Çəyirtkə pozası

Asananın adı sanskrit dilindəki "Shalabha" sözündən götürülmüşdür.Bu poza orta əsr Hatha yoqa mətnlərində rast gəlinmir.O,1905-ci ildə nəşr olunmuş,fotoşəkil tipli yarımton illüstrasiyaları ilə fərqlənən ilk yoqa kitabı olan "Yogasopana Purvacatuska" əsərində Yoqa Ghamande tərəfindən təqdim edilmişdir.^[2] Bu poza daha sonra Swami Vishnudevanandanın 1960-cı ildə Sivananda yoqa ənənəsinə aid "Complete Illustrated Book of Yoga" kitabında və B.K.S İyenqarın 1966-cı ildəki "Light on Yoga" əsərində müstəqil şəkildə təsvir edilmişdir.^[3] Bu isə onun daha qədim mənşəyə sahib ola biləcəyini göstərir.Qərb gimnastikasında isə bənzər poza 1931-ci ildə "The Bagot Stack Stretch and Swing System" kitabında qeyd edilmişdir.Mary Bagot Stack Hindistana səfər etmişdi.^[4]

Salabhasana üzüaşağı vəziyyətdən başlanır.Ayaqlar düz şəkildə geriyə uzadılır və qaldırılır;qollar düz olaraq arxaya uzadılır,ovuc içləri aşağıya baxır və qaldırılır və baxışlar irəli yönəldilir.Bu,onurğa əyilməsi və ya onurğa gərilməsi pozasıdır.^[5] Hərəkət zamanı yuxarı və orta kürək əzələlərinin gücü istifadə edilərək,üzüaşağı başlanğıc mövqedən ayaqlar mümkün qədər yuxarı qaldırılır.Pozanın icrası elastikliyi və koordinasiyanı artırır,bel əzələlərini işlədir,gücü və dözümlülüyü yüksəldir.^[6]

Ardha Salabhasana (Yarım Çəyirtkə pozası) zamanı eyni anda bir ayaq və qarşı tərəfdəki qol qaldırılır;digər qol isə ya yerə söykənmiş vəziyyətdə,ya da kürək üzərinə qatlanmış halda qala bilər.^[7]

Bikram yoqa sistemində Salabhasana,digər bir üzüaşağı onurğa əyilməsi olan Bhujanqasana (Kobra pozası) icrasından sonra mərhələlərlə yerinə yetirlir.Əvvəlcə qollar bədənin altına,ovuc içləri aşağıya baxacaq şəkildə,barmaqlar ayaqlara yönəlik yerləşdirilir və çənə yerə söykənir.Daha sonra növbə ilə sol və sağ ayaqlar qaldırılır.Sonda isə hər iki ayaq eyni vaxtda yuxarı qaldırılır.^[8]