École Normale de Musique de Paris – Alfred Cortot (qısa: ENMP) — Fransanın Paris şəhərində yerləşən, 1919-cu ildə məşhur pianoçu Alfred Cortot və musiqi tənqidçisi Auguste Mangeot tərəfindən təsis edilmiş ali musiqi akademiyasıdır. Dövlət tərəfindən tanınan, lakin özəl statusa malik bir ali musiqi təhsil müəssisəsidir.
| Paris Ali Musiqi Məktəbi | |
|---|---|
 | |
 | |
| Əsası qoyulub | 1919 |
| Ölkə | |
| Sayt | ecolenormalecortot.com |
| 48°53′02″ şm. e. 2°18′32″ ş. u.HGYO | |
 |
|
 Vikianbarda əlaqəli mediafayllar | |
École Normale de Musique de Paris 6 oktyabr 1919-cu ildə yaradılmışdır. İlk illərində Jouffroy-d’Abbans küçəsində yerləşən məktəb 1927-ci ildən etibarən Malesherbes bulvarındakı 114 bis nömrəli binada fəaliyyətini davam etdirir. Bu bina və içərisində yerləşən konsert zalı — Salle Cortot (Korto Zalı)— Art Deco üslubunda inşa olunmuş və tarixi abidə kimi qorunur.
1929-cu ildə açılmış məşhur Korto Zalı memar Auguste Perret tərəfindən layihələndirilmişdir. Zalda yüksək akustik şərait mövcuddur və həm məktəbin, həm də Parisin musiqi həyatında mühüm rol oynayır.
École Normale de Musique peşəkar konsert ifaçısı və eyni zamanda müəllim hazırlamaq məqsədini güdür. Tədris proqramı həm praktik, həm də nəzəri fənləri (solfecio, musiqi analizi, musiqi tarixi və s.) əhatə edir. Məktəb həmçinin beynəlxalq tələbələr üçün nəzərdə tutulmuş müxtəlif pilləli diplom proqramları təklif edir.
Məktəbdə aşağıdakı sahələr üzrə ixtisaslaşmaq mümkündür:
- Fortepiano
- Vokal sənəti
- Kamera musiqisi
- Bəstəkarlıq
- Dirijorluq
- Musiqi müşayiəti
- Film və audiovizual musiqi
Məktəbdə hər il 800-dən çox tələbə təhsil alır. Tələbələrin əksəriyyəti beynəlxalq mənşəlidir. ENMP-də müxtəlif dövrlərdə Nadia Boulanger, Dinu Lipatti, Pablo Casals, Paul Dukas kimi dünya şöhrətli sənətkarlar dərs demişlər.
- Samson François
- Aldo Ciccolini
- Jean-Marc Luisada
- Yevgeni Kissin (master-klaslar)
- və başqaları
- ↑ 1 2 base Mérimée (fr.). ministère de la Culture, 1978.