Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinİlqar Rza oğlu Abbasov (11 aprel 1975, Naxçıvan) — Azərbaycan Respublikasının Strateji Obyektlərin Mühafizəsi Dövlət Agentliyinin rəisi (2022–2025), general-mayor (2022).
| İlqar Abbasov | |
|---|---|
| 15 iyul 2022 – 24 oktyabr 2025 | |
| Əvvəlki | vəzifə təsis edilib |
| Sonrakı | Sərdar Səfərov |
| Şəxsi məlumatlar | |
| Doğum tarixi | 11 aprel 1975 (50 yaş) |
| Doğum yeri | |
| Təhsili | |
| Rütbəsi |
 General-mayor |
|
|
|
| Təltifləri |
                |
İlqar Rza oğlu Abbasov 11 aprel 1975-ci il tarixdə Naxçıvan Muxtar Respublikasının Naxçıvan şəhərində anadan olmuşdur. Naxçıvan Dövlət Universitetinin Hüquq fakültəsini bitirmişdir.[1]
İlqar Abbasov 1996-cı ildə Azərbaycan Respublikası Prokurorluğu orqanlarında daimi qulluğa qəbul olunmuş, Naxçıvan Muxtar Respublikası Prokurorluğunda, Lənkəran və Səbail rayon prokurorluqlarında, Baş Prokurorluq və Bakı Şəhər Prokurorluğunda prokuror köməkçisi və idarə prokuroru, eləcə də Azərbaycan Respublikası Baş prokurorunun köməkçisi, Baş prokuror yanında Korrupsiyaya Qarşı Mübarizə Baş İdarəsi rəisinin müavini, Bakı şəhər prokuroru vəzifələrində çalışmışdır.[1]
Azərbaycan Respublikası Prezidentinin 5 avqust 2014-cü il tarixli Sərəncamı ilə İlqar Abbasova III dərəcəli dövlət ədliyyə müşaviri ali xüsusi rütbəsi verilmişdir.[2] 15 iyul 2022-ci ildə Azərbaycan Respublikası Prezidentinin Sərəncamı ilə Azərbaycan Respublikasının Strateji Obyektlərin Mühafizəsi Dövlət Agentliyinin rəisi vəzifəsinə təyin olunmuş[3] və ona general-mayor ali hərbi rütbəsi verilmişdir.[4] İlqar Abbasov Azərbaycan Respublikası Prezidentinin 24 oktyabr 2025-ci il tarixli Sərəncamı ilə Strateji Obyektlərin Mühafizəsi Dövlət Agentliyinin rəisi vəzifəsindən azad edilmişdir.[5]
İlqar Abbasov 28 sentyabr 2018-ci ildə Azərbaycan Respublikası Prezidentinin Sərəncamı ilə 3-cü dərəcəli "Vətənə xidmətə görə" ordeni ilə təltif olunmuşdur.[6] Bundan əlavə, o, dəfələrlə yubiley medalları ilə mükafatlandırılmışdır.
- ↑ 1 2 "Rəhbərlik | General-mayor İlqar Rza oğlu Abbasov". somda.gov.az. İstifadə tarixi: 20 mart 2024.
- ↑ "Azərbaycan Respublikası Prokurorluğunun əməkdaşlarına ali xüsusi rütbələrin verilməsi haqqında Azərbaycan Respublikası Prezidentinin Sərəncamı". e-qanun.az. 5 avqust 2014. 20 mart 2024 tarixində arxivləşdirilib. İstifadə tarixi: 20 mart 2024.
- ↑ "İ. R. Abbasovun Azərbaycan Respublikasının Strateji Obyektlərin Mühafizəsi Dövlət Agentliyinin rəisi təyin edilməsi haqqında Azərbaycan Respublikası Prezidentinin Sərəncamı". e-qanun.az. 15 iyul 2022. 27 yanvar 2023 tarixində arxivləşdirilib. İstifadə tarixi: 20 mart 2024.
- ↑ "İ. R. Abbasova general-mayor ali hərbi rütbəsinin verilməsi haqqında Azərbaycan Respublikası Prezidentinin Sərəncamı". e-qanun.az. 15 iyul 2022. İstifadə tarixi: 20 mart 2024.
- ↑ "İ. R. Abbasovun Azərbaycan Respublikası Strateji Obyektlərin Mühafizəsi Dövlət Agentliyinin rəisi vəzifəsindən azad edilməsi haqqında Azərbaycan Respublikası Prezidentinin Sərəncamı". president.az. 24 oktyabr 2025. İstifadə tarixi: 24 oktyabr 2025.
- ↑ "Azərbaycan Respublikası Prokurorluğunun bir qrup əməkdaşının təltif edilməsi haqqında Azərbaycan Respublikası Prezidentinin Sərəncamı". e-qanun.az. 28 sentyabr 2018. 18 fevral 2024 tarixində arxivləşdirilib. İstifadə tarixi: 20 mart 2024.