Üzeyir Hacıbəylinin Ev Muzeyi — Azərbaycan professional musiqisinin banisi, Şərqin ilk operasının "Leyli və Məcnun", Azərbaycan Dövlət Konservatoriyasının (indiki Üzeyir Hacıbəyli adına Bakı Musiqi Akademiyası), ilk simli kvartetin, ilk dövlət xorunun yaradıcısı, ilk xalq çalğı alətləri orkestrinin yaradıcısı və Azərbaycan Respublikasının Dövlət Himninin bəstəkarı Üzeyir bəy Hacıbəylinin (keçmiş Verxnyaya priyutskaya, sonralar Ketsxoveli) indiki Ak. Şamil Əzizbəyov 67/69 ünvanında yerləşən 1915-1942-ci illər ərzində yaşadığı evdə təşkil olunmuş muzeydir.
| Üzeyir Hacıbəylinin ev-muzeyi | |
|---|---|
 | |
 | |
| Əsası qoyulub | 1975 |
| Açılış tarixi | 20 noyabr 1975 |
| Mövzu | Azərbaycan musiqisi |
| Ölkə |
 Azərbaycan |
| Yerləşir |
 Bakı |
| Ünvan | Yasamal rayonu, Şamil Əzizbəyov küçəsi 67/69 |
| Direktor | Sərdar Fərəcov |
| Telefon |
(012)5952558 (ekspozisiya) (012)5952534 (inzibati hissə) |
| 40°22′38″ şm. e. 49°49′49″ ş. u.HGYO | |
 Vikianbarda əlaqəli mediafayllar | |
KP MK-nın birinci katibi vəzifəsində çalışan Heydər Əliyevin təşəbbüsü ilə Bakıdakı (keçmiş Verxnyaya priyutskaya, sonralar Ketsxoveli) indiki Şamil Əzizbəyov 67 ünvanında yerləşən – bəstəkarın 1915-1942-ci illər ərzində yaşadığı[1] evdə muzey təşkil olundu və 1975-ci il noyabr ayının 20 –də muzeyin təntənəli açılışı oldu. Muzeyin tərtibatında və hazırlanmasında Azərbaycan xalq rəssamı Kazım Kazımzadənin və memar Eduard Kruikinin böyük əməyi olmuşdur. Muzeyin divarındakı mozaika üzərində rəssam Rəhman Hadıyev çalışıb.[2]
Bəstakarın 1915-1942-ci illər ərzində yaşadığı bu evdə onun bir çox əsərləri, o cümlədən Azərbaycan milli musiqisinin tacı olan "Koroğlu" operası bəstələnmişdi. Vaxtı ilə Üzeyir bəyin şəxsi katibi olmuş, sonradan isə ev muzeyinin direktoru vəzifəsində çalışmış Ramazan Həmzət oğlu Xəlilovun təşəbbüsü ilə bəstəkarın şəxsi və ev əşyaları toplanıb muzeyə təhvil verilmişdir.
- Şıxıyev N.M (1972-1975)
- Xəlilov R.H (1975-1999)
- Xəlilova N.R (01.1999-09.1999)
- Mirzəzadə S.İ (1999-2005)
- Fərəcov S.F (2005-h.h)
Muzey memorial və inzibati olmaqla 2 binadan ibarətdir. Memorial binada 4 otaq (ekspozisiya zalları), şüşəbənd, kinozal yerləşir. İnzibati binaya isə sərgi salonu, kitabxana, xidməti otaqlar, fond, fonoteka daxildir. Sonuncu dəfə 2005 - ci ildə Azərbaycan Respublikasının prezidenti, cənab İlham Əliyevin imzaladığı "Üzeyir Hacıbəyovun 120 illik yubileyi haqqında" sərəncamına uyğun olaraq memorial bina əsaslı şəkildə təmir olunmuş, 2007-ci ildə isə davamı olaraq memorial binaya bitişik inzibati bina tikilmişdir.
Muzey Azərbaycan Respublikası Mədəniyyət Nazirliyinə tabedir.
- ↑ Mədəniyyət TV. "Bakıda 45 ildir ki, fəaliyyət göstərən Üzeyir Hacıbəyli ev muzey" (az.). Youtube.com. 20.11.2020. 2022-03-27 tarixində arxivləşdirilib. İstifadə tarixi: 2020-11-20.
- ↑ Soltanlı, S. "Hər il bir sərgi keçirirəm". Mədəniyyət. 05.06.2015. (#archive_missing_date) tarixində arxivləşdirilib. İstifadə tarixi: 22.10.2024.