Özüaçılan körpü və ya Baskul körpü — açıla bilən kanatları olan və kanatları açılan zaman altından dəniz nəqliyyatı vasitələrinin keçməsinə imkan verən hərəkətli körpü növüdür.
Onun fəaliyyət prinsipi körpünün mərkəzi hissəsində yerləşən körpü kanatlarının idarəli bir formada açılmasına və bağlanılmasına əsaslanır. Baskul tipli körpülər birinci dəfə meydana çıxdıqları zaman kanatların açılması hidravlik sistemlərlə həyata keçirilirdi. Müasir dövrdə isə hidravlik sistemlər daha da təkmilləşdirilmiş elektriklə idarə olunan sistemlərlə əvəz edilmişdir.
Baskul tipli körpülər kanatlarının qısa bir zaman ərzində açılması və açıldıqları zaman da az yer tutmasına görə ən çox istifadə edilən hərəkətli körpü növüdür.
Dünyada bu tipdə olan çoxsaylı körpülər mövcuddur. Bunların içərisində isə ən məşhur olanı İngiltərənin London şəhərindən keçən Temza çayının üstündəki Tauer körpüsüdür.
