Ümumdünya Təbəssüm Günü (ing. World Smile Day) — hər il oktyabr ayının ilk cümə günü qeyd olunan bayram. Hər il oktyabr ayının ilk cümə günü Dünya Təbəssüm Günü (World Smile Day) qeyd olunur. Bu gün rəssam Harvi Bollun sayəsində yaranıb. XX əsrin ortalarında o Amerikada yaşayıb. Onun yaradıcılığı mükafatlandırılmırdı: tənqidçilər onunla maraqlanmır, əsərləri çətin ki, ölməzlik qazanardı. Amma necə oldusa "State Mutual Life Assurance Company of America" sığorta şirkətinin nümayəndələri vizitka üçün parlaq və yaddaşlara həkk olacaq simvol fikirləşməyi ona həvalə etdilər. Harvi bu haqda çox düşünmədi, indiki zamanda internet istifadəçilərinin "smaylik" adlandırdığı - gülümsəyən sarı simanı çəkib sifarişçilərə təqdim etdi. Bu 1963-cü ildə baş verib. Sifarişçilər bu işi qəbul etdilər, Bolla 50$ ödədilər. Və şirkətin bütün işçi heyətinə bu nişanı düzəltdirib payladılar. Bu vizitka gözləniləndən də artıq uğur qazandırdı. Şirkətin müştəriləri bu yenilikdən şövqlənirdilər. Təxminən bir neçə aydan sonra 10.000-dən çox bu cür nişanlar istehsal olundu. Tezliklə bu mülayim üz köynəklərdə, konvertlərdə, açıqcalarda, kibrit qutularında peyda olmağa başladı. Hətta ABŞ-nin poçt idarələri də bu simvol ilə marka satışa buraxmağa başladı.

Ümumdünya Təbəssüm Günü
Rəsmi adı	Harvey Ross Ball

Boll hərfbəhərf fərəhindən coşurdu. "Tarix boyu bəşəriyyətdə və incəsənətdə heç bir zaman belə bir iş olmayıb, hansı ki, hər tərəfə o qədər geniş yayılsın, bunca xoşbəxtlik, sevinc və həzz gətirsin. Belə asan tərtib olunmuş və hər kəs tərəfindən anlaşılan iş hələ olmayıb", - çoxsaylı müsahibələrində birində bu cür söyləmişdi.

Ümumdünya Təbəssüm günü ilk dəfə 1999-cu ildə qeyd olunmuşdi. Rəssam elə düşünürdü ki, bu gün yaxşı əhval-ruhiyyəyə həsr olunmalıdır.

Günün şüarı: Xeyirxahlıq edin. Kiməsə gülümsəməyə yardım et.