İdxal lisenziyası (ing. Import license) — müəyyən malların ölkə ərazisinə idxalına icazə verən milli hökumət tərəfindən verilən sənəd. İdxal lisenziyaları, bir ölkənin mallarına qarşı ayrı-seçkilik yaratmaq və yerli sənayeni xarici rəqabətdən qorumaq məqsədilə istifadə edildikdə, tarifdənkənar ticarət maneələri hesab olunur.
Hər bir lisenziyada icazə verilən idxal həcmi göstərilir və ümumi həcmin kvotanı aşmaması tələb olunur. Lisenziyalar idxalatçılara ya rəqabətli qiymətə, ya da sabit bir rüsumla satıla bilər. Lakin bu bölgü üsulunun siyasi lobbiçilik və rüşvət üçün stimul yaratdığı iddia olunur. Hökumətlər idxal edilən mallar və xidmətlərin növünə, eləcə də onların miqdarına müəyyən məhdudiyyətlər qoya bilərlər. Məsələn, bir müəssisə kənd təsərrüfatı məhsulları, məsələn, tərəvəz idxal etmək istədikdə, hökumət belə idxalın yerli bazara təsiri ilə bağlı narahatlıq keçirə bilər və buna görə də məhdudiyyət tətbiq edə bilər.[1]
- ↑ European Commission, Système Intégré de Gestion de Licenses Arxiv surəti 18 fevral 2019 tarixindən Wayback Machine saytında, accessed 11 June 2018