"Vətən Müharibəsi Qəhrəmanı" medalı

"Vətən Müharibəsi Qəhrəmanı" medalıAzərbaycanın dövlət təltifi (medal). Azərbaycan Prezidenti İlham Əliyevin 20 noyabr 2020-ci il tarixli Sərəncamına əsasən İkinci Qarabağ müharibəsində qələbə münasibətilə təsis edilən medaldır. Azərbaycanın ən ali fərqlənmə dərəcəsidir.

"Vətən Müharibəsi Qəhrəmanı" medalı
Vətən Müharibəsi Qəhrəmanının fərqlənmə nişanı — "Vətən Müharibəsi Qəhrəmanı" medalı

Ölkə Azərbaycan Azərbaycan
Tip medal
Təltif edir
Status təqdim olunur
Statistika
Təsis tarixi 20 noyabr 2020
Təltif sayı 83
Ardıcıllıq
Yüksək mükafat "Heydər Əliyevin 100 illiyi (1923–2023)" yubiley medalı
Aşağı mükafat "Qızıl Ulduz" medalı
Vikianbarın loqosu Vikianbarda əlaqəli mediafayllar

Təsis edilməsi

2020-ci il noyabrın 20-də Azərbaycan Milli Məclisinə "Vətən müharibəsində qələbə münasibətilə Azərbaycanın orden və medallarının təsis edilməsi ilə əlaqədar "Azərbaycanın orden və medallarının təsis edilməsi haqqında" Azərbaycanın Qanununda əlavələrin edilməsi barədə Azərbaycanın Qanununun dəyişdirilməsi" layihəsi təqdim edildi. Qanun layihəsinə əsasən 2 orden və 15 medal təsis edildi, həmçinin onların status və təsvirləri təsdiq olundu.

Əsasnaməsi

"Vətən Müharibəsi Qəhrəmanı" adı haqqında əsasnamə Azərbaycan Respublikasının 2020-ci il 26 noyabr tarixli 205-VIQ nömrəli Qanunu ilə təsdiq edilmişdir.

Maddə 1. Ümumi müddəalar

  • Azərbaycan Respublikasının "Vətən Müharibəsi Qəhrəmanı" (bundan sonra — "Vətən Müharibəsi Qəhrəmanı") adı Azərbaycan Respublikasının ən ali fərqlənmə dərəcəsidir.
  • "Vətən Müharibəsi Qəhrəmanı" adının xüsusi fərqlənmə nişanı — "Vətən Müharibəsi Qəhrəmanı" Azərbaycan Respublikasının medalıdır. "Vətən Müharibəsi Qəhrəmanı" Azərbaycan Respublikası medalının təsviri qanunla müəyyən olunur.

Maddə 2. "Vətən Müharibəsi Qəhrəmanı" adