Butun axtardiqlarinizi tapmaq ucun buraya: DAXIL OLUN
  Mp4 Mp3 Axtar Yukle
  Video Axtar Yukle
  Shekil Axtar Yukle
  Informasiya Melumat Axtar
  Hazir Inshalar Toplusu
  AZERI CHAT + Tanishliq
  Saglamliq Tibbi Melumat
  Whatsapp Plus Yukle(Yeni)

  • Ana səhifə
  • Təsadüfi
  • Yaxınlıqdakılar
  • Daxil ol
  • Nizamlamalar
İndi ianə et Əgər Vikipediya sizin üçün faydalıdırsa, bu gün ianə edin.
 Kömək
Kitab yaradıcısı ( deaktiv et )
 Bu səhifəni kitabınıza əlavə edin Kitabı göstər (0 səhifə) Səhifə təklif edin

Ülvi Həsənli

Azərbaycan jurnalisti, siyasi fəal və siyasi məhbus
  • Məqalə
  • Müzakirə

Ülvi Həsənli (tam adı: Ülvi Fəxrəddin oğlu Həsənov; d. 10 avqust 1987, Kirovabad) — Azərbaycan jurnalisti və siyasi fəalı. O, əvvəllər Dalğa Gənclər Hərəkatı, Azad Gənclik Təşkilatı, Demokratik Qüvvələrin Milli Şurası və NİDA Vətəndaş Hərəkatı kimi təşkilatlarda fəaliyyət göstərmişdir. Həsənli hal-hazırda "AbzasMedia"nın rəhbəridir.

Ülvi Həsənli
Doğum tarixi 10 avqust 1987(1987-08-10) (38 yaş)
Doğum yeri
  • Kirovabad, Azərbaycan SSR, SSRİ
Təhsili
  • Azərbaycan Turizm və Menecment Universiteti
Fəaliyyəti jurnalist, siyasi fəal[d]
Üzvlüyü
  • NİDA Vətəndaş Hərəkatı,
  • Demokratik Qüvvələrin Milli Şurası
Vikianbarın loqosu Vikianbarda əlaqəli mediafayllar

Fəaliyyət göstərdiyi dövrdə çoxlu təzyiqlər ilə üzləşən Həsənli 2023-cü ilin noyabr ayında saxlanılmış və cinayət məcəlləsinin 206.3.2-ci maddəsi (Bir qrup şəxs tərəfindən qaçaqmalçılıq) ilə ittiham edilmişdir.

Mündəricat

  • 1 Həyatı
    • 1.1 Erkən illəri
  • 2 Fəaliyyəti
    • 2.1 Hökumət təzyiqləri
    • 2.2 Həbs edilməsi
  • 3 İstinadlar

Həyatı

Erkən illəri

18 avqust 1987-ci il tarixində Kirovabad (indiki Gəncə) şəhərində anadan olmuşdur.[1] O, 2005-ci ildə Gəncə şəhər 29 saylı orta məktəbini bitirmiş və Azərbaycan Dövlət Neft Akademiyasına daxil olmuşdur, lakin siyasi fəaliyyətinə görə 2006-cı ildə akademiyadan uzaqlaşdırılmışdır. Həsənli sonradan 2008–2013-cü illərdə Azərbaycan Turizm ve Menecment Universitetində təhsil almışdır.[2]

Fəaliyyəti

2000-ci illərdə Dalğa Gənclər Hərəkatında fəaliyyət göstərmiş və təşkilatın sədri olmuşdur. O, sonradan 2011-ci ildə yaradılmış Azad Gənclik Təşkilatının təsisçisi və sədri olmuşdur.[3][4] O, 2013-cü ilin noyabr ayında bu vəzifədən istefa vermişdir.[5] Eyni zamanda Demokratik Qüvvələrin Milli Şurasının üzvü olan[5] Həsənli bundan sonra NİDA Vətəndaş Hərəkatına üzv olmuşdur.[6] NİDA VH-də fəaliyyət göstərdiyi dövrdə[7] sonradan NİDA Vətəndaş Hərəkatının İdarə Heyətinin üzvü olmuşdur.[8]

