Muxtarov İlqar Yusif oğlu (29 sentyabr 1969, Bakı) — Diplomat, hüquqşünas, Azərbaycan Respublikasının Meksika Respublikasında Fövqəladə və Səlahiyyətli səfiri (2009—2016). Azərbaycan Respublikasının Müqəddəs Taxt-Tacda fövqəladə və səlahiyyətli səfiri.
| İlqar Muxtarov | |
|---|---|
| İlqar Yusif oğlu Muxtarov | |
Vəzifədədir | |
| 17 oktyabr 2022-ci ildən | |
| 14 aprel 2009 – 27 yanvar 2016 | |
| Şəxsi məlumatlar | |
| Doğum tarixi | |
| Doğum yeri | Bakı, Azərbaycan SSR |
| Təhsili | |
| Fəaliyyəti | Diplomat |
| Atası | Yusif Muxtarov |
| Anası | Amaliya Pənahova |
| Dini | İslam |
| Elmi fəaliyyəti | |
| Tanınır | Diplomat |
|
|
|
| Təltifləri |
 |
İlqar Yusif oğlu Muxtarov 1969-ci ildə sentyabr ayının 29-da Bakıda anadan olub. O, əvvəlcə Bakı Dövlət Universitetinin Şərqşünaslıq fakültəsində ərəb dili və tarixi üzrə təhsil alıb. Daha sonra təhsilini Beynəlxlaq hüquq ixtisası üzrə davam etdirib.
1996—1998-ci illərdə Xarici İşlər Nazirliyinin Avropa, ABŞ və Kanada şöbələrində çalışıb. 1998—2005-ci illərdə Azərbaycanın Amerikadakı səfirliyində işləyib. 2005-ci ildə Azərbaycan Respublikasının Xarici İşlər Nazirliyində birinci katib vəzifəsində çalışıb.
2006-cı ilin iyun ayından Azərbaycan Xarici İşlər Nazirliyinin Amerika şöbəsinin müdiri olub. 2007-ci ildən Azərbaycanın Amerikadakı səfirliyinin siyasi məsələlər şöbəsində çalışıb. 2007—2009-cu illərdə Azərbaycanın Amerikadakı səfirliyinin müvəqqəti işlər vəkili olub.
İlqar Muxtarov 14 aprel 2009-cu ildə Prezident İlham Əliyevin sərəncamı ilə Azərbaycanın Meksikadakı fövqaladə və səlahiyyətli səfir təyin edilib.[1] Həmin vaxt İ. Muxtarova Azərbaycan Respublikasının fövqəladə və səlahiyyətli səfiri diplomatik rütbəsi verilib..[2] İ.Muxtarov Azərbaycan səfiri kimi eyni zamanda Kosta Rika, Qvatemala, Kolumbiya, Panama və Peruda akkreditə olunub.
2012-ci il iyulun 7-də Prezidenti İlham Əliyev tərəfindən Azərbaycan Respublikasının diplomatik xidmət orqanlarında səmərəli fəaliyyətinə görə İlqar Muxtarov 3-cü dərəcəli “Vətənə xidmətə görə” ordeni ilə təltif olunub.[3]
Azərbaycan Respublikasının Müqəddəs Taxt-Tacda fövqəladə və səlahiyyətli səfiri[4].
2025-ci ilin aprelində Vatikanda Papa Cəngavər Ordeninin Böyük Xaçına (Cavaliere di Gran Croce dell'Ordine Piano) layiq görülüb.
Rus, ingilis, türk dillərini əla, ərəb və ispan dillərini isə orta səviyyədə bilir.
Ailəlidir, bir oğlu var.
İlqar Muxtarov Azərbaycan teatr və kino sənətinin görkəmli xadimləri Xalq artistləri Amaliya Pənahova və Yusif Muxtarovun övladıdır.
- ↑ "İ.Y.Muxtarovun Azərbaycan Respublikasının Meksika Birləşmiş Ştatlarında fövqəladə və səlahiyyətli səfiri təyin edilməsi haqqında Azərbaycan Respublikası Prezidentinin Sərəncamı".
- ↑ "İ.Y.Muxtarova Azərbaycan Respublikasının fövqəladə və səlahiyyətli səfiri diplomatik rütbəsi verilməsi haqqında Azərbaycan Respublikası Prezidentinin Sərəncamı".
- ↑ "Azərbaycan Respublikasının diplomatik xidmət orqanları əməkdaşlarının təltif edilməsi haqqında Azərbaycan Respublikası Prezidentinin Sərəncamı". 2023-07-23 tarixində arxivləşdirilib. İstifadə tarixi: 2024-11-05.
- ↑ "İ.Y.Muxtarovun Azərbaycan Respublikasının Müqəddəs Taxt-Tacda fövqəladə və səlahiyyətli səfiri təyin edilməsi haqqında Azərbaycan Respublikası Prezidentinin Sərəncamı". 2022-11-27 tarixində arxivləşdirilib. İstifadə tarixi: 2022-11-27.