Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinİlhamə Qasımova — Azərbaycan pop müğənnisi.
| İlhamə Qasımova | |
|---|---|
| azərb. İlhamə Qasımova | |
| Ümumi məlumatlar | |
| Ləqəbi | İlhamə |
| Doğum tarixi | |
| Doğum yeri | Bala Şürük, Lənkəran, Azərbaycan SSR, SSRİ |
| Milliyyəti | talış |
| Musiqiçi məlumatları | |
| Fəaliyyəti | müğənni |
| Fəaliyyət illəri | 2005-bu günə qədər |
| Janr | pop musiqi |
| Albom şirkəti | Universal Music Group |
| Əlaqələri | DJ OGB,İslam Şirvani,Murad Arif |
İlhamə Qasımova 1976-cı ilin 24 mayında Lənkəran rayonunun Bala Şürük kəndində anadan olmuşdur. Orada kənd məktəbini bitirmişdir. Lənkəran Dövlət Universitetində filologiya fakültəsini bitirdikdən sonra iki il orta məktəbdə Azərbaycan dili və ədəbiyyatı müəllimi işləmişdir.
1990-cı illərin sonundan bir müddət Daxili İşlər Nazirliyinin pasport xidmətində müfəttiş işləmişdir.
2000-ci ildə keçirilmiş "Bakı Payızı" müsabiqəsinə qatılır və bu yarışda birinci mükafatı əldə edir [1]. 5 il sonra İlhamə "Yeni Ulduz-4" (2005-2006) müsabiqəsinə qatılır. O, bu yarışmada Avroviziyanın 2009-cu il Azərbaycan təmsilçisi olacaq Aysel Teymurzadə ilə birgə yarışırdı [2]. Müsabiqədəki qələbəsi İlhamə Qasımovanın peşəkar musiqi karyerasının başlanğıcına səbəb oldu.
İlhamə Qasımova 2011-ci ildə Avroviziyanın Azərbaycan milli seçimində uğurla çıxış etmişdir. Lakin 11 fevral finalında o, Ell & Nikki duetinə məğlub oldu. Bu hadisədən sonra İlhamə öz fəaliyyətini Almaniyada davam etdirmək qərarına gəldi [3]. Orada "Universal Music"lə müqavilə imzaladı [4].
2011-ci ilin noyabrında İlhamə Qasımova DJ OGB ilə özünün ilk sinqlını – "Bei Mir Bist Du Sheen"-i yazdırır.[5] Bu, məşhur "Yiddish song"-un ("İdiş mahnısı") müasir versiyası idi [6]. Mahnının klipi "iTunes"-də altıncı ən çox satılan video olmuşdur [7]. İlhamə Qasımova 1930-1950-ci illərin məşhur mahnılarının remikslərindən ibarət albom buraxmağı nəzərdə tutmuşdur [8].
2012-ci ilin yanvar-fevral aylarında İlhamə Qasımova ilk böyük turunu təşkil etmiş və Almaniya ilə Avstriyanın ətrafında olan şəhərlərdə konsertlər vermişdir. Həmin şəhərlərin sırasında Vyana, Berlin, Karlsrue, Fulda, Lübek və Lüdviqşafen də var idi [9].
1993-cü ildə, 17 yaşı olarkən, İlhamə Qasımova nikahda olmuşdu. Qasımova öz istəyi ilə bu evliliyə son qoyur. 2009-cu ildən o, ümumi qanuna görə 14 yaş özündən böyük bir həmkarı ilə yaşayır [10].
- Şər qarışanda (film, 2016)
- Mələyin öpüşü (film, 2017)
- ↑ "Ильхама Гасымова представит на Общественном канале свою шоу-программу". 11 iyun 2012 tarixində orijinalından arxivləşdirilib. İstifadə tarixi: 5 sentyabr 2012.
- ↑ "Продюсер Октай Алиев: «Айсель Теймурзаде не смогла проявить себя на конкурсе "Йени улдуз"»". 6 dekabr 2019 tarixində arxivləşdirilib. İstifadə tarixi: 5 sentyabr 2012.
- ↑ "Азербайджанская певица планирует покорить европейскую сцену". 6 dekabr 2019 tarixində arxivləşdirilib. İstifadə tarixi: 5 sentyabr 2012.
- ↑ "Ильхама Гасымова исполнила хит Эдит Пиаф". 29 noyabr 2011 tarixində arxivləşdirilib. İstifadə tarixi: 5 sentyabr 2012.
- ↑ "İlhamə Qasımova. Azərbaycanın ən yaxşı qadın artisti". 15 avqust 2020 tarixində arxivləşdirilib. İstifadə tarixi: 12 aprel 2014.
- ↑ "Ilhama: Diese Tante aus Baku will die europäischen Clubs erobern". 7 aprel 2012 tarixində orijinalından arxivləşdirilib. İstifadə tarixi: 5 sentyabr 2012.
- ↑ "Азербайджанская певица наступает на пятки Дженнифер Лопес". 6 dekabr 2019 tarixində arxivləşdirilib. İstifadə tarixi: 5 sentyabr 2012.
- ↑ "Выпущен первый европейский сингл Ильхамы Гасымовой". 19 noyabr 2011 tarixində arxivləşdirilib. İstifadə tarixi: 5 sentyabr 2012.
- ↑ "İlhamə Qasımova Avropada anşlaq yaradıb". 28 may 2018 tarixində arxivləşdirilib. İstifadə tarixi: 5 sentyabr 2012.
- ↑ "Sabina Aliyeva. Stars' Personal Life and Four-Legged Friends". 5 aprel 2012 tarixində orijinalından arxivləşdirilib. İstifadə tarixi: 5 sentyabr 2012.