Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinÇəhrayı Ermənistan (erm. Փինք Հայաստան; ing. Pink Armenia) – Ermənistanda LGBTQIA+ hüquqlarını müdafiə edən ilk qeyri-hökumət təşkilatı. "Çəhrayı Ermənistan" 2007-ci ildə yaradılmış və qərargahı İrəvanda yerləşir. Təşkilatın məqsədi Ermənistandakı lezbiyan, gey, biseksual, transgender fərdlərə dəstək olmaq, onların hüquqlarını müdafiə etmək, ölkədə LGBT məsələləri ilə bağlı ictimai fikri dəyişməkdir.[1]
| Çəhrayı Ermənistan | |
|---|---|
 | |
| Növü | qeyri-hökumət |
| Fəaliyyəti | LGBT |
| Yaranma tarixi | 2017 |
| Mərkəzi | |
| Sədr | Mamikon Hovsepyan |
| pinkarmenia.org | |
 Vikianbarda əlaqəli mediafayllar | |
"Çəhrayı Ermənistan" LGBT icmasının üzvləri üçün müxtəlif proqramlar və kampaniyalar təşkil edir. Təşkilatın xidmətlərinə təcili hüquqi yardım, sosial yardım, ailə dəstəyi, təcili vəziyyətlərdə kömək, psixoloji dəstək daxildir. Təşkilat cinsi sağlamlıq, insan hüquqlarının qorunması, ayrı-seçkiliyə qarşı mübarizə, bərabərlik və müxtəlifliyi müdafiə etmə, gender məsələlərini təbliğ etmə üzrə fəaliyyət göstərən yerli və beynəlxalq təşkilatlarla əməkdaşlıq edir.[2] "Çəhrayı Ermənistan"ın hazırkı direktoru Mamikon Hovsepyandır. Təşkilatın trans məsələri üzrə ixtisaslaşmış "Sağ tərəf" təşkilatı ilə yaxın əlaqələri var.[3]
2011-ci ildə "Çəhrayı Ermənistan" ILGA və ILGA-Avropa təşkilatlarının üzvü olmuşdur. 2014-cü ildə LGBT+ Bərabərliyi üçün Şərqi Avropa Koalisiyasının üzvlüyünə qəbul edilmişdir. Bu təşkilatın məqsədi Şərqi Avropada LGBT fərdlərinin problemlərini həll etməkdir.[4]
"Çəhrayı Ermənistan" Ermənistan hökuməti ilə dialoqlarda iştirak edir, müəyyən məsələlərdə məsləhətlər verir. 2015-ci ildə Ermənistanın BMT-nin Universal Dövri İcmalı üçün cinsi oriyentasiya və gender kimliyini Ermənistanın qaralama halında olan antiayrı-seçkilik qanununda ayrı-seçkilik üçün səbəb kimi göstərməyi töviyə etmişdir.[5]
Təşkilat 2018-ci ildə baş vermiş Ermənistan inqilabının məqsədlərini dəstəkləyir. Təşkilatın bir çox üzvü etirazlarda iştirak etmişdir.[6]
"Çəhrayı Ermənistan" 2007-ci ildə LGBT fərdlərinə dəstək olmaq məqsədilə qurulmuşdur. Qurulduğu ildən etibarən İrəvan, Dilican, Gümrü, Vanadzor şəhərlərində təlimlər və konfranslar keçirir.[7] 21 may 2012-ci ildə İrəvanda təşkilat tərəfindən müxtəliflilik paradı keçirilmişdir.[8]
2015-ci ilin mayında təşkilat Ermənistan prezindenti Serj Sarkisyana LGBT hüquqlarının qorunması barədə məktub yazmışdır.[9] 2016-cı ilin oktyabrında təşkilat tərəfindən hazırlanmış, Ermənistandakı LGBT fərdlərin həyatından bəhs edən "Mənə qulaq as: Nifrətin ötəsində danışılmamış hekayələr" filminin premyerası baş tutmuşdur.[10]
28 fevral 2018-ci ildə "Bərabərlik Ermənistan" təşkilatı "Çəhrayı Ermənistan" üçün xeyriyyə kampaniyası başlatmışdır.[11] 2022-ci ildə başlayan Rusiya–Ukrayna münaqişəsindən sonra təşkilat köməyə ehtiyacı olan ukraynalı və rusiyalı LGBT fərdlərinə dəstək olacağını bildirmişdir.[12]
- ↑ "About us". 3 may 2010. 2 dekabr 2023 tarixində arxivləşdirilib. İstifadə tarixi: 16 aprel 2024.
- ↑ "About us". 3 may 2010. 2 dekabr 2023 tarixində arxivləşdirilib. İstifadə tarixi: 16 aprel 2024.
- ↑ Araxie Cass. "Azad Sparks: The Fight for Transgender Rights in Armenia with Lilit Martirosyan". Azad Archives. 1 fevral 2023. 9 iyun 2023 tarixində arxivləşdirilib. İstifadə tarixi: 16 aprel 2024.
- ↑ "Networks and Coalitions". 12 may 2010. 2 dekabr 2023 tarixində arxivləşdirilib. İstifadə tarixi: 16 aprel 2024.
- ↑ "LGBT activist Mamikon Hovespyan announced as equality award winner for 2017". 25 iyul 2017. 5 dekabr 2023 tarixində arxivləşdirilib. İstifadə tarixi: 16 aprel 2024.
- ↑ "Armenia's LGBT+ community still waits for change one year after revolution". Reuters. 20 noyabr 2022 tarixində arxivləşdirilib. İstifadə tarixi: 16 aprel 2024.
- ↑ "PINK ARMENIA - new LGBT related NGO registered in Armenia". 14 dekabr 2007. 23 noyabr 2023 tarixində arxivləşdirilib. İstifadə tarixi: 16 aprel 2024.
- ↑ Technologies, Peyotto. ""Փինք Հայաստանը" Հայաստանում գեյ–շքերթ կազմակերպելու նպատակ չունի". 11 noyabr 2022 tarixində arxivləşdirilib. İstifadə tarixi: 16 aprel 2024.
- ↑ "PINK Armenia Calls Authorities to Respect LGBT Rights". 20 noyabr 2022 tarixində arxivləşdirilib. İstifadə tarixi: 16 aprel 2024.
- ↑ "Listening to LGBT People in Armenia". 21 oktyabr 2016. 20 noyabr 2022 tarixində arxivləşdirilib. İstifadə tarixi: 16 aprel 2024.
- ↑ "«Հավասարություն Հայաստան»-ը 2500 դոլար է փոխանցել Փինքի դրամահավաքին - Pink Armenia". 28 fevral 2018. 27 sentyabr 2023 tarixində arxivləşdirilib. İstifadə tarixi: 16 aprel 2024.
- ↑ ""Փինք Արմենիան" պատրաստ է օգնություն ցուցաբերել նաև օտարերկրացի ԼԳԲՏ անձանց". oragir.news. 11 noyabr 2022 tarixində arxivləşdirilib. İstifadə tarixi: 16 aprel 2024.
- pinkarmenia.org/en — rəsmi saytı