İlqar Nazim oğlu Muradov (d. 1971, Bakı) - Azərbaycan Respublikasının qiymətli kağızlar bazarının inkişafında xidmətləri olmuş dövlət xadimi, 2010–2016-cı illərdə Qiymətli Kağızlar üzrə Dövlət Komitəsi sədrinin müavini və 2016-cı ildən Maliyyə Bazarlarına Nəzarət Palatasının Direktorlar Şurasının üzvü kimi fəaliyyət göstərmişdir.
| İlqar Muradov | |
|---|---|
| İlqar Nazim oğlu Muradov | |
 | |
| iyun 2009 – aprel 2010 | |
| 10 aprel 2010 – 3 fevral 2016 | |
  | |
| 4 fevral 2016 – 4 oktyabr 2018 | |
| Şəxsi məlumatlar | |
| Doğum tarixi | |
| Doğum yeri | Bakı, Azərbaycan SSR, SSRİ |
| Təhsili |
Azərbaycan Texniki Universiteti (fərqlənmə) Azərbaycan Dövlət İqtisad Universiteti - UNEC (fərqlənmə) |
|
|
|
| Təltifləri |
 |
1971-ci ildə Bakı şəhərində anadan olmuşdur.[1] Azərbaycanlıdır, ali təhsilini Azərbaycan Texniki Universitetində və Azərbaycan Dövlət İqtisad Universitetinin (UNEC) Maliyyə‑kredit fakültəsində fərqlənmə diplomu ilə başa vurmuşdur.[2]
İlqar Muradov əmək fəaliyyətinə 1996-cı ilin mart ayında Azərbaycan Respublikası Dövlət Əmlak Komitəsində başlamışdır. O, həmin ilin sentyabr ayından 1997-ci ilin fevralına kimi İnvestisiya fondlarının təşkili şöbəsində aparıcı mütəxəssis, fevral ayından noyabr ayınadək isə Fond bazarının tənzimlənməsi şöbəsində eyni vəzifədə çalışmışdır. 1997-ci ilin noyabr ayından etibarən Azərbaycan Dövlət Əmlak Komitəsinin yaratdığı "Mülk" Milli Depozit Mərkəzində (MDM) fəaliyyət göstərmiş, burada İnvestisiya institutlarına nəzarət şöbəsində baş mütəxəssis və şöbə rəisinin səlahiyyətlərini icra edən şəxs olmuşdur. 1999-cu ilin iyul ayından həmin şöbənin rəisi, oktyabr ayından isə Deponentləşdirmə şöbəsinin rəhbəri təyin edilmişdir. 2003-cü ilin sentyabrından 2006-cı ilin yanvar ayınadək Deponentləşdirmə və arxiv şöbəsinə, daha sonra isə yenidən Deponentləşdirmə şöbəsinə rəhbərlik etmişdir. 2009-cu ilin fevral ayında həmin şöbənin rəisi kimi fəaliyyətini davam etdirmiş, 2009-cu ilin iyun ayından etibarən MDM-in İdarə Heyəti sədrinin müavini vəzifəsinə təyinat almışdır.[2][3]
10 aprel 2010‑cu il tarixli Prezident sərəncamı ilə Azərbaycan Respublikasının Qiymətli Kağızlar üzrə Dövlət Komitəsi sədrinin müavini təyin edilmişdir.[2][4]
İlqar Muradov qiymətli kağızlar bazarının inkişafına toxunaraq, Azərbaycanda həyata keçirilən ardıcıl iqtisadi islahatların bu sahəni də əhatə etdiyini və dövlət səviyyəsində qəbul edilən qərarların bazarın tərəqqisinə stimul verdiyini qeyd etmişdir.[5]
O, “2011–2020‑ci illərdə Azərbaycan Respublikasında qiymətli kağızlar bazarının inkişafı” Dövlət Proqramının icrasının uğurla davam etdiyini, bu prosesin bazarın institusional səviyyəsini yüksəltməklə yanaşı, fəaliyyətin beynəlxalq standartlara uyğunlaşdırılmasına xidmət etdiyini vurğulamışdır.[5]
29 mart 2016‑cı il tarixində Prezident İlham Əliyevin sərəncamı ilə Maliyyə Bazarlarına Nəzarət Palatası publik hüquqi şəxsin Direktorlar Şurasının üzvü təyin edilmişdir.[2]
2013-cü ilin sentyabr ayında Azərbaycan Respublikasi Prezidentinin müvafiq sərəncamı ilə Azərbaycan Respublikasında qiymətli kağızlar bazarının formalaşdırılmasında xidmətlərinə görə "Tərəqqi" medalı ilə təltif edilmişdir.[6]
Ailəlidir, 2 övladı var.
- ↑ APA. "apa.az". apa.az (az.).
- ↑ 1 2 3 4 “Maliyyə Bazarlarına Nəzarət Palatasının rəhbərliyinə yeni təyinatlar olub”, APA, 29 mart 2016.
- ↑ "Azərbaycan Qiymətli Kağızlar üzrə Dövlət Komitəsində sədr müavinləri təyin olunub". Apa.az (az.). 2010-04-29.
- ↑ Azərbaycan Respublikası Prezidentinin 10 aprel 2010‑cu il tarixli “İ.N.Muradovun Azərbaycan Respublikasının Qiymətli Kağızlar üzrə Dövlət Komitəsi sədrinin müavini təyin edilməsi haqqında” sərəncamı – e‑qanun.az, № 19760.
- ↑ 1 2 https://qafqazinfo.az/news/detail/qiymetli-kagizlar-bazari-haqqinda-yeni-qanun-ictimaiyyete-aciqlandi-124946
- ↑ e-qanun. "Azərbaycan Respublikasının Qiymətli Kağızlar üzrə Dövlət Komitəsinin yaradılmasının 15 illiyi münasibətilə bir qrup şəxsin təltif edilməsi haqqında". e-qanun.az (az.).