Çalistavi Kutaisi quberniyasının Kutaisi qəzasında kənd adı.
Çalistavi- Kutaisi quberniyasının Kutaisi qəzasında kənd adı. İrəvan quberniyasının İrəvan qəzasında Çaldağ, həmin quberniyada Çaltaq, Azərbaycanda Gədəbəy rayonunda Çaldaş, Tovuz rayonunda Çaldaq, Kəlbəcər rayonunda Çalburun dağ adları ilə mənaca eynidir. Azərbaycan dilində rəng bildirən çal və gürcücə tavi "baş", "zirvə" sözlərindən ibarətdir. Türk dillərində çal həm də "kiçik dağ", "təpə" mənasındadır. Dumanisi rayonunda Yırğançay kənd ərazisində Yumruçal, Bolnisi rayonunda Qoşakilsə kəndi ərazisində Uzunçal təpə adları var.[1]
- ↑ B.Ə.Budaqov, Q.Ə.Qeybullayev. Gürcüstanda Türkmənşəli Toponimlərin İzahlı Lüğəti. Bakı, "Nurlan" 2008