İan Corc Braun (20 fevral 1963[1], Vorrinqton[d], Çeşir[d][2][3]) — İngiltərə musiqiçisi. 1983-cü ildə qurulan "The Stone Roses" rok qrupunun yarandığı gündən dağılana qədər solisti olub. Qrupun bütün üzvləri dəyişsə də, o, axıra qədər qalıb. 1996-cı ildə qrup dağılandan sonra tək çıxış etməyə başlayıb. Solo karyerası uğurlu keçib, bir çox albom və mahnılar yazıb. 2011-ci ildə "The Stone Roses" yenidən bir araya gəlib və İ. Braun 2017-ci ilə qədər qrupla birlikdə səhnələrə çıxıb.
| İan Braun | |
|---|---|
_(cropped).jpg) İ. Braun 2012-ci ildə | |
| Ümumi məlumatlar | |
| Doğum tarixi | 20 fevral 1963[1] (62 yaş) |
| Doğum yeri | |
| Musiqiçi məlumatları | |
| Fəaliyyəti | müğənni, mahnı yazarı[d], musiqiçi |
| Fəaliyyət illəri | 1984-cü ildən |
| Janrlar | rok, alternativ rok, Britpop[d], indi-rok |
| Musiqi alətləri | bas-gitara |
| Albom şirkətləri | Polydor, Entertainment One Music[d], Interscope Records |
| ianbrown.co.uk | |
 Vikianbarda əlaqəli mediafayllar | |
İan Braunun uşaqlıq illəri Vorrinqtonda keçib. Ailəsi sadə zəhmətkeş insanlar olub.[4][5] Atası ağac ustası işləyib, anası isə kağız fabrikində katibə olub. Altı yaşına qədər Foster küçəsində yaşayıblar. Sonra bütün ailəsi - özü, valideynləri, qardaşı Devid və bacısı Şeron Timperli qəsəbəsinə köçüblər. Orada Silvan prospektində məskunlaşıblar.[6][7][8][9][10]
İan ilk təhsilini Park-Roud məktəbində, orta təhsilini isə Oltrinhem oğlanlar gimnaziyasında alıb. On altı yaşında məktəbi bitirərək həyata atılıb. Sonralar onun oxuduğu gimnaziyada baş vermiş acı hadisələr üzə çıxıb. Məktəbin keçmiş müəllimi Fred Talbot 1970-ci illərdə şagirdlərə qarşı qeyri-etik hərəkətlər edibmiş. Braun 2015 və 2017-ci illərdə bu işlə bağlı məhkəmədə şahidlik edib və nəticədə müəllim cəzalandırılıb.[11]
İan Braun musiqiyə pank axınından gəlib. O dövrdə "Sex Pistols", "The Clash" kimi məşhur qrupları və öz şəhərlərindən olan "Slaughter & the Dogs" qrupunu dinləyib. Saykobilli üslubunu da çox bəyənib və İngiltərənin şimalında təşkil olunan skuter həvəskarlarının görüşlərinə tez-tez gedib.[12] Sonralar "The Stone Roses" qrupunda birgə çalışacağı Pit Qarnerlə tanış olub və onlar ikisi "The Clash" qrupunun "Bankrobber" mahnısının studiya yazılışını canlı izləyiblər.[13]
Studiya albomları
- Unfinished Monkey Business (1998)
- Golden Greats (1999)
- Music of the Spheres (2001)
- Solarized (2004)
- The World Is Yours (2007)
- My Way (2009)
- Ripples (2019)
- ↑ 1 2 Deutsche Nationalbibliothek Record #133737454 // Gemeinsame Normdatei (alm.). 2012—2016.
- ↑ 1 2 http://www.independent.co.uk/news/people/profiles/ian-brown-the-third-coming-2374303.html.
- ↑ 1 2 http://www.scotsman.com/lifestyle/profile-ian-brown-frontman-with-the-stone-roses-1-1925924.
- ↑ John Robb. The Stone Roses: With Exclusive Interviews and New Chapters. Ebury Press. 2012. 17–. ISBN 978-0-09-194858-0.
- ↑ Robb, p. 13
- ↑ "Ian Brown – Celebrity fans – Interviews". FourFourTwo. 31 iyul 2009. İstifadə tarixi: 22 mart 2012.
- ↑ Simon Hattenstone. "Simon Hattenstone meets Ian Brown | Music". The Guardian. UK. 22 sentyabr 2005. İstifadə tarixi: 22 mart 2012.
- ↑ Music. "The Stone Roses: a potted history". London: Telegraph. 7 aprel 2011. 12 yanvar 2022 tarixində arxivləşdirilib. İstifadə tarixi: 22 mart 2012.
- ↑ "Timperley, a historical part of Cheshire | Living Edge". Livingedge.greatbritishlife.co.uk. 3 fevral 2010. 26 iyul 2012 tarixində orijinalından arxivləşdirilib. İstifadə tarixi: 22 mart 2012.
- ↑ Robb, pp. 14–19
- ↑ "Stone Roses' Ian Brown 'shown gay porn by Fred Talbot'". BBC News. 27 yanvar 2015.
"Stone Roses singer Ian Brown gives evidence at Fred Talbot trial". BBC News. 16 may 2017. İstifadə tarixi: 13 iyul 2017. - ↑ Robb, pp. 20–21
- ↑ Robb, p. 30
- ianbrown.co.uk — rəsmi saytı
- İan Braun — IMDb səhifəsi