Əbür-Rəbi Süleyman ibn Müslüm ibn Cəmmaz əz-Zöhri (ərəb. ابن جمّاز; v. 786-dan sonra) — on qiraət imamlarından Əbu Cəfər əl-Mədəninin iki ravisindən biri. Rəmzi ərəb əlifbasındakı "جم" hərfləridir.[1]
| İbn Cəmmaz | |
|---|---|
| ərəb. ابن جمّاز | |
| Vəfat tarixi | 786-dan sonra |
| Fəaliyyəti | islamşünas, qari |
Doğum tarixi naməlumdur. Bəni Zöhrə qəbiləsinin mövlasıdır.
Qiraəti Əbu Cəfər əl-Mədəni, Şeybə ibn Nəsah və Nafi ibn Əbdürrəhmandan öyrənmişdir. Ondan isə Əbu İshaq İsmayıl ibn Cəfər əl-Mədəni və Quteybə ibn Mehran qiraət öyrənmişdir. Quteybə ibn Mehranın bildirdiyinə görə o, tələbələrinə Nafinin qiraətini öyrətmiş, lakin özü Əbu Cəfərin qiraətini seçdiyini deyərmişdir.[2][3]
Zəhəbi də İbn Cəmmazın Nafi ibn Əbdürrəhman tərəfindən yüksək qiymətləndirildiyini qeyd etmişdir.[4]
Onun ölüm tarixi haqqında isə müxtəlif versiyalar vardır. Belə ki, Zəhəbi hicri 169-cu (785) il tarixdə və ondan əvvəl, İbn əl-Cəzəri isə hicri 170-ci (786) ildən sonra vəfat etdiyini demişdir.[5]
- ↑ Mürsəlov, Mirniyaz. "On qiraət imamı və onların raviləri", BDU İlahiyyat Fakültəsinin Elmi Məcmuəsi (PDF) (az.). 2010.
- ↑ Ən-Nisaburi, İbn Mehran. Əl-Məbsut fil-qiraətil-əşr (ərəb). Dəməşq. 1980. 10–11.
- ↑ Əndərəbi. Qiraətül-qurrail-mərufin (ərəb). Beyrut. 1986. 47–48.
- ↑ Zəhəbi, Məhəmməd. Mərifətül-qurra (ərəb). I. İstanbul. 1995. 293.
- ↑ Altıkulaç, Tayyar. "İbn Cemmaz". TDV İslâm Ansiklopedisi. 1999. 19 fevral 2026 tarixində arxivləşdirilib. İstifadə tarixi: 19 fevral 2026.