PROF. DR. İLQAR CƏMİLOĞLU İMAMVERDİYEV İlqar Cəmiloğlu İmamverdiyev 23 sentyabr 1956-cı ildə Azərbaycanın Gənçə şəhrində anadan oldu. Fikrət Əmirov adına 1 saylı Uşaq Musiqi Məktəbini (1967-1972), Qənbər Hüseynli adına Orta İxtisas Müziqi Texnikumunu (1972-1976) və Üzeyir Hacıbəyli adına Azərbaycan Dövlət Konservatoriyasını (Bakı Musiqi Akademiyasını 1976-1981 ilində tar ixtisası üzrə) fərqlənmə diplomları ilə məzun oldu. 1985 ilində Moskvada təşkil olunmuş Tələbə və Gənclərin XII Ümumdünya Festivalının diplomunu, 1986 ilində Orta Asiya və Zaqafqaziya dövlətləri arasında Şərq Alətləri üzrə Bakıda keçirilən Üzeyir Hacıbəyli adına I Beynəlxalq müsabiqəsinin laureatı adına layiq görüldü. Zaqafqaziya, Orta Asiya və Türkiyədə düzənlənən xalq musiqisi və folkloru sahəsində bir çox uluslararası kongreslərdə aktual mövzularla çıxış edərək, 200- dən artıq elmi məqalələri Azərbaycan və Türkiyə mətbuatında yayınlandı.
1994-cü ildə Azərbaycan Respublikasının Prezidenti yanında Ali Attestasiya Komissiyasının qərarına əsasən “sənətşünaslıq namizədi” diplomunu (EN № 0308, 2 Noyabr 1994 il tarixli Protokol № 54), 2009 ilində sənətşünaslıq doktoru diplomunu (ED № 01109, 8 May 2009 il tarixli Protokol № 8 –R), - elmi ünvanlarını aldı. 1981-ci ildən 2000 ilə qədər Üzeyir Hacıbəyli adına Bakı Musiqi Akademiyasının “Xalq Çalgı Alətləri Kafedrası”nda, 2000–2006-ci illərdə Ərzurum Atatürk Üniversitetində dosent vəzifəsində çalışdı. 2007-ci ilindən etibarən Gaziantep Üniversiteti Türk Musiqisi Dövlət Konservatoriyasında dosent, 2011-ci ildən etibarən həmin Ali Təhsil Qurumunun İdarə Heyətinin qərarı (05.07-2011, № 14) ilə professor vəzifəsində çalışmaqdadır. 2015 ilində Azərbaycan Respublikasının Prezidenti yanında Ali Attestasiya Komissiyasının qərarı əsasında 2-ci Professorluq Diplomunu (PR № 01432, 17 Aprel 2015 tarixli Protokol № 07 R) alalan İlqar Cəmil oğlu İmamverdiyev səksəndən artıq təşəkkür bəlgəsi, plaket və bir çox mükafatlara layiq görüldü.
1. İstanbul Büyükşəhər Bələdiyəsi ilə Motif Vakfı işbirliyində təşkil olunmuş 21.Motif Xalq Bilim Ödülləri dəyərləndirmələri Ödül Təsbit Komissiyası tərəfindən düzənlənən “Halk Müziği Hizmet Ödülü”. 12 Aralık 2015
2. “Avrupa Nəşr Mətbuat Evi”nin “En Yaxşı Vətənsevər Tədqiqatçı Elm Adamı” Qızıl Medalı və Diplomu (AZ - № 8032200126 ) Bakı – 2016.
3. İksad Yayınevinin “Onur ödülü” 2018, 2020.
