Çola Ninçeva Draqoyçeva (bolq. Цола Нинчева Драгойчева; 30 avqust 1898 – 26 may 1993[1], Sofiya) və ya Sonya — bolqar siyasətçi, Bolqarıstan Kommunist Partiyasının üzvü.[2] 1920-ci illərdə partiyanın qeyri-qanuni silahlı bölməsinin üzvü olan Draqoyçeva illərini həbsxanada və SSRİ-də mühacirətdə keçirib. O, İkinci Dünya müharibəsindən sonra bir sıra yüksək vəzifələr tutmuş və nomenklaturanın bir hissəsi olmuşdur. Draqoyçeva 1946-cı ildən 1990-cı ilə qədər davamlı olaraq Bolqarıstan Milli Məclisinin üzvü olmuşdur. 11 dekabr 1947-ci ildə o, Nazirlər Kabinetinin ölkə tarixində ilk qadın üzvü olub.[3]
| Çola Draqoyçeva | |
|---|---|
 | |
| Doğum tarixi | 30 avqust 1898 |
| Vəfat tarixi | 26 may 1993[1] (94 yaşında) |
| Vəfat yeri | |
| Fəaliyyəti | siyasətçi |
| Mükafatları |
          |
 Vikianbarda əlaqəli mediafayllar | |
Draqoyçeva 30 avqust 1898-ci ildə Bolqarıstanın şimal-qərbindəki Vratsa vilayətinin Byala Slatina şəhərində anadan olub. O, 1919-cu ildə Kommunist Partiyasına üzv olmuşdur. Draqoyçeva Sofiyada ali pedaqoji məktəbi bitirib və müəllim olub. O, 1923-cü ilin sentyabrında Bolqarıstandakı kommunist üsyanında iştirak etmiş və nəticədə 15 il həbs cəzasına məhkum edilmiş və müəllimlik hüququndan məhrum edilmişdir. 1924-cü ildə verilmiş amnistiya nəticəsində Draqoyçeva azad olmuş və tez bir zamanda partiyasının Ruse, Varna və Plovdivdəki silahlı bölməsinin regional idarələrinin üzvü olmuşdur. 1925-ci ildə Müqəddəs Nedelya kilsəsinə edilən hücumdan sonra Draqoyçeva yenidən həbs edilmiş və haqqında ölüm hökmü verilmiş, lakin 1926-cı ildə hamilə olduğu üçün edam təxirə salınmış və ölüm hökmü ömürlük azadlıqdan məhrumetmə ilə əvəz olunmuşdur. Həbsxanada ikən onun oğlu dünyaya gəlmişdir. Draqoyçeva 1932-ci ildə yenidən amnistiya nəticəsində azad olunub.
Draqoyçeva 1932-ci ildə Moskvaya mühacirət edib və orada Beynəlxalq Lenin məktəbini bitirərək bir il Kominternin Beynəlxalq Kommunist Qadın Katibliyində işləyib. Draqoyçeva 1936-cı ildə Bolqarıstana qayıtmış və Bolqarıstan Kommunist Partiyası Mərkəzi Komitəsinin üzvü seçilmişdir. O, 1990-cı il fevralın 2-dək bu qurumda fəaliyyət göstərib və 1941-ci ildən BKP-nin politbürosunun üzvü olub.
Draqoyçeva İkinci Dünya müharibəsi zamanı Bolqarıstanın Berlin-Roma-Tokio oxuna qoşulmasına qarşı BKP və Vətən Cəbhəsinin silahlı müqavimətində fəal iştirak etmişdir. O, 1941-ci ilin avqustunda həbs edilib və həmin ilin dekabrına qədər Asenovqrad yaxınlığındakı Qonda Voda konsentrasiya düşərgəsinin Sveti Nikola qadın bölməsində saxlanılıb.[4]
Bolqarıstanda 1944-cü il dövlət çevrilişindən və BKP-nin hakimiyyətə gəlişindən sonra Draqoyçeva Vətən Cəbhəsinin Baş katibi (1944-1948), Bolqarıstan Xalq Qadınlar Birliyinin sədri (1945-1950), Poçt, Teleqraf və Telefonlar Naziri (1947-1957), Sülhü Müdafiə Milli Komitəsinin sədri (1949-1952), Bolqarıstan-Sovet Dostluğu Ümumxalq Komitəsinin sədri (1957-1977) və 1977-ci ildən onun fəxri sədri də daxil olmaqla bir sıra vəzifələri icra etmişdir.[4] O, 1945-ci ildə Parisdə Qadınların Beynəlxalq Demokratik Federasiyasının təsis yığıncağında iştirak edib.
Draqoyçeva Bolqarıstanın Sovet İttifaqına 16-cı respublika kimi qəbul edilməsinin tərəfdarı idi və cəmiyyətdə mədəniyyət və incəsənət senzoru rolunu oynayırdı.[5] İosif Kobzon və Andrey Tupolevin yaxın dostu olan Draqoyçeva 1971-ci ildə Lenin sülh mükafatına layiq görülmüşdür.
Onun memuarları İkinci Dünya müharibəsi illərində və sonrasında Vardar Makedoniyasındakı bolqarların vəziyyəti haqqında ətraflı məlumat verir və BKP-nın Makedoniya ilə bağlı mövqeyini əks etdirir. Bununla belə, bu yazılar Daxili Makedoniya inqilabi təşkilatının lideri İvan Mixaylov tərəfindən kəskin tənqid edilmişdir.[6]
Çola Draqoyçeva 26 may 1993-cü ildə, 94 yaşında Sofiyada vəfat edib.
- ↑ 1 2 Bibliothèque nationale de France Tsola Dragoïtcheva // BnF identifikatoru (fr.): açıq məlumat platforması. 2011.
- ↑ John D. Bell, The Bulgarian Communist Party from Blagoev to Zhivkov, Palo Alto: Hoover Institution Press, 1985
- ↑ Cyril E. Black, "The Start of the Cold War in Bulgaria: A Personal View," The Review of Politics Vol. 41, No. 2 (Apr., 1979), pp. 163-202
- ↑ 1 2 Krassimira Daskalova, "A Woman Politician in the Cold War Balkans: From Biography to History" Aspasia: The International Yearbook of Central, Eastern, and Southeastern European Women's and Gender History, Volume 10, 2016
- ↑ Hristo Aliexiev, "A Woman Politician in the Cold War Balkans from Biography as History: The Case of the Bulgarian Communist[ölü keçid][ölü keçid]," 10 March 2014. University of Illinois Russian, East European, and Eurasia Institute
- ↑ Vanco Apostolski, Tsola Dragoicheva and her Memoirs Based on Greater Bulgarian Nationalist Positions. Belgrade: Jugoslovenska Stvarnost, 1979