İbrahim Kazımbəyli

İbrahim Feyzulla oğlu Kazımbəyli 1975-ci il yanvarın 6-da Şahbuz rayonunun Nursu kəndində ziyalı ailəsində anadan olmuşdur. Ailəlidir, 2 övladı,1 nəvəsi var.

1981–1991-ci illərdə Nursu kənd orta məktəbində təhsil alıb, orta məktəbi gümüş medalla bitirmişdir. 1991–1996-cı illərdə Naxçıvan Dövlət Universitetinin tarix fakültəsinin tarix ixtisasında təhsil almış, həmin ixtisası 1996-cı ildə fərqlənmə diplomu ilə bitirmişdir. 1996–2000-ci illərdə Bakı Dövlət Universitetində Vətən tarixi ixtisası üzrə aspirantura şöbəsində təhsil alıb.

1997-ci ildən Naxçıvan Dövlət Universitetində müəllim, baş müəllim, haliyədə dosent vəzifəsində çalışır. 2003-cü ildə "Naxçıvan bölgəsinin tarixi demoqrafik tədqiqi" (1828–1920-ci illər) mövzusunda namizədlik dissertasiyası müdafiə edərək tarix üzrə fəlsəfə doktoru adını almışdır. 2009-cu ilin 28 aprelində dosent elmi adı verilmişdir. 2006-cı ildən Naxçıvan Özəl Universitetində müəllim, 08 fevral 2007-ci il tarixdə İqtisadiyyat fakültəsinin dekan müavini, 01 sentyabr 2007-ci tarixdə Pedaqoji fakültənin dekanı, 01 noyabr 2008-ci il tarixdən Tədris və Elmi işlər üzrə prorektor vəzifəsində çalışmışdır.Universitetin adında və strukturunda aparılan dəyişikliklərlə əlaqədar olaraq 01.10.2014-cü il tarixindən “Naxçıvan” Universitetinin Tədris işləri üzrə prorektoru və “Ümumi tarix” kafedrasının 0.5 ştat dosenti vəzifəsini aparmışdır. 10.11.2017-ci il tarixdən ailə vəziyyətinə görə yaşayış yerinin dəyişməsi ilə əlaqədar olaraq Azərbaycan Respublikası Əmək Məcəlləsinin 69-cu maddənin III bəndinə əsasən öz ərizəsi əsasında tutduğu vəzifədən azad edilmişdir. 17.10.2017-ci il tarixdən Azərbaycan Universitetinin Beynəlxalq münasibətlər kafedrasına 0.5 ştat t.f.d. dosent vəzifəsinə işə qəbul edilmişdir. 14.11.2017-ci il kafedra müdirinin müavini vəzifəsinə, 21.12.2018-ci ildən isə 5 il müddətinə 0.5 ştat t.f.d. dosent vəzifəsinə seçilmişdir. Ərizəsi əsasında Beynəlxalq Münasibətlər kafedrasının 0,5 ştat dosenti, 01 iyul 2022-ci il tarixindən öz ştatı ilə Qafqazşunaslıq və Azərbaycan tarixi kafedrasına keçmişdir. Azərbaycan Respublikası Prezidenti yanında Ali Attestasiya Komissiyasının qərarı ilə 07.05.2021-ci il tarixindən tarix elmi sahəsi üzrə elmlər doktoru elmi dərəcəsini almışdır. 22.12.2017-ci ildən Beynəlxalq münasibətlər və idarəetmə fakültəsinə 5 il müddətinə dekan vəzifəsinə seçilmişdir. Təkrar olaraq Qafqazşunaslıq və Azərbaycan tarixi kafedrasının 0,5 ştat professoru, tarix elmləri doktoru kimi 09 dekabr 2022-ci il tarixindən, 09 dekabr 2027-ci ilə kimi Azərbaycan Universitetinin  Beynəlxalq Münasibətlər və Regionşunaslıq fakültəsinin dekanı vəzifəsinə seçilmişdir. Haliyədə bu vəzifədə çalışır.

100-dən artıq elmi məqalənin, yeddi proqramın və on beş kitabın müəllifidir.(Kollektiv nəşrlərlə birgə) XIX-XX yüzillər Naxçıvan və İrəvan bölgəsinin siyasi tarixi, tarixi demoqrafiyası, Zəngəzur və Qarabağ bölgələrinin siyasi tarixi,əhali məsələləri,soyqırım və deportasiya və s. mövzularla bağlı tədqiqatlar aparır. Ölkədaxili və xaricdə keçirilən bir sıra beynəlxalq simpoziumlarda, konfranslarda müxtəlif mövzularda çıxışlar etmişdır. Elmi əsərləri Türkiyə, Rusiya, Ukrayna, Gürcüstan, İran, ABŞ və s. xarici ölkələrdə olan nüfuzlu elmi dərgilərdə nəşr olunmuşdur.

"XIX əsrdə Naxçıvanda etnodemoqrafik proseslər", "İrəvan bölgəsində Azərbaycanlıların soyqırımı və deportasiyası", "1918–1920-ci illərdə Naxçıvan və çevrəsində erməni zülmünün doğurduğu demoqrafik fəlakət" və s. kimi başqa seçilmiş elmi əsərləri vardır. "İrəvan bölgəsi XIX yüzilliyin II yarısı -XX yüzilliyin əvvəlləri" mövzusunda doktorluq dissertasiyasını 2018-ci ildə uğurla müdafiə etmiş, 2021-ci ildə ona tarix elmləri doktoru elmi dərəcəsi verilmişdir.

• Naxçıvan əhalisi, sosial-iqtisadi və siyasi tarixinə dair (1828-1920-ci illər). Bakı: Elm, 2007,  175 s.
• Azərbaycanın İrəvan Bölgəsi: sosial-iqtisadi və siyasi tarixi XIX-XX əsrin əvvəlləri. Bakı: Turxan, 2017, 400 s.

• T.e.d., prof. Kazımbəyli İbrahim Feyzulla