Əbu Məhəmməd Əbdürrəhman ibn Məhəmməd ibn İdris ər-Razi (ərəb. ابن أبي حاتم; 854 və ya 810, Rey, Tehran ostanı – 938[1], Tus) — hədis hafizi, müfəssir və fəqih.
| İbn Əbu Hətim | |
|---|---|
| ərəb. أبو مُحمَّد عبد الرحمٰن بن مُحمَّد بن إدريس بن المُنذر بن داود بن مهران التّميمي الحَنْظَلي الرازي | |
 | |
| Doğum tarixi | 854 və ya 810 |
| Doğum yeri | |
| Vəfat tarixi | 938[1] (83–128 yaşında) |
| Vəfat yeri | |
| Atası | Əbu Hətim ər-Razi |
| Elm sahələri | hədis elmi[d], fiqh, təfsir |
Hicri 240-cı (854) ildə Reydə anadan olub. Nisbələri "Təmimi" və "Hənzəli"dir.
O, atası Əbu Hətimin təşqivi ilə qiraət alimi olan Fəzl ibn Şazandan Quran öyrənib, atasından və Əbu Züra ər-Razidən hədis öyrənib. Hicri 255-ci (869) ildə[2] atası ilə, 260 (874) ildə isə müəllimi Məhəmməd ibn Həmmad ər-Razi ət-Tehrani ilə həcc ziyarətinə yollanıb. Şam, Misir, İsfahan, Kufə, Bəsrə və Hicaz kimi elm mərkəzlərinə səyahətlər edib.
Əşəc əl-Kindi, Həsən ibn Ərəfə, Məhəmməd ibn Əbdülməlik ibn Zəncuyə, Həccac ibn Şair, Müslüm ibn Həccac, Əbu Züra əd-Dəməşqi, İbn Əbu Asim, İbn Vərə və Əli ibn Hüseyin ibn Cüneyd və başqalarının onun müəllimləridir.
İbrahim ibn Məhəmməd ən-Nəsrabadi, Əbüş-Şeyx, Hüseyn ibn Əli ət-Təmimi, Yusif ibn Qasım əl-Miyənəci, Hakim əl-Kəbir, Əbül-Fəzl əl-Həmədani, Əli ibn Məhəmməd əl-Qəssar və İbn Hibban ona tələbəlik etmiş şəxslərdən bəziləridir.
Əqidədə əhli-hədis və əhli-sünnə, fiqdə isə Əhməd ibn Hənbələ tabe olan İbn Əbu Hətim, hicri 327-ci (938) ildə Reydə vəfat edib.
O, "əl-Cərh vət-tədil", "əl-Mərasil",[3] "Ədəbüş-Şafei və mənaqibüh", "Əslüs-sünnə və etiqadüd-din", "Təfsirül-Quranil-əzim" və başqa əsərlərin müəllifidir.[4]
- 1 2 OpenITI corpus. OpenITI.
- ↑ Zəhəbi. Siyəru Aləmin-Nubəla (ərəb). XIII. Beyrut. 1981–1985. 264.
- ↑ "ابن أبي حاتم". Əl-Məktəbətü əş-Şamilə. 12 fevral 2026 tarixində arxivləşdirilib. İstifadə tarixi: 12 fevral 2026.
- ↑ Küçük, Raşit. "İbn Ebu Hatim". TDV İslâm Ansiklopedisi. 1999. 12 fevral 2026 tarixində arxivləşdirilib. İstifadə tarixi: 12 fevral 2026.