iOS 6 — Apple Inc. tərəfindən hazırlanmış iOS mobil əməliyyat sisteminin altıncı əsas buraxılışı və iOS 5-in davam seriyasıdır. 11 iyun 2012-ci il tarixində keçirilən Ümumdünya Konfransında (Worldwide Developers Conference) elan edilmiş və 19 sentyabr 2012-ci ildə istifadəyə verilmişdir. iOS 6-nın yerini 18 sentyabr 2013-cü ildə iOS 7 almışdır.[1]
Yeni versiyanın ilk önizləməsi 11 iyun 2012-ci il tarixində Apple Worldwide Developers Conference (WWDC) tədbirində nümayiş etdilib. Ümumilikdə yeni iOS versiyaları köhnəlmiş cihazlarda dəstəklənmir. Xüsusilə üçüncü nəsil iPod Touch və birinci nəsil iPad üçün dəstək tamamilə ləğv edilir. Bu versiyada dəstəklənən cihazlar iPhone 3GS , iPod Touch , iPad 2 həmçinin iPad mini olmuşdur.
12 sentyabr 2012-ci il tarixində şirkət San-Fransiskodakı Yerba Buena İncəsənət Mərkəzində keçirilən tədbirdə iOS ilə bağlı üç yeniliyi açıqlamışdır: iPhone 5 adlandırılan iPhone-un növbəti nəsil modeli, beşinci nəsil iPod Touch və gözlənilən iOS 6.0-ın son buraxılışı. iOS 6-nın 19 sentyabr tarixində yayımlanacağı bu tədbirdə elan edilmişdir.[2] Apple TV-nin 2-ci və 3-cü nəsilləri üçün iOS 6 versiyası isə 24 sentyabr 2012-ci ildə istifadəyə verilmişdir.
Yeni iPhone 5 modeli 21 sentyabr tarixində iOS 6 əməliyyat sistemi ilə birlikdə təqdim olunmuşdur. Digər cihazlar isə yenilənməni simsiz şəbəkə (over-the-air) və ya iTunes vasitəsilə əldə etməli olmuşdur. 12 sentyabrda yayımlanan iTunes 10.7 versiyası iOS 6 yenilənməsini cihazlara quraşdırmaq üçün tələb olunmuşdur. Bu yenilənmə Apple-ın sürətli beta inkişafın bir hissəsi olmuşdur.[3]
- ↑ Souppouris, Aaron. "iOS 7 will come to iPhones and iPads on September 18th". The Verge (ingilis). 10 sentyabr 2013. İstifadə tarixi: 6 yanvar 2026.
- ↑ "Apple's September 12th event roundup: iPhone 5, new iPods, iOS 6, Lightning and everything else". Engadget (ingilis). 13 sentyabr 2012. İstifadə tarixi: 6 yanvar 2026.
- ↑ "iOS 6 Detaylı Tanıtım Yazısı - 200 kadar yeni özellik". O1H1 (türk). 12 iyun 2012. İstifadə tarixi: 6 yanvar 2026.