"Çaqqalın günü"[1] (ing. The Day of the Jackal) — Frederik Forsaytın eyniadlı romanı əsasında çəkilmiş Böyük Britaniya dram teleserialı. Film müasir siyasi kontekstə uyğunlaşdırılmışdır.[2] Baş rollarda Eddi Redmeyn və Laşana Linç çəkilib. Serialın premyerası 7 noyabr 2024-cü ildə Sky Atlantic və Now yayım xidmətində baş tutdu. İkinci sezonun 2025-ci ildə buraxılması planlaşdırılır.
| Çaqqalın günü | |
|---|---|
| ing. The Day of the Jackal | |
| Janr | dram teleserialı[d] |
| Rollarda |
|
| İstehsalçı ölkə | |
| Dil | ingilis dili |
| Rəng | rəngli[d] |
| IMDb | ID24053860 |
| sky.com/watch/the-day-of… | |
Münxendə sifarişli qətl hadisəsi baş verir. Qatil hədəfi 3815 metr məsafədən vurur. Qəlin qurbanı isə alman sağçı siyasətçi Manfred Festdir. MI6 və agent Bianka Pullman cinayətlə bağlı təhqiqata başlayır. Belə ki, cinayətin izləri İngiltərəyə aparılıb. Belə bir məsafədən atəş açıb diqqəti cəlb etmədən qaçmağa imkan verən boğucu lüləli snayper tüfəngi irlandiyalı usta Norman Stoka sifariş verilərək hazırlanıb. Normanın qohumları vasitəsilə Bianka silah ustası, sonra isə müştəri ilə əlaqə saxlayır. Bianka qatilin dəst-xəttinə əsaslanaraq onun çox güman ki, Əfqanıstanda xidmət etmiş keçmiş Britaniya xüsusi təyinatlılarının əsgəri olduğunu təxmin edir. Cinayətkar xarici görünüşünü və davranışını dəyişmək bacarığına malikdir, bir neçə dil bilir, hər cür təqibdən yayınmağı bacarır. Bianka və rəhbərlik şöbədə qatilə kömək edən "köstəbəy" in (casusun) olmasından çox narahatdırlar.
Amerikalı maqnat Timoti Uintropun nümayəndələri qatillə əlaqə saxlayır. Onun növbəti hədəfi maliyyə dahisi Ule Daq Çarlz olmalıdır. Ule Daq Çarlz deyildiyi kimi, tez bir zamanda qabaqcıl texnologiya sayəsində bütün pul əməliyyatlarında tam şəffaflığı təmin edəcək River tətbiqini işə salmağa hazırlaşır. Bütün sistemin dağılmasından qorxan maliyyə elitasının nümayəndələri nəyin bahasına olursa-olsun “River”i dayandırmağa və qatilə 100 milyon dollarlıq müqavilə təklif etməyə hazırlaşırlar. Danışıqlarda qatil “Çaqqal”, qurbanı isə “Roden” adlanır.
Bianka özünü tamamilə işə həsr etdiyi üçün ailəsi ilə problemlər yaşayır. "Çaqqal"ın da ailəsi, uşağı, İspaniyada (Kadis bölgəsində) evi var və o, həyat yoldaşı Nuriyaya fəaliyyətinin mahiyyəti barədə yalan danışmağa məcbur olur. İlk cəhddə Ule Daq Çarlzı aradan qaldırmaq mümkün olmur, lakin ikinci cəhddə "Çaqqal" missiyanı uğurla yerinə yetirir. Ule Daq Çarlz dənizdə üzərkən öldürülür, “River”in buraxılışı dayandırılır. "Çaqqal" həm birinci, həm də ikinci sifarişin pulunu tam almadığından narahatdır. 100 milyondan yalnız 20 milyonu köçürülüb. "Çaqqal" artıq onun kim olduğunu təxmin edən arvadının yanına getməyə can atır. Bianka "Çaqqal"ın keçmişini araşdırır və məlum olur ki, o, Aleksandr Daqan adlı xüsusi təyinatlıların snayperi olub. Hərbi sənədləri saxtalaşdırdığı üçün Aleksandrın adı həlak olmuş əsgər kimi göstərilib.
Ailə və iş arasında qalan Bianka orqanları tərk etmək qərarına gəlir. Bununla belə, o, son bir qeyri-rəsmi missiyanı təklif edərək geri qaytarılır - "Çaqqal"ı aradan qaldırmaq. Bianka qatili öldürməmək, onu diri tutmaq və müştərisinin kim olduğunu, onu kimlərin ört-basdır etdiyini öyrənmək qərarına gəlir. "Çaqqal" arvadı ilə barışmaq üçün evə qayıdanda qatilin evini tapır və içəri girir. Məlum olur ki, Nuriya və uşaq evdən çıxaraq hava limanına üz tutublar. Əri ilə əlaqə saxlamaq üçün telefonunu yerə atır. Son qarşıdurmada "Çaqqal" Biankanı öldürür. Sonra təqiblərdən qurtulmağa çalışarkən qəzaya düşür. Birinci mövsümün sonunda, canlı və nisbətən az zərərçəkən "Çaqqal", müştərisi Vintrop ilə əlaqəni təmin edən Zina Yanson ilə görüşür.