Ötən illər ərzində İlqar Cəmil oğlu İmamverdiyev "Ansambl üçün pyeslər məcmuəsi" (1997), "Azərbaycan aşıq ifaçılığı sənətinin səciyyəvi xüsusiyyətləri” (2004), "Azərbaycanın 20 saz havası" adlı I, II (2005) və III cild (2006), "Azərbaycanın 40 saz havası" (2006), "Fortepiano müşayiətli saz əsərləri" (2006), "Fortepiano müşayiətli tar əsərləri" I, II cild (2006), "İran Türklərində aşıq toy mərasimləri" (2006), iki cilddən ibarət "Azərbaycan rəqs havaları" (2007), üç cilddən ibarət "Azərbaycan muğam rəngləri və dəramədləri" (2007, 2009), "Azərbaycan və İran Türklərinin aşıq-ifaçılıq sənətinin qarşılıqlı əlaqələri" 1-ci nəşr (2007), 2-ci nəşr (2008), "Aşıq Mikayıl Azaflının saz havaları" (2008), altı cilddən ibarət "Azərbaycan xalq mahnıları" (2007, 2008, 2009), "Azərbaycan muğam inciləri" (2010), "Məzəli əhvalatlar və gülməcələr" (2010), "Miskin Abdal ocağının el sənətkarları" 1-ci nəşr (2011), "Şirvan aşıqlarının saz havaları" (2011), “İran-Azərbaycan aşıqlarının 40 saz havası” (2012), "Koroğlu havaları" (2012), "Saz havaları antologiyası" (2013), "Azərbaycan instrumental xalq musiqi örnəkləri" (2014), "Vahid Əlioğlunun şeirlərinə bəstələnmiş musiqilər” (2015), “Miskin Abdal elinin saz - söz ustadları” 2-ci nəşr (2017), “Dədə Şəmşir ifaçılığı sənətində ənənəvi saz havaları” (2017), “Azərbaycan musqisində Bahar mövzusu və Novruz motivlərinin izləri” (2018), “Bir millət, iki dövlət, Azərbaycan–Türkiyə” (2018), “Azərbaycan musiqi mədəniyyətində bayatılar – manilər” (2019) (türkcə), “Yaşayırsan ürəyimdə” (2020), eyni zamanda Əli İmamverdi ilə ortaq “Azərbaycan rəqs havaları atlası” I cild “Qaytağı” (2020) (türkcə), “Azərbaycan rəqs havaları atlası” II cild “Yallılar” (2020) (türkcə), “Azərbaycan rəqs havaları atlası” III cild “Diringi” (2020) (türkcə), “Azərbaycan rəqs havaları atlası” IV cild “Qədim rəqslər” (2020) (türkcə), “Azərbaycan rəqs havaları atlası” V cild “Çağdaş dönəm rəqsləri” (1. bölüm) (2020) (türkcə), “Azərbaycan rəqs havaları atlası” VI cild, “Çağdaş dönəm rəqsləri” (2. bölüm) (2020) (türkcə), “Aftandil İsrafilovun 26 rəqs havaları” (2021), “Azərbaycan aşıq ifaçılığı sənəti” (2021) (türkcə), “Ürəyimin nəğmələri” (2021), “Aşıq Ələsgər-200, Aşıq Ələsgərin poetik və musiqi dünyası" (2021), “Fortepiano müşayiətli instrumental tar əsərləri” (2021), Firuzə İmamverdi ilə ortaq yazdığı “İran Türklərində aşıq düyün gələnəyi” (2021) (türkcə), Əli İmamverdi ilə ortaq yazdığı “İnstrumantal tar əsərləri” (dəramədlər, rənglər, diringilər) (2021) (türkcə), “Şüştər dəramədləri və rəngləri” (2021) (türkcə), “Şur dəramədləri və rəngləri” (2022) (türkcə), “Kürdü-Şahnaz, Dilkəş, Rahab, Nəva dəramədləri və rəngləri” (2022) (türkcə), “Hümayun, Bayatı–Kürd dəramədləri və rəngləri” (2022) (türkcə), “Rast dəramədləri və rəngləri” (2022) (türkcə), “Muğam dəramədləri və rəngləri” (Mahur–Hindi, Orta-Mahur, Bayatı-Qacar, Qatar, Dügah, Bayatı-Türk, Zəmin–xara, Çoban-Bayatı) (2022)(türkcə), “Bayatı-Şiraz dəramədləri və rəngləri” (2022) (türkcə), “Segah dəramədləri və rəngləri” (2022) (türkcə), “Cahargah dəramədləri və rəngləri” (2022) (türkcə), “Azərbaycan muğam dəramədləri və rəngləri ensiklopediyası” (2022) (türkcə), I cild “Cəmil Əkbər –şeirlər” (2022), II cild “Cəmil Əkbər –şeirlər” (2022), III cild “Cəmil Əkbər–şeirlər” (2022), IV cild “Cəmil Əkbər –şeirlər” (2022), V cild “Cəmil Əkbər –şeirlər” (2023), VI cild “Cəmil Əkbər–şeirlər” (2023), VII cild “Cəmil Əkbər–şeirlər” (2023), “Babək Qurbanov – 85” (2024), “Azərbaycan Zurna-Balaban ifaçılığı sənətinin ustadı” (2024), “Türk Dünyasının kültürəl dəyəri, Tar” isimli yetmiş dörd kitabı nəşr edilməklə yanaşı “Klassik saz havaları” (54 hava) adlı SD albomu (2015) Azərbaycan, Türk mədəni-ədəbi, musiqi ictimaiyətinin faydalana bilməsi üçün təqdim olunmuşdur.
