İlhamə Nasir

İlhamə Nasir
İlhamə Nasir
Doğum adı	İlhamə Cəbrayılova
Təxəllüsü	Nasir
Doğum tarixi	27 aprel 1978 (47 yaş)
Doğum yeri	Qubadlı,Diləli Müskənli
Vətəndaşlığı	Azərbaycan Respublikası
Uşağı	Akif Kərimov
Atası	Nasir Cəbrayılov
Anası	Məlahət Cəbrayılova
Təhsili	Bakı Dövlət Universiteti
İxtisası	sosiologiya
Fəaliyyəti	yazar
Fəaliyyət illəri	1997-ci ildən
Əsərlərinin dili	Azərbaycan dili
İstiqamət	ədəbiyyat
Janr	nəsr
Tanınmış əsərləri	"Yazılmamış tale", "Qırmızı darvaza", "İşıq"
Üzvlüyü	İraq Türkman Yazarlar Birliyi[d],; Azərbaycan Yazıçılar Birliyi,; Azərbaycan Jurnalistlər Birliyi;

İlhamə Nasir (tam adı: İlhamə Nasir qızı Kərimova (Cəbrayılova) 27 aprel 1978, Qubadlı rayonu Diləli Müskənli kəndi)- yazıçı, müəllif, şair, redaktor, aparıcı. Azərbaycan Yazıçılar Birliyi, Azərbaycan Jurnalistlər Birliyi, İraq Türkmən Yazarlar Birliyinin üzvü. "Vətən-TV.az" İnformasiya Agentliyinin təsisçisi, baş redaktoru.^[1]

Həyatı

İlhamə Nasir (İlhamə Nasir qızı Kərimova) 27 aprel 1978-ci ildə Qubadlı rayonu Diləli Müskənli kəndində ziyalı ailəsində anadan olub.

Yaradıcılığa 8 yaşından başlayıb. “Pioner”, “Göyərçin” jurnallarında, Qubadlı rayonun “Avanqard” qəzetində şeir və hekayələri dərc olunub. 1995-ci ildə Bakı Dövlət Universitetinin "Sosial elmlər və psixologiya" fakültəsinə daxil olub və 1999-cu ildə sosiologiya ixtisası ilə oranı bitirib. 1998-ci ildə Azərbaycan Dövlət Televiziyasında yayımlanan "Açar" verilişində aparıcılıq edib.

Sonrakı illərdə dövrü mətbuatda redaktor kimi fəaliyyət göstərib. 2014-cü ildə Təbriz televiziyasında yayımlanan "Axşamlar" proqramının aparıcısı və redaktoru kimi çalışıb.

2015-ci ildən Kulis.az ədəbiyyat portalında, Vetensesi.qmkdk.gov.az, Goyche.az saytlarında, "Vətən səsi" qəzetində və "Ulduz"^[2], "Qobustan" jurnallarında müxtəlif publisistik yazıları, reportajları, bədii əsərləri yayımlanır.^[3]^[4]

2017-ci ildən "Vətən-TV" İnformasiya agentliyinin və saytın təsisçisi, baş redaktorudur. 2017-ci ildə "Yazılmamış tale", 2022-ci ildə "İşıq" adlı kitabları çap olunub.^[5]^[6]^[7]

2020-ci ildən "Space" MTRŞ-də yayımlanan "El bizim, sirr bizim", "Gərgin saat", "Elin sözü" tok-şoularının və "Elin gözü", "Elə çarə" proqramlarının baş redaktoru kimi çalışır.

2021-ci ildə Kulis.az ədəbi saytının təşkil etdiyi müsabiqədə 209 hekayə arasında "Qırmızı darvaza" əsəri ilk onluğa düşüb. ^[8]

Bir sıra bədii əsərləri tərcümə olunaraq xarici mətbu orqanlarında yayımlanıb.^[9] Şeirləri əsasında mahnılar və serial saundtrekləri yazılıb.^[10]

Tanınmış yazıçı İlhamə Nasir Qubadlı işğalının son günlərini, məcburi köçkün həyatının məşəqqətlərini əks etdirən "İşıq" adlı romanı ədəbi mühitdə böyük əks-səda yaratdı.^[11]

Roman işğal altında olan yurdunu görmək üçün Arazı gizli yolla keçən jurnalist İşıq Qubadlının qeydlərindən bəhs edir.

Müəllif bədii dillə erməni vandalizmini, narkotik ticarətini və insanlığa qarşı törədilən vəhşilikləri faktlarla təqdim edir. Real həyat əhvalatları əsasında İranda azərbaycanlılara olan amansız işgəncələri göstərir. Həmçinin İran həbsxanasında günahsız qadınlara qarşı törədilən dəhşətli cəzaları, iyrənclikləri, psixoloji təzyiqləri bədii təsvir vasitələri ilə tam çatdıra bilir. Əsərin qəhrəmanı İşıq, Qubadlıdan geri qayıdarkən İran irticasının qurbanına çevrilir. Gənc qızı İranın ən amansız və qəddar zindanına salırlar.^[12]^[13]

İlhamə Nasirin "Kurqan" hekayəsi Mir Cəlal adına III Hekayə Müsabiqəsinin qaliblərinin və münsiflər heyəti tərəfindən seçilən digər iştirakçıların işləri toplanan "Yağışlı Bir Gün idi…" adlı kitabda çap olunub.^[14]