Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinİda Nilsson (isv. Ida Nilsson; 7 fevral 1840[1][2][…] – 24 dekabr 1920[1][3][…]) — İsveçli rəssam, heykəltəraş və atalar sözü toplayıcısı.
| İda Nilsson | |
|---|---|
| isv. Ida Nilsson | |
 | |
| Doğum tarixi | 7 fevral 1840[1][2][…] |
| Vəfat tarixi | 24 dekabr 1920[1][3][…] (80 yaşında) |
| Vətəndaşlığı |
 İsveç |
| Fəaliyyəti | heykəltaraş, incəsənət xadimi, arxeoloq |
| Təhsili | |
 Vikianbarda əlaqəli mediafayllar | |
İda Nilsson 1840-cı ildə Lund şəhərində anadan olmuşdur. Onun valideynləri Lund Universitetində zoologiya müəllimi olan Sven Nilsson və onun yoldaşı Elizabet Sesilia Berq idi. İda ailədə altı uşağın ən kiçiyi idi. İda Nilssonun valideynlərinin evindəki uşaqlığını ətraflı təsvir etdiyi nəşr olunmamış əlyazması günümüzə qədər gəlib çatmışdır.[4]
İda Lundda məktəbdə getmişdir və həmçinin müxtəlif dillər, musiqi və rəsm üzrə fərdi dərslər almışdır. Qadın olduğu üçün universitetə gedə bilməyib, lakin onu cəlb edən incəsənət və arxeologiyanı müstəqil olaraq öyrənib. Atasının sayəsində o, İngiltərə, İrlandiya, Almaniya, Fransa və Danimarka da daxil olmaqla, elmi konfranslarda iştirak etmək, eləcə də muzeyləri və tarixi abidələri ziyarət etmək imkanı əldə etmişdi.[4]
İda və ailəsi Stokholmda yaşayanda yazıçı Fredrika Bremer ilə yaxınlaşır və müntəzəm olaraq onun salonuna baş çəkirdi. İda Fredrikaya heyran qalırdı və bəlkə də bu səbəbdən onun təsiri altında qalaraq azadlığını və müstəqilliyini qorumaq üçün evlənmədi. Bremer də öz növbəsində İdanın zəkasını və səmimi olmasını yüksək qiymətləndirirdi.[4]
1870-ci illərdə İda Nilsson heykəltəraşlıq sənəti ilə maraqlanmağa və Kopenhagendəki Danimarka Kral Akademiyasında Yens Yerixaudan dərs almağa başladı. Onun əsərləri arasında atasının və rəfiqəsi Anna Yerta-Retsiusun portret büstləri var. İdanın bütün heykəlləri dövrümüzə qədər gəlib çatmayıb, xüsusən də Fredrika Bremerin büstünün olması isə yalnız yazılı qeydlərdən məlumdur.[4]
Əsrin əvvəllərində İda Nilsson Skania əyalətindən xalq atalar sözləri və məsəlləri toplamağa başladı. O, toplanan materialları əlifba sırası ilə düzərək tematik qruplara ayırdı. Bununla bərabər o, atalar sözlərinin dəqiq mənşə yerini də göstərdi. Bu işdə sadə insanlarla yaxın münasibəti ilə elmi metodlarını bir araya gətirdi.[4]
İda Nilsson 1920-ci il 24 dekabr Milad gecəsində vəfat etdi. O, Lunddakı qəbiristanlıqda ailəsinin yanında dəfn edildi.
- ↑ 1 2 3 4 18400207 Nilsson, Ida Götilda // Sveriges dödbok.
- ↑ 1 2 3 Ida Göthilda Nilsson 1840-02-07 — 1920-12-24 Konstnär, skulptör, självlärd arkeolog och folkminnesdokumentör.
- ↑ 1 2 Lunds domkyrkoförsamlings kyrkoarkiv, Död- och begravningsböcker, SE/LLA/13254/F I/11 (1915-1920), bildid: 00106279_00234.
- ↑ 1 2 3 4 5 Svenskt kvinnobiografiskt lexikon
- Elisabeth Arwill-Nordbladh. "Ida Göthilda Nilsson". Svenskt kvinnobiografiskt lexikon (ingilis). 25 yanvar 2020 tarixində arxivləşdirilib. İstifadə tarixi: 5 aprel 2020.