Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBu məqalədəki məlumatların yoxlanıla bilməsi üçün əlavə mənbələrə ehtiyac var. |
Çaykənd Qızılbalıqartırma Zavodu — Azərbaycan Respublikası Kənd Təsərrüfatı Nazirliyinin tabeliyində "Balıqçılıq və Akvakultura Mərkəzi"nin tabeliyindəki qurum[1] Göygöl rayonunda yerləşir.
Fəaliyyətə 1953-cü ildən başlamışdır.
Bu zavod qızılbalıq növlərinin yetişdirilməsinə görə Azərbaycanda qabaqcıl yerlərdən birini tuturdu. Müəssisə ildə 1 milyona yaxın qızıl balıq yetişdirərək Kür çayına və Xəzər dənizinə buraxırdı.[2]
Lakin zavodda uzun müddət heç bir təmir işləri aparılmadığından və avadanlıqlar köhnəldiyindən bu rəqəm ildən-ilə azalmışdır. Nəticədə zavodda yetişdirilən balıq növü ikiyə düşmüşdür. Gələcəkdə zavod tam gücünü bərpa etdikdən sonra balıq növlərinin artırılması da nəzərdə tutulmuşdur.[2]
Zavod Azərbaycan Respublikası Ekologiya və Təbii Sərvətlər Nazirliyinin tabeliyində olmuşdur.[3] Azərbaycan Respublikası Nazirlər Kabinetinin 18 sentyabr 2025-ci il tarixli Qərarına əsasən Azərbaycan Respublikası Kənd Təsərrüfatı Nazirliyinin tabeliyində "Balıqçılıq və Akvakultura Mərkəzi" publik hüquqi şəxsinin tabeliyinə keçmişdir.[1]
Zavodda 3 faza dövrünü yaşayan qızıl balıqlar kürüdən çıxandan sonrakı 2 il müddətində müxtəlif hovuzlarda bəslənilir. Onların qida rasionuna qurd süfrəsi, yumurta sarısı, balıq və iri buynuzlu heyvanın çəkilmiş dalaq və qara ciyərləri daxildir.[4]