Çinuk (it cinsi)

Əzələli, 53 ilə 69 sm arası hündürlükdə, 20 ilə 41 kq arası çəkidə olur. "Birləşmiş Kennel Klubu" (UKC) cinsinin standartına görə,^[1] ideal rəng açıq bal rəngindən qırmızı-qızıl rəngə qədər dəyişir. Gözlərin daxili künclərindəki qara işarələrə üstünlük verilir. Qulaqlarda və ağızda tünd qəhvəyi-qara işarələr tələb olunur. Quyruqdakı qoruyucu tüklərə, ayaqlara, ayaq barmaqları və alt hissəyə də xüsusi diqqət yetirilir. UKC standartları qəhvəyi rəngdən başqa istənilən rəngi qadağan edir və albinizmi diskalifikasiya edir. Təklif olunan digər standartlar, orta uzunluqlu, ikiqat kürkün "qəhvəyi" rəngdə olduğunu, ağızda və qulaqlarda daha tünd çalarların olduğunu bildirir. Ağ rəngli itlərə icazə verilmir. Gözlər qəhvəyi və ya kəhrəba rəngində olur. Qulaqlar dəyişkəndir, lakin aşağı sallanmış və başı digər xizək cinslərindən daha güclü və düzbucaqlı olmalıdır. Quyruq isə Arktika cinslərinin adi fırçalı və ya şleyfi deyil, yaxşı tüklü, qılınc şəklindədir.