Heybətov İlqar Cavanşir oğlu — azərbaycanlı həkim-kardiocərrah, tibb üzrə fəlsəfə doktoru. 20 dekabr 1966-cı ildə Xaçmaz rayonunun Gülalan kəndində anadan olmuşdur. Uzun illər M. Topçubaşov adına Elmi Cərrahiyyə Mərkəzində çalışmış və 2018–2022-ci illərdə Ürək Cərrahiyyəsi şöbəsinin müdiri olmuşdur.
| İlqar Heybətov | |
|---|---|
| İlqar Cavanşir oğlu Heybətov | |
| Doğum tarixi | |
| Doğum yeri | Gülalan, Xaçmaz rayonu, Azərbaycan |
| Vətəndaşlığı |
 Azərbaycan |
| Milliyyəti | azərbaycanlı |
| İxtisası | Ürək-damar cərrahı, kardiocərrah |
| Təhsili | Azərbaycan Tibb Universiteti (1987–1994) |
| Fəaliyyəti | Ürək-damar cərrahiyyəsi |
1974–1984-cü illərdə Xaçmaz şəhər 1 saylı orta məktəbində təhsil almışdır. 1985–1987-ci illərdə hərbi xidmətdə olmuşdur.
1987–1994-cü illərdə Azərbaycan Tibb Universitetinin müalicə-profilaktika fakültəsində təhsil almışdır. 1993–1994-cü illərdə M. Topçubaşov adına Elmi-Tədqiqat Kliniki Eksperimental Cərrahiyyə İnstitutunda cərrahlıq üzrə internaturanı tamamlamışdır.
1999-cu ilin 15 oktyabrında “Perikarditlərin diaqnostika və müalicəsinin müasir aspektləri” mövzusunda dissertasiyasını müdafiə edərək tibb üzrə fəlsəfə doktoru elmi dərəcəsi almışdır.[1]
1994-cü ildə müsabiqə yolu ilə M. Topçubaşov adına ETKECİ-də torakal cərrah kimi fəaliyyətə başlamışdır. Daha sonra ürək-damar cərrahı və elmi işçi kimi çalışmağa başlamışdır.
- 1995–2002 – M. Topçubaşov adına Elmi Cərrahiyyə Mərkəzi — ürək cərrahı
- 2002–2005 – Səudiyyə Ərəbistanı, Dammam — Saud Al Babtain Cardiac Centre, ürək cərrahı
- 2006–2011 – M. Topçubaşov adına Elmi Cərrahiyyə Mərkəzi — ürək cərrahı
- 2010–2012 – Səudiyyə Ərəbistanı, Məkkə — Kral Abdulla Tibb Mərkəzi, təkmilləşdirmə
- 2012–indiyədək – M. Topçubaşov adına ECM — ürək cərrahı
- 2018–2022 – ECM-in Ürək Cərrahiyyəsi şöbəsinin müdiri
Heybətov xarici və yerli fəaliyyətləri dövründə bir sıra mürəkkəb cərrahi əməliyyatların icrasında iştirak etmişdir. O cümlədən:
- 2006-cı ildən — aorta-koronar şuntlama əməliyyatları
- 2013-cü ildən — Bentall əməliyyatı və aorta qövüsünün protezlənməsi
- digər kompleks kardiocərrahi əməliyyatlar
Bu əməliyyatların bir qismi yerli mətbuatda geniş işıqlandırılmışdır.[2]
Elmi fəaliyyəti müddətində:
- 1 metodik tövsiyə
- 2 səmərələşdirici təklif
- 58-dən çox elmi məqalə
müəllifidir.
Ailəlidir, bir övladı var.
- ↑ "Əməliyyat haqqında Trend xəbəri". Trend.az. İstifadə tarixi: 27 noyabr 2025.
- ↑ "Azərbaycanda unikal cərrahi əməliyyat". Qafqazinfo. İstifadə tarixi: 27 noyabr 2025.