Prof. Dr. İlqar Cəmiloğlu İmamverdiyev fərqli illərdə Azərbaycanda (Bakı 1979, 1980, 1999, Gəncə, Şəmkir, Gədəbəy, Naxçıvan, Lənkəran, Astara, Bərdə, Ağcabədi, Qazax 2022), Rusyada (Moskva 1982, 1985, Sankt-Peterburq 1980, 1990), Qazaxıstanda (Alma – ata 1992), Özbəkistanda (Daşkənd, Səmərqənd 1988, 1989), Gürcüstanda (Tiflis 1981), İtaliyada (Roma, Neapol, Kapri 1983), Moldovada (Komrat - Qagauziya 2017), KKTC (Lefkoşa 2019), İranda (Təbriz, Urmiya 1998, 2003, 2004, 2005), İrakda (Bağdat, Babil 1993), və Türkiyədə: (Ankara 2002, 2007, 2012, 2023, 2024, Qocaeli 2007, 2024 (zoom), Ərzurum 2000-2006, Ağrı 2003, Şanlıurfa 2013, 2015, Edirnə 2016, Sivas 2017, 2023, Niydə 2017, İstanbul 2012, 2017, 2024 (zoom), Nevşəhər 2017, 2018, Iğdır 2017, Diyarbakır 2017, 2024 (zoom), Antalya 2018, Afyon 2018, Ardahan 2019, Qars, Bayburt, Amasya, Osmaniyə, Akcaabat 2012, 2017, Əskişəhər 2019, Bursa 1994, Kırşəhər 1994, 2011, Qaziantep 2014, 2017, 2018, 2019, 2021, 2023, 2024, Muqla 2021, 2024, İzmir 1994, 2022 (zoom), Ayvalık 1994, Ərzincan 2022, Adıyaman 2017, Kozan 2019, Hakkari 2024 (zoom)) və s. düzənlənən bir çox dövlət tədbirlərində, rəsmi mərasimlərdə, folklor və xalq müsiqisi sahəsində düzənlənmiş beynəlxalq konqreslərdə, simpoziumlarda aktual mövzulardakı məqalələri ilə yanaşı həm də tarda və sazda professional ifaları ilə iştirak etmişdir.
Ötən illər ərzində Azərbaycan və Türkiyə televiziyalarında: “AzTV1”, “İctimai TV”, “TRT İnt”, “TRT Gap”, “25. kanal”da tar və saz aləti ilə fərqli konsertlərdə çıxış etmişdir. “Qaçaq Nəbi”, “Papaq”, “Bəyin oğurlanması”, “Doğma sahillər” filmlərinin və Dədə Qorqud motifləri əsasında çəkilmiş “Səkrəyin dastanı” adlı cizgi filminin musiqisinin lentə yazılması üçün tar, saz, bağlama və ud alətində ifa etmişdir.
Musiqişünas, ifaçı, pedaqoq, sənətşünaslıq elmləri doktoru, professor İlqar Cəmiloğlu İmamverdiyevin 70 illik yubileyi münasibəti ilə yayınlanan “Yetmişə gəlirəm, yüzə nə qaldı?” adlı kitab müəllifin Azərbaycan və Türkiyə mədəniyyət və incəsənət cameəsinə ərməğan etdiyi 75-ci əsəridir.