Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinƏbu Həfs Ömər ibn Əbdirrəhman ibn Müheysin əs-Səhmi[1] (ərəb. ابن محيصن; v. 741) — on dörd qaridən biri.[2]
| İbn Müheysin | |
|---|---|
| ərəb. ابن محيصن | |
| Doğum yeri | Məkkə |
| Vəfat tarixi | |
| Vəfat yeri | Məkkə |
| Elm sahəsi | qiraət |
Məkkədə doğulub və Məkkədə də vəfat edib.[3][4] Onun qiraət isnadının Səid ibn Cübeyr, Mücahid ibn Cəbr, Abdullah ibn Abbasın mövlası Dirbas, Abdullah ibn Abbas və Ubeyy ibn Kəb silsiləsi ilə Məhəmməd peyğəmbərə çatdığı nəql edilir.[5] İbn Müheysin, qiraət biliklərini nəql edərkən rəvayətlərini Əta ibn Əbi Rəbah, Məhəmməd ibn Qeys, Süfyan əs-Səvri və Safiyyə bint Şeybə kimi şəxslərə istinad edir.[6]
O qiraət bilikləri yüksək səviyyədə olsa da qiraəti ümumi olaraq şaz qəbul edilmişdir. O, həmçinin hədis, ərəb dili və digər sahələrdə dərin biliklərə sahib olmuşdur. Onun qiraətinin səhih hesab edənlər də olmuşdur: O, qiraət imamları arasında Əndərəbi, Müəddəl və İbn əl-Cündi tərəfindən dördüncü təbəqədə, Sibt əl-Həyyat tərəfindən doqquzuncu təbəqədə, İbn əl-Kəbaqibi, Qəstəllani və Dimyati əl-Bənna tərəfindən on birinci təbəqədə qeyd edilmişdir.[7]
İfrat dərəcə idğam etmək. Misal: "ثَلَاثَةٌ انْتَهُوا" kəlimələrinin oxunuşunda birinci "tə" ikinci "tə"yə idğam edilərək "ثَلَاثَةٌ اتَّهُوا" şəklində, "عَنِ الْأَنْفَالِ" sözündə isə birinci "nun" "ləm"ə idğam edilərək, "علنفال" şəklində bir qiraət seçilmişdir.[8][9]
"وَآتَيْتُمْ إِحْدَاهُنَّ", "يَعِدُكُمُ اللهُ إِحْدَى" kimi nümunələrdəki "إِحْدَى" kəliməsində həmzənin hərəkəsi əvvəlki hərfə nəql edilərək bu şəkildə oxunmuşdur: "يَعِدُكُمُ اللهِ احْدَى"، "وَآتَيْتُمِ احْدَاى"[9][10][11] və s.
- ↑ Zəhəbi. Mərifətül-qurra (ərəb). I. 57.
- ↑ "İbn Muhaysin". TDV İslam Ansiklopedisi. Archived from the original on 21 iyun 2025. İstifadə tarixi: 4 sentyabr 2025.
- ↑ İbn əl-Cəzəri. Qayətün-nihayə (ərəb). II. 167.
- ↑ Qəstəllani. Lətaifül-işərət (ərəb). I. 183.
- ↑ əl-Qazi, Əbdülfəttah. əl-Qiraətüş-şazzə və təvcihuhə min lüğətil-Ərəbi (ərəb). 10–13.
- ↑ Qəstəllani. Lətaifül-işərət (ərəb). I. 183–196.
- ↑ İbn əl-Cəzəri. ən-Nəşr (ərəb). I. 84.
- ↑ İbn Hələveyh. Müxtəsər fi şəvazzil-Quran (ərəb). 29, 48.
- ↑ 1 2 əl-Bənna. İthəfü fuzəla il-bəşər (ərəb). II. 76.
- ↑ İbn Hələveyh. Müxtəsər fi şəvazzil-Quran (ərəb). 25, 49.
- ↑ İthəfü fuzəla il-bəşər (ərəb). I. 507. (#first_missing_last)