parlament seçkilərində bitərəf namizəd olaraq 79 saylı İmişli seçki dairəsi üzrə deputatlığa namizədliyini irəli sürmüşdür.[18] O, 1060 səs (9,47%) toplayaraq seçkiləri bitərəf namizəd Razi Nurullayev və bitərəf namizəd Murad Fərzəliyevin ardınca 3-cü sırada tamamlamışdır.[19]
İltizam Əkbərli Müsavat Partiyasının üzvü olmuşdur. İltizam Əkbərli 2015-ci il parlament seçkilərindən sonra partiya sıralarından ayrılmışdır.
İltizam Əkbərli Parlament Jurnalistlər Birliyi tərəfindən 2008-ci ildə seçicilərin hüquqlarını müdafiə edən ən fəal deputatlardan biri elan olunmuşdur.[20]
- ↑ "ƏKBƏRLİ İltizam Nizam oğlu". 14 fevral 2022 tarixində arxivləşdirilib. İstifadə tarixi: 8 mart 2021.
- ↑ "İctimai xadimlərdən kim neçə dildə danışır?". 14 fevral 2022 tarixində arxivləşdirilib. İstifadə tarixi: 14 fevral 2022.
- ↑ "İ. N. Əkbərovun İmişli rayonu İcra hakimiyyətinin başçısı təyin edilməsi və X. D. Bəylərovun həmin vəzifədən azad edilməsi haqqında". 14 fevral 2022 tarixində arxivləşdirilib. İstifadə tarixi: 14 fevral 2022.
- ↑ "X. D. Bəylərovun İmişli rayonu İcra hakimiyyətinin başçısı təyin edilməsi və İ. N. Əkbərovun həmin vəzifədən azad edilməsi haqqında". 20 mart 2019 tarixində arxivləşdirilib. İstifadə tarixi: 14 fevral 2022.
- ↑ "İltizam Əkbərli Müsavatın qərarını tanımadı". 14 fevral 2022 tarixində arxivləşdirilib. İstifadə tarixi: 14 fevral 2022.
- ↑ "Wayback Machine". web.archive.org. 25 fevral 2014. 25 fevral 2014 tarixində arxivləşdirilib. İstifadə tarixi: 3 sentyabr 2024.
- ↑ "Arxivlənmiş surət". 19 mart 2007 tarixində arxivləşdirilib. İstifadə tarixi: 14 fevral 2022.
- ↑ "Azərbaycan Respublikası Milli Məclisinin daimi komissiyalarının tərkibində dəyişikliklər haqqında". 23 aprel 2021 tarixində arxivləşdirilib. İstifadə tarixi: 14 fevral 2022.
- ↑ "Azərbaycan Respublikası Milli Məclisinin parlamentlərarası əlaqələr üzrə işçi qruplarının tərkibində dəyişikliklər haqqında". 2 iyul 2017 tarixində arxivləşdirilib. İstifadə tarixi: 14 fevral 2022.
- ↑ "Azərbaycan Respublikası Milli Məclisi komitələrinin tərkibi haqqında". 2 iyul 2017 tarixində arxivləşdirilib. İstifadə tarixi: 14 fevral 2022.
- ↑ "Azərbaycan Respublikası Milli Məclisinin parlamentlərarası əlaqələr üzrə işçi qruplarının tərkibində dəyişikliklər edilməsi haqqında". 14 fevral 2022 tarixində arxivləşdirilib. İstifadə tarixi: 14 fevral 2022.
- ↑ "2010-cu il noyabrın 7-nə təyin edilmiş Azərbaycan Respublikasının Milli Məclisinə seçkilərdə Azərbaycan Respublikasının Mərkəzi Seçki Komissiyasına daxil olmuş 15 oktyabr 2010-cu il tarixli 239 saylı müraciətə baxılması barədə". 14 fevral 2022 tarixində arxivləşdirilib. İstifadə tarixi: 14 fevral 2022.
- ↑ "79 SAYLI İMİŞLİ SEÇKİ DAİRƏSİ ÜZRƏ QEYDƏ ALINANLARIN SİYAHISI". 3 aprel 2016 tarixində arxivləşdirilib. İstifadə tarixi: 14 fevral 2022.
- ↑ "İltizam Əkbərli Müsavat Divanının qərarına münasibət bildirib". 14 fevral 2022 tarixində arxivləşdirilib. İstifadə tarixi: 14 fevral 2022.
- ↑ "79 SAYLI İMİŞLİ SEÇKİ DAİRƏSİ". 3 aprel 2016 tarixində arxivləşdirilib. İstifadə tarixi: 14 fevral 2022.
- ↑ "2015-ci il noyabrın 1-də keçirilmiş Azərbaycan Respublikasının Milli Məclisinə seçkilərdə Mərkəzi Seçki Komissiyasına daxil olmuş 10 noyabr 2015-ci il tarixli 155 saylı müraciətə baxılması barədə". 14 fevral 2022 tarixində arxivləşdirilib. İstifadə tarixi: 14 fevral 2022.
- ↑ "Avropa Məhkəməsi Azərbaycanı cərimələdi – 18 qərar". 18 yanvar 2021 tarixində arxivləşdirilib. İstifadə tarixi: 14 fevral 2022.
- ↑ "79 SAYLI İMİŞLİ SEÇKİ DAİRƏSİ ÜZRƏ QEYDƏ ALINANLARIN SİYAHISI". 27 iyun 2021 tarixində arxivləşdirilib. İstifadə tarixi: 14 fevral 2022.
- ↑ "MİLLİ MƏCLİS SEÇKİLƏRİ - 09.02.2020". 11 fevral 2022 tarixində arxivləşdirilib. İstifadə tarixi: 14 fevral 2022.
- ↑ "Mehriban Əliyeva seçicilərin hüquqlarını müdafiə edən ən fəal deputat elan olunub". 14 fevral 2022 tarixində arxivləşdirilib. İstifadə tarixi: 14 fevral 2022.