Ülvi Həsənli 2016-cı ildə təsis edilən "AbzasMedia" onlayn nəşrinin direktorudur.[9] Jurnalistləri Müdafiə Komitəsinin məlumatına görə, "Abzas Media" 2014-cü ildən bəri müstəqil media və mətbuat azadlığı qruplarına qarşı bir sıra reydlər, həbslər və cinayət araşdırmalarından sonra Azərbaycanda qalan bir neçə müstəqil qurumdan biridir.[10] "AbzasMedia" hökumət məmurlarının biznes sövdələşmələr, o cümlədən 2020-ci ildən Qarabağda aparılan yenidənqurma işlərində iddia edilən korrupsiya faktları ilə bağlı araşdırmaları ilə tanınır.[11] Bundan başqa, Ülvi Həsənli 2020-ci ildə Azərbaycanda parlament seçkilərində bitərəf namizəd kimi iştirak etmişdir.[1]

Hökumət təzyiqləri

Ülvi Həsənli siyasi fəaliyyəti dövründə Azərbaycan hökumətinin davamlı təqibi ilə üzləşmişdir.[12] O, 2011-ci ilin martında "Böyük Xalq Günü" aksiyasında saxlanılmışdır.[13] Həsənli 2017-ci ilin sentyabr ayında məcburi hərbi xidmət ilə bağlı tibbi müayinədən keçmiş və ona revmatizm və böyrək problemlərinə görə 2019-cu ilədək möhlət verilmişdir.[14] Buna baxmayaraq, oktyabr ayında Həsənli üçün yenidən müayinə təyin edilmiş,[15][14] müayinədən ötrü getdiyi xəstəxanada hərbi polis tərəfindən saxlanılmışdır. Hərbi komissarlığa aparılan gənc fəal ardınca Bərdə rayonunda hərbi hissəyə göndərilmişdir.[16][17] Bu zaman ona hərbi xidmətə aparılması barədə xəbərdarlıq edilməmiş, ailəsi ilə vidalaşmaq və işlərini yoluna qoymaq imkanı verilməmişdir.[14] Həmin ilin noyabrında Bakı Apellyasiya Məhkəməsinin hakimi Elşad Şamayevin sədrliyi ilə NİDA Hərəkatının fəalı Ülvi Həsənlinin qanunsuz həbs edilməsi və ona qarşı qeyri-insani, insan ləyaqətini alçaldan rəftara və işgəncəyə məruz qalması barədə şikayətinə baxılmışdır, lakin onun şikayəti təmin edilməmişdir.[18] O, 2022-ci ildə KİV-ləri dövlət media reyestrində qeydiyyatdan keçməyə məcbur edən qanunvericiliyə etiraz edən üç jurnalistdən biri idi. Həsənli həmçinin, 2023-cü ilin iyununda Söyüdlü hadisələri haqqında məlumat verdiyinə görə Azərbaycan polisi tərəfindən Binəqədi rayon Polis İdarəsində saxlanılmışdır.[12][19] O, həmin il ABŞ səfirliyində bir qrup siyasi fəalın keçirdiyi fleş-mob zamanı saxlanılmışdır.[20]

Həbs edilməsi

Əsas məqalə: AbzasMedia jurnalistlərinin həbsi
 
Ülvi Həsənlini evində aparılan axtarışdan sonra polis tərəfindən aparlıması.

2023-cü ilin noyabr ayında Azərbaycanın hökumətyönlü media orqanlarında "AbzasMedia", "AzadlıqRadiosu", "Amerikanın Səsi", "BBC Azərbaycanca", "ToplumTV" və "MeydanTV"yə qarşı ittihamlar səslənmiş, onların hakimiyyətin "Qarabağda qazandıqlarına kölgə saldığı" iddia edilmişdir.[21] 20 noyabr 2023-cü ildə "AbzasMedia"nın baş redaktoru Sevinc Vaqifqızı Ülvi Həsənlinin Heydər Əliyev adına Beynəlxalq Hava Limanında saxlanıldığını bildirmişdir.[22] O, əlavə etmişdir ki, bu hadisə siyasi motivlidir və Həsənlinin jurnalist fəaliyyəti ilə əlaqədardır.[23] Sonradan Həsənlinin Bakı Şəhər Baş Polis İdarəsinə aparıdlığı məlum olmuşdur.[24] Həsənli saxlanıldıqdan sonra hakimiyyət qüvvələri "AbzasMedia"nın Bakı ofisində axtarış apararaq jurnalistlərin redaksiyaya daxil olmasına imkan verməmişdir.[25] Polis həmçinin, "AbzasMedia"nın ofislərində axtarış zamanı 40 min avro nağd pul tapdığını iddia etmişdir,[26] lakin "AbzasMedia" bu pulun Həsənliyə qarşı ittihamları saxtalaşdırmaq üçün yerləşdirildiyini qeyd etmişdir.[11] Bundan başqa, Həsənlinin ifadələrinə görə, o, saxlanıldığı zaman polis tərəfindən işgəncə və fiziki zorakılığa məruz qalmışdır. "AbzasMedia"nın verdiyi açıqlamaya görə, müstəntiqlərin ona verdiyi suallar həmin dövlət orqanlarının korrupsiya ilə bağlı araşdırmaları haqqında olmuşdur.[25][27] Sonradan Sevinc Vaqifqızı da hava limanında polis tərəfindən saxlanılmışdır.[28] Ülvi Həsənli cinayət məcəlləsinin 206.3.2-ci maddəsi (Bir qrup şəxs tərəfindən qaçaqmalçılıq) ilə ittiham edilmişdir.[29]

