İbrahim Mollayev( tam adı:Mollayev İbrahim Abbas oğlu;1 aprel 1930, Azərbaycan SSR və ya Naxçıvan MSSR – 25 fevral 1997, Naxçıvan) — pedaqoq,Pedaqogika elmləri doktoru,professor[1]
| İbrahim Mollayev | |
|---|---|
| Mollayev İbrahim Abbas oğlu | |
| Doğum tarixi | |
| Doğum yeri | Azərbaycan SSR,Naxçıvan Sovet Muxtar Respublikası,Naxçıvan |
| Vəfat tarixi | (66 yaşında) |
| Vəfat yeri | Naxçıvan şəhəri |
| Vətəndaşlığı |
 Azərbaycan |
| Milliyyəti | Azərbaycanlı |
| Elm sahəsi | Pedaqogika |
| Elmi dərəcəsi | Pedaqogika elmləri doktoru |
| Elmi adı | Professor |
| Təhsili | Naxçıvan Müəllimlər İnstitutu,Azərbaycan Pedaqoji İnstitutu |
| Elmi rəhbəri | Əhməd Seyidov |
Mollayev İbrahim Abbas oğlu 1 aprel 1930-cu ildə Naxçıvan şəhərində anadan olmuşdur.
25 fevral 1997-ci ildə Naxçıvan şəhərində vəfat etmişdir.
Naxçıvan Müəllimlər İnstitutunu,1953-cü ildə Azərbaycan Pedaqoji İnstitutunu bitirmişdir.
1953-67-ci illərdə Naxçıvan şəhər orta məktəblərində müəllim, tədris işləri üzrə direktor müavini, Naxçıvan MSSR Maarif Nazirliyində məktəb inspketoru işləmişdir. 1968-ci ildən ömrünün sonunadək (1997) Naxçıvan Dövlət Universitetində çalışmış,pedaqogika və psixologiya kafedrasının müdiri olmuşdur.
Azərbaycanda məktəb və pedaqoji fikir tarixinə dair tədqiqatların, o cümlədən 2 monoqrafiyanın, 4 kitabın, 100-ə yaxın elmi məqalənin, 8 metodik vəsaitin müəllidir. Azərbaycan maarifçisi, pedaqoq, şair, publisist Məhəmməd Tağı Sidqinin həyatı və yaradıcılığını ilk dəfə tədqiq edib. 1986-cı ildə Pedaqogika elmləri doktoru, 1988-ci ildə professor adına alıb.
- Azərbaycan Respublikasının qabaqcıq maarif xadimi
- Naxçıvan Ensiklopediyası. Bakı. 2002. səh. 325. ISBN 5-8066-1468-9.
- ↑ "Görkəmli tədqiqatçı, professor İbrahim Mollayevin 85 illiyinə həsr edilən elmi-praktiki konfrans keçirilib". 2020-06-14 tarixində arxivləşdirilib. İstifadə tarixi: 2020-06-14.