İlqar Sadıqov

İlqar Sadıqov 25 sentyabr 1965-ci ildə Bakı şəhərində anadan olub. Əslən Naxçıvandandır. Orta təhsilini başa vurduqdan sonra Azərbaycan Dövlət İqtisad Universitetinə daxil olub və oranı yüksək nəticələrlə bitirib.

İlqar Sadıqov uzun illər memarlıq və şəhərsalma sahəsində fəaliyyət göstərib. O, Azərbaycan Respublikası Dövlət Şəhərsalma və Arxitektura Komitəsi yanında Qarabağ Regional Memarlıq və Şəhərsalma Baş İdarəsinin rəisi vəzifəsində çalışıb. 2025-ci ilin yanvar ayında İlqar Sadıqov Naxçıvan Muxtar Respublikası Dövlət Şəhərsalma və Arxitektura Komitəsinə sədr təyin edilib. İlqar Sadıqov "NUHÇIXAN" İnformasiya Agentliyinə verdiyi qısa açıqlamada göstərilən etimada görə minnətdarlığını bildirib və Naxçıvanda tikinti-quruculuq işlərinin müasir tələblər və estetik zövqlə həyata keçirilməsi üçün səylə çalışacağını vurğulayıb.

İlqar Sadıqov Azərbaycan Respublikası Ali Məhkəməsinin sədr müavini, əməkdar hüquqşünas Hacıbala Sadıqovun oğludur.

• Demokrat.az – “İlqar Sadıqov Naxçıvanda vəzifəyə təyin olundu”
• Globalinfo.az – “İlqar Sadıqovun dosyesi”
• Report.az – “Naxçıvanda Şəhərsalma Komitəsinə yeni sədr təyin olundu”
• Trend.az – “İlqar Sadıqov Naxçıvanda sədr təyin edilib”
• NUHÇIXAN.az – “İlqar Sadıqovun açıqlaması”