Ülvi Sadıxov (1988) — azərbaycanlı şahmatçı, beynəlxalq qrossmeyster (GM). 2019-cu ildə Beynəlxalq Şahmat Federasiyası (FIDE) tərəfindən qrossmeyster tituluna layiq görülmüşdür.[1]
 Ülvi Sadıxov | |
|---|---|
| Ölkə |
 Azərbaycan |
| Doğum tarixi | |
| Yaşadığı yer |
 Türkiyə, Antalya |
| Titulu | Beynəlxalq qrossmeyster (GM) |
| Son reytinqi | 2488 (2025 may) |
| Maksimal reytinqi | 2517 (2021 oktyabr) |
| FİDE nömrəsi | 13401416 |
Ülvi Sadıxov müxtəlif beynəlxalq turnirlərdə Azərbaycanı təmsil etmişdir. 2019-cu ildə Bosniya və Herseqovinanın Sarayevo şəhərində keçirilən 49-cu beynəlxalq şahmat turnirində xorvatiyalı Ante Brkiclə heç-heçə edən təmsilçimizin hesabında 5,5 xal olub və turnir cədvəlinin ön sıralarında qərarlaşmışdır.[2]
2019-cu ilin sentyabr ayında Rusiyanın Xantı-Mansiysk şəhərində keçirilən Avropa Fərdi Çempionatında Azərbaycanı təmsil edən yeddi şahmatçıdan biri olmuşdur.[3] Bu turnir Dünya Kubokuna seçim xarakteri daşıyırdı.[4]
2022-ci ilin oktyabrında Rumıniyada keçirilən Qran-Pri turnirində 6,5 xal toplayaraq dördüncü yeri tutmuşdur.[5] 2023-cü ildə Bakıda təşkil olunan “Baku Open 2023” beynəlxalq şahmat festivalında iştirak etmişdir.[6]
- FIDE ID: 13401416
- Standart reytinq: 2488
- Rapid reytinq: 2458
- Blitz reytinq: 2384
- Azərbaycan üzrə sıralama: 16-cı yer
- Avropa üzrə sıralama: 432-ci yer
Sadıqov Chess.com platformasında "Sadikhov_Ulvi" istifadəçi adı ilə qeydiyyatdan keçmişdir. O, burada onlayn şahmat dərsləri verir və hal-hazırda Türkiyənin Antalya şəhərində yaşayır.
- ↑ "Azərbaycanlı şahmatçı və hakimlər yeni titullara sahib olublar". azertag.az.
- ↑ "Azərbaycan şahmatçısı Ülvi Sadıqov Sarayevoda uğurlu çıxışını davam etdirir". azertag.az.
- ↑ "Chess-Results Server Chess-results.com - European Individual Chess Championship 2019". archive.chess-results.com. İstifadə tarixi: 2025-05-31.
- ↑ "Şahmatçılarımız fərdi Avropa çempionatında mübarizəyə başlayır". oxu.az.
- ↑ "Şahmatçımız Rumıniyada keçirilən Qran-Pri turnirində ikinci yeri tutub". sportlife.az (az.). 26 Oktyabr 2022. İstifadə tarixi: 2025-05-30.
- ↑ ""Baku Open 2023"ə qatılacaq azərbaycanlı şahmatçılar bəlli olub". report.az.