İlah (ərəb. إله) — "tanrı" mənasını verən ərəbcə termin. Ərəb dilində ilah ibadət edilən hər kəsə və ya hər hansı bir şeyə aiddir.[1] Qadın forması olan ilahə "tanrıça" deməkdir.
Yenə "tanrı" mənasını verən "Allah" sözünün təklif olunan "əl-lah" şəklində bu sözdən törədiyi güman edilir, lakin bu, mübahisəlidir.[2][3] "İlah" sözü şimal-qərbi sami dillərində "el" və akkadca "ilum" sözləri ilə eyniköklüdür. Sami dillərindən olan ivritcədə də tanrı üçün "eloah" və "elohim" sözlərindən istifadə olunur.[4][5]
Bu termin "Quran"da Allahın varlığını və ya qeyri-müsəlmanların başqa tanrılara olan inanclarını müzakirə edən hissələrdə istifadə olunur. Müsəlmanların imanla bağlı etirafları olan kəlmeyi-şəhadətin ilk ifadəsi "Allahdan başqa ilah yoxdur"dur.
- ↑ Wehr, Hans. A Dictionary of Modern Written Arabic (ingilis). Otto Harrassowitz Verlag. 1979. ISBN 978-3-447-02002-2.
- ↑ Zeki Saritoprak. Allah // Oliver Leaman (redaktor). The Qur'an: An Encyclopedia. Routledge. 2006. səh. 34. ISBN 9780415326391.
- ↑ Vincent J. Cornell. God: God in Islam // Lindsay Jones (redaktor). Encyclopedia of Religion. 5 (2nd). MacMillan Reference USA. 2005. səh. 724.
- ↑ Georgii Wilhelmi Freytagii, Lexicon Arabico-Latinum. Librairie du Liban, Beirut, 1975.
- ↑ J. Milton Cowan, The Hans Wehr Dictionary of Modern Written Arabic. 4th edn. Spoken Language Services, Ithaca (NY), 1979.