Ömür Orhun — türk dilomatı və siyasətçi, Türkiyənin Azərbaycanda (02.05.1995 - 16.09. 1996)[1] və Norvecdə (12.06.1990 - 04.21.1995)[2] fövqaladi və səlahiyyətli səfiri, NATO, Avropa İttifaqı, ATƏT-də daimi nümayəndəsi.
| Ömür Orhun | |
|---|---|
 Türkiyənin Azərbaycanda və Norvecdə fövqaladi və səlahiyyətli səfiri | |
 .svg){kind=small} | |
| Şəxsi məlumatlar | |
| Doğum tarixi | |
| Doğum yeri | Eskişehir, Türkiyə |
| Təhsili | ODTÜ |
Ömür Orhun 14 iyul 1943-cü ildə Türkiyənin Eskişehirində anadan olub. Eskişehir Özəl Yeni Kollecini bitirdikdən sonra Orta Şərq Texniki Universitetinin Siyasi Elm və Dövlət İdarəçiliyi fakültəsinə daxil olub və 1964-cü ildə oradan məzun olub.[3] İngilis dilini təmiz bilir, ailəlidir, iki övladı var.
Ömür Orhun diplomatik fəaliyyətə Türkiyə Xarici İşlər Nazirliyində konsul vəzifəsinə namizəd kimi başlayıb, daha sonra ikinci və üçüncü katib vəzifələrində çalışıb. Xarici ölkələrdə karyerasına Yunanıstanın Afinadakı səfirliyində ikinci və birinci katib kimi başlayıb. Sonra Yunanıstan Siyasi Məsələlər Departamentinin baş katibi və şöbə müdiri vəzifələrində, Birgə Təhlükəsizlik İşləri Baş İdarəsində, Pekin və Stokholm səfirliklərində müşavir kimi beynəlxalq təcrübəsini davam etdirib.
15 aprel 1998-ci il tarixindən etibarən Xarici İşlər Nazirliyində Çoxtərəfli İqtisadi Məsələlər üzrə baş direktor və səfir vəzifələrində çalışıb. O, həmçinin Avropada Təhlükəsizlik və Əməkdaşlıq Təşkilatında daimi nümayəndə kimi Türkiyəni beynəlxalq səviyyədə təmsil edib.
Ömür Orhun 2 may 1995 — 16 sentyabr 1996-cı ilə qədər Türkiyənin Azərbaycanda səfiri,[1] 12 iyun 1990 — 04 aprel 1995-ci ilə qədər Türkiyənin Norvecdə[2] səfiri vəzifəsində işləyib.
2000-2004-cü illərdə Ömür Orhun Türkiyənin ATƏT yanında daimi nümayəndəsi, ATƏT-in İslam Əməkdaşlıq Təşkilatında İnsan Hüquqları müsəlmanlara qarşı ayrı-seçkiliklə mübarizə üzrə xüsusi nümayəndəsi, ATƏT baş katibinin xüsusi müşaviri[4] və ATƏT-in Ali Arbitraj Şurasının sədri vəzifələrində çalışıb,[5] həmçinin UNESCOda Türkiyə Milli Komissiyasının İnsan Hüquqları Komitəsində, Sosial və Humanitar Elmlər komitəsində Türkiyəni beynəlxalq səviyyədə təmsil edib.[5]
Ömür Orhunün həm türk, həm də ingilis dillərində çox saylı kitabları və məqalələri dərc olunub:[6]
- Avrupa Güvenlik ve İşbirliği Teşkilatı (AGİT).[7] Kitab Türkiyə Elmlər Akademiyası tərəfindən nəşr olunmuşdur.[8]
- Ayrımcılık ve Hoşgörüsüzlükle Mücadele[9]
- Middle East: A Region in Flux[6]
- European security and defence identity-common European security and defence policy: a Turkish perspective [6]
- Turkey, Norway and the US in the New European Security Context və s.
- ↑ 1 2 TÜRKİYE CUMHURİYETİ BAKÜ BÜYÜKELÇİLİĞİ
- ↑ 1 2 "REPUBLIC OF TÜRKİYE TURKISH EMBASSY OSLO". 2025-05-16 tarixində arxivləşdirilib. İstifadə tarixi: 2025-07-30.
- ↑ Ömür Orhun kimdir? Hayatı, kitapları hakkında bilgi
- ↑ OSCE Representative concerned about questionnaire for Muslim applicants for German citizenship
- ↑ 1 2 "NO:172 - 28 Aralık 2004, Büyükelçi Ömür Orhun´un AGİT; Dönem Başkanının; Müslümanlara Karşı Hoşgörüsüzlük ve Ayrımcılıkla Mücadele Özel Temsilcisi Olarak Atanması Hk". 2023-06-01 tarixində arxivləşdirilib. İstifadə tarixi: 2025-07-30.
- ↑ 1 2 3 "Academia". 2023-03-01 tarixində arxivləşdirilib. İstifadə tarixi: 2025-07-31.
- ↑ Avrupa Güvenlik ve İşbirliği Teşkilatı (AGİT)
- ↑ "Büyükelçi Ömür ORHUN". 2021-05-06 tarixində arxivləşdirilib. İstifadə tarixi: 2025-07-31.
- ↑ İslamofobi ve Müslümanlara Karşı Ayırımcılıkla Mücadele