Ölüm dəftəri (film, 2017)

2007-ci ildə Malaziyanın The Star qəzetində qeyd olunub ki, ABŞ-də ondan çox film şirkəti Death Note franşizin film adaptasiyasını çəkməkdə maraqlıdır.^[3] Əvvəlcə ABŞ-nin Vertigo Entertainment şirkəti remeyk eləməli idi. Çarli və Vlas Parlapanides ssenarinin müəllifləri, Roy Li, Duq Deyvison, Dan Lin və Brayn Uitten isə prodüserləri olmalı idilər.^[4] 2009-cu ilin aprelin 30-da Variety jurnalı elan edib ki, yapon film versiyasının distribütori olan Warner Bros. remeyk eləmək üçün müəllif hüquqları əldə edib. Ssenari müəllifləri ilə prodüserlər isə eyni qalıb.^[5] 2009-cu ildə Zak Efron onun filmdə baş rolda oynadığı haqqındakı şayiəni inkar edib.^[6] 2011-ci ilin yanvarın 13-də elan olunub ki, Şeyn Blək filmin rejissoru, ssenari müəllifləri isə Entoni Baqarotzi ilə Çarls Mondri olacaq.^[7] Warner Bros. studiyası Yaqami Raitonun hekayəsini dəyişib və mərkəzində ədalət məsələsinin əvəzinə qisas məsələsini qoymaq, şiniqamiləri isə məzmundan tamamilə çıxartmağı planlaşdırırdı. Blək buna qarşı idi və beləliklə, bu məfhum qəbul olunmayıb.^[8] 2013-cü ildə Bleeding Cool saytına verdiyi intervyusunda, Blək film üzərində hələ də işlədiyini təsdiq edib.^[9] 2014-cü ilin iyulunda şayiə yayılıb ki, rejissör Bləki Qas Van Sent əvəzliyəcək, prodüserluğu isə Vertigo Entertainment, Witten Pictures və Lin Pictures vasitəsi ilə Den Lin, Duq Deyvison, Roy Li və Brayan Uitten eləyəcək.^[10]

2015-ci ilin aprelin 27-də The Hollywood Reporter jurnalı açıqlayıb ki, filmin rejissoru Adam Uinqard, prodüserləri Lin Li, Ceyson Hoffs və Masi Oka olacaq, studiyanı isə Niica Kuykendall ilə Nik Mavinkurve nəzarət edəcək.^[11] 2016-cı ilin aprelində TheWrap saytı bəyan edib ki, Warner Bros. çəkdiyi filmlərin sayını azaltmaq qərarını verib və Uinqarda layihəni hər hansı başqa yerdə çəkməyə icazə verib. Verilən məlumata görə, növbəti 48 saat ərzində Uinqarda demək olar ki, bütün əsas film studiyalarına müraciət edib.^[12] 2016-cı ilin aprelin 6-da təsdiq olunub ki, filmi alan Netflix olub. Filmin büdcəsi 40-50 milyon dollar, ssenari müəllifinin isə Ceremi Sleyter olacağı deyilib. Rəsmi istehsalı DN (Canada) Productions, Inc. tərəfindən 2016-cı ilin iyunun 30-da Britaniya Kolumbiyasıda başlayıb.^{[13][14][15][16][17]}

Heat Vision-a verdiyi müsahibədə rejissor Adam Uinqard deyib ki, əgər filmə yetəri sayda adam baxsa, Netflix ən azı iki film eləmək istəyir:^[18]

Dəqiq demək olar ki, getmək üçün çox yolumuz var və ümumilikdə hara gəlib çatacağımızı bilirik. Ümid edirəm ki, insanlar ona [filmə] baxacaqlar və Netflix sikvelı sifariş edəcək. Onlar dəqiq olaraq buna hazırdır. Onlara sadəcə lazımdır ki, insanlar ona baxsın.

Orijinal mətn (ing.)

There are definitely lots of places to go, and we know generally where we would take it. Hopefully people will watch it and Netflix will order a sequel. They definitely are ready to. They just need people to watch it.

• Ölüm dəftəri — Internet Movie Database saytında

• Ölüm dəftəri Netflix-də
• Ölüm dəftəri Rotten Tomatoes saytında  (ing.)