Əbu Əmr Abdullah ibn Əhməd ibn Bəşir ibn Zəkvan əd-Dəməşqi (ərəb. ابن ذكوان; 789, Dəməşq – 857, Dəməşq) — İbn Amirin iki ravisindən biri.[1] Rəmzi ərəb əlifbasınfakı "م" hərfidir.[2]
| İbn Zəkvan | |
|---|---|
| ərəb. ابن ذكوان | |
| Doğum tarixi | 789 |
| Doğum yeri | |
| Vəfat tarixi | 857 (67–68 yaşında) |
| Vəfat yeri | |
| Fəaliyyəti | islamşünas, qari |
Hicri 173-cü (789) ildə Dəməşqdə doğulub. Nisbələri "Bəhrani" və "Qureşi"dir.
O, qiraəti Əyyub ibn Təmimdən öyrənmiş,[2] Vəki ibn Cərrah və başqalarından hədis rəvayət etmişdir. Əbu Davud və İbn Macə öz əsərlərində onun rəvayətlərinə yer vermişlər.
İbn Zəkvan hicri 242-ci (857) ildə Dəməşqdə vəfat etmişdir.
Mənbələrdə onun "Əqsəmül-Quran və cavabuhə" və "Mə yəcibü alə qariil-Quran ində hərəkəti-lisanih" adlı əsərlərin müəllifi olduğu bildirilir.[1]
- 1 2 Altıkulaç, Tayyar. "İbn Zekvan, Ebu Amr". TDV İslâm Ansiklopedisi. 1999. 18 fevral 2026 tarixində arxivləşdirilib. İstifadə tarixi: 18 fevral 2026.
- 1 2 Mürsəlov, Mirniyaz. "On qiraət imamı və onların raviləri", BDU İlahiyyat Fakültəsinin Elmi Məcmuəsi (PDF) (az.). 2010.