- Eddi Redmeyn - Çaqqal / Aleksandr Daqan
- Laşana Linç - Bianka
- Ursula Korbero - Nuriya
- Çarlz Dens - Timoti Vintorp
- Riçard Dormer - Norman Stok
- Çukvudi İvuci - Osita Halkrou
- Liya Villiams - İzabella Kirbi
- Xalid Abdullah - Ulle Daq Çarlz
- Eleonora Matsuura - Zina Yanson
- Jonjo O'Nill - Edvard Karver
- Sule Rimi - Pol Pulman
- Keyt Dikie - Alison Stok
- Patrik O'Keyn - Larri Stok
Serialın layihəsi 2022-ci ilin noyabrında Carnival Films tərəfindən Sky and Peacock[3] ilə birlikdə elan edildi. Ronan Bennett yazıçı və şou rəhbəri, Brian Kirk isə rejissordur.[4] Eddi Redmeyn 2023-cü ilin aprelində Carnival Films ilə serialın icraçı prodüseri oldu.[5]
2023-cü ilin mart ayında Redmeyn[6] serialda baş rola çəkildi. Laşana Linç 2023-cü ilin iyununda,[7] ardınca Ursula Korbero, Çarlz Dans, Riçard Dormer və başqaları 2024-cü ilin fevralında[8] aktyor heyətinə qoşuldu.
Dünyanın dörd ölkəsində baş tutacaq və yeddi ay davam edəcək serialın çəkilişləri 2023-cü ilin iyununda başlayıb.[9] Çəkilişlər Budapeşt və qonşu regionlarda başlayıb.[10] Çəkilişlər də 2023-cü ilin iyulunda Vyanada aparılıb.[11] Xorvatiyada çəkilişlər 2023-cü ilin payızında baş tutub.[12] Xorvatiya səhnələri Riyeka, Pag, Dubrovnik və İstriyanın mərkəzi bölgəsini əhatə edir.[13]
- ↑ "День Шакала (сериал, 2024, 1 сезон) — Фильм.ру". www.film.ru. 2024-04-09 tarixində arxivləşdirilib. İstifadə tarixi: 2024-04-09.
- ↑ White, Peter. "Eddie Redmayne To Lead 'The Day Of The Jackal' Series For Peacock & Sky". Hollywood Deadline. 2023-03-21. 2024-03-07 tarixində arxivləşdirilib. İstifadə tarixi: 2023-04-25.
- ↑ Ravindran, Manori. "'Day of the Jackal' Spy Thriller to Be Reimagined as TV Series for Peacock, Sky". Variety. 2022-11-03. 2022-11-14 tarixində arxivləşdirilib. İstifadə tarixi: 2023-04-25.
- ↑ Shiristy. "The Day of the Jackal' TV Series Adaptation Ordered at Peacock". Collider. 2022-11-03. 2023-04-30 tarixində arxivləşdirilib. İstifadə tarixi: 2023-04-25.
- ↑ Ritman, Alex. "Eddie Redmayne to Lead 'Day of the Jackal' TV Adaptation for Sky, Peacock". Hollywood Reporter. 2023-03-21. 2024-02-23 tarixində arxivləşdirilib. İstifadə tarixi: 2023-04-20.
- ↑ "Eddie Redmayne Starring In Day Of The Jackal TV Adaptation". Empire. 2023-03-21. 2024-02-13 tarixində arxivləşdirilib. İstifadə tarixi: 2023-04-20.
- ↑ Otterson, Joe. "Lashana Lynch Joins Eddie Redmayne in 'Day of the Jackal' Series at Sky, Peacock (EXCLUSIVE)". Variety. 2023-06-02. 2024-01-14 tarixində arxivləşdirilib. İstifadə tarixi: 2023-11-07.
- ↑ Szalai, George. "Úrsula Corberó, Charles Dance, Richard Dormer Join Eddie Redmayne in The Day of the Jackal Series". The Hollywood Reporter. 2024-02-23. 2024-02-24 tarixində arxivləşdirilib. İstifadə tarixi: 2024-02-23.
- ↑ Rajput, Priyanca. "Eddie Redmayne's The Day of the Jackal begins European shoot". kftv. 2023-06-19. 2024-02-13 tarixində arxivləşdirilib. İstifadə tarixi: 2023-11-07.
- ↑ Nemzet, Magyar. "Hollywood Magyarországon: híres krimi forog Selypen és Zagyvavásztón". Hollywood Magyarországon: híres krimi forog Selypen és Zagyvavásztón (macar). 2023-08-16. 2023-11-07 tarixində arxivləşdirilib. İstifadə tarixi: 2023-11-07.
- ↑ verena.richter. "Star Eddie Redmayne dreht für Sky gerade heimlich in Wien". kurier.at (alman). 2023-07-26. 2023-11-07 tarixində arxivləşdirilib. İstifadə tarixi: 2023-11-07.
- ↑ Anderton, Joe. "Eddie Redmayne stars in first look at new show from Top Boy boss". 2023-11-07. 2024-01-31 tarixində arxivləşdirilib. İstifadə tarixi: 2023-11-07.
- ↑ Thomas, Mark. "Eddie Redmayne to Film 'The Day of the Jackal' Sequel in Croatia, Starting in Dubrovnik". Dubrovnik Times. 2023-09-19. 2024-02-12 tarixində arxivləşdirilib. İstifadə tarixi: 2023-11-07.