"Amnesty International",[12] Jurnalistləri Müdafiə Komitəsi,[10] Beynəlxalq Mətbuat İnstitutu[25] kimi qurumlar Ülvi Həsənlinin həbsini qanunsuz adlandırmış və onun azad edilməsini tələb etmişdir.

İstinadlar

  1. ↑ 1 2 ""AbzasMedia"nın direktoru Ülvi Həsənli kimdir? Niyə saxlanılıb?". Meydan TV (az.). 22 noyabr 2023. 13 fevral 2024 tarixində arxivləşdirilib. İstifadə tarixi: 13 fevral 2024.
  2. ↑ "Ülvi Həsənlinin bioqrafiyası". 17 iyul 2013. 21 iyul 2013 tarixində orijinalından arxivləşdirilib.
  3. ↑ "N!DA və Azad Gənclik Təşkilatı fəallarının məhkəməsi başlayıb". BBC News Azərbaycanca. 5 noyabr 2013. 21 iyul 2019 tarixində arxivləşdirilib. İstifadə tarixi: 21 noyabr 2023.
  4. ↑ Şahvələd Çobanoğlu. "Cəhənnəm iztirabları". kultura.az (ingilis). 10 noyabr 2012. 21 noyabr 2023 tarixində arxivləşdirilib. İstifadə tarixi: 21 noyabr 2023.
  5. ↑ 1 2 "Ülvi Həsənli "Azad Gənclik"dən getdi". 7 sentyabr 2013. 21 noyabr 2023 tarixində arxivləşdirilib. İstifadə tarixi: 21 noyabr 2023.
  6. ↑ ""Azad Gənclik" təşkilatının həmtəsisçisi istefa verdi". 21 noyabr 2023 tarixində arxivləşdirilib. İstifadə tarixi: 21 noyabr 2023.
  7. ↑ "Eks-NİDA üzvü dostlarına ağır cəza verən hakimin katibi oldu". 21 noyabr 2023 tarixində arxivləşdirilib. İstifadə tarixi: 21 noyabr 2023.
  8. ↑ "NİDA üzvü Elgiz Qəhrəmanov həbs olunub [NİDA fəalı Ülvi Həsənli ilə müsahibə-audio]". Voice of America. 15 avqust 2016. 6 dekabr 2021 tarixində arxivləşdirilib. İstifadə tarixi: 21 noyabr 2023.
  9. ↑ ""AbzasMedia"nın direktoru saxlanılıb". Voice of America. 20 noyabr 2023. 21 noyabr 2023 tarixində arxivləşdirilib. İstifadə tarixi: 21 noyabr 2023.
  10. ↑ 1 2 Staff, C. P. J. "Azerbaijan police arrest Abzas Media director Ulvi Hasanli, raid outlet". 20 noyabr 2023. 21 noyabr 2023 tarixində arxivləşdirilib. İstifadə tarixi: 21 noyabr 2023.
  11. ↑ 1 2 "Azerbaijani police raid AbzasMedia offices and detain director". 20 noyabr 2023. 20 noyabr 2023 tarixində arxivləşdirilib. İstifadə tarixi: 21 noyabr 2023.
  12. ↑ 1 2 3 "Azerbaijan: Significant concerns about detained journalist Ulvi Hasanli". Amnesty International. 20 noyabr 2023. 21 noyabr 2023 tarixində arxivləşdirilib. İstifadə tarixi: 21 noyabr 2023.
  13. ↑ "Aksiya təşkialtçısı həbs olunan gənclərin SİYAHIsını açıqladı". modern.az. 21 noyabr 2023 tarixində arxivləşdirilib. İstifadə tarixi: 21 noyabr 2023.
  14. ↑ 1 2 3 "NİDA fəalı hərbi xidmətə aparılıb". turan.az. 21 noyabr 2023. 21 noyabr 2023 tarixində arxivləşdirilib. İstifadə tarixi: 21 noyabr 2023.
  15. ↑ "Hacı Zamin: 'Həkim dedi, səni bu cür zəif gözlə hərbi hissəyə necə göndəriblər?'". 27 oktyabr 2017. 4 iyun 2023 tarixində arxivləşdirilib. İstifadə tarixi: 21 noyabr 2023 – www.azadliq.org vasitəsilə.
  16. ↑ "Ülvi Həsənli əsgərliyə aparılıb — Yenilənib". Qafqazinfo. 26 oktyabr 2017. 19 dekabr 2017 tarixində arxivləşdirilib. İstifadə tarixi: 21 noyabr 2023.
  17. ↑ "Axına qarşı". Azadlıq Radiosu. 15 iyun 2021 tarixində arxivləşdirilib. İstifadə tarixi: 21 noyabr 2023.
  18. ↑ "Ülvi Həsənlinin şikayəti təmin edilməyib". turan.az. 21 noyabr 2023. 21 noyabr 2023 tarixində arxivləşdirilib. İstifadə tarixi: 21 noyabr 2023.
  19. ↑ ""Abzas Media"nın direktoru Ülvi Həsənli Polis İdarəsinə çağırılıb". Voice of America. 23 iyun 2023. 21 noyabr 2023 tarixində arxivləşdirilib. İstifadə tarixi: 21 noyabr 2023.
  20. ↑ Узел, Кавказский. "Феминистки устроили флешмоб на приеме в посольстве США в Азербайджане". Кавказский Узел. 21 noyabr 2023 tarixində arxivləşdirilib. İstifadə tarixi: 21 noyabr 2023.
  21. ↑ "Beynəlxalq qurumlar Ülvi Həsənliyə azadlıq tələb edir". 21 noyabr 2023. 21 noyabr 2023 tarixində arxivləşdirilib. İstifadə tarixi: 21 noyabr 2023 – www.azadliq.org vasitəsilə.
  22. ↑ "Abzas Media-nın direktoru Ülvi Həsənli saxlanılıb". turan.az. 20 noyabr 2023. 21 noyabr 2023 tarixində arxivləşdirilib. İstifadə tarixi: 21 noyabr 2023.
  23. ↑ "Numerous journalists connected to Azerbaijani news site arrested". 21 noyabr 2023. 21 noyabr 2023 tarixində arxivləşdirilib. İstifadə tarixi: 21 noyabr 2023.
  24. ↑ "Abzas Media-nın direktoru Ülvi Həsənli saxlanılıb – IRFS". 20 noyabr 2023. 21 noyabr 2023 tarixində arxivləşdirilib. İstifadə tarixi: 21 noyabr 2023.
  25. ↑ 1 2 3 "Azerbaijan: IPI demands immediate release of Abzas Media director Ulvi Hasanli". 20 noyabr 2023. 21 noyabr 2023 tarixində arxivləşdirilib. İstifadə tarixi: 21 noyabr 2023.
  26. ↑ "Azerbaijani Authorities Detained Head of Independent Media". www.occrp.org. 21 noyabr 2023 tarixində arxivləşdirilib. İstifadə tarixi: 21 noyabr 2023.
  27. ↑ Узел, Кавказский. "Азербайджанский журналист Гасанли задержан силовиками". Кавказский Узел. 21 noyabr 2023 tarixində arxivləşdirilib. İstifadə tarixi: 21 noyabr 2023.
  28. ↑ "Azerbaijan arrests 2 journalists for exposing alleged high-level corruption | Free Malaysia Today (FMT)". 21 noyabr 2023 tarixində arxivləşdirilib. İstifadə tarixi: 21 noyabr 2023.
  29. ↑ "Ülvi Həsənli qaçaqmalçılıqda ittiham edilir". 21 noyabr 2023. 21 noyabr 2023 tarixində arxivləşdirilib. İstifadə tarixi: 21 noyabr 2023.
Mənbə — "https://az.wikipedia.org/w/index.php?title=Ülvi_Həsənli&oldid=8326172"
Informasiya Melumat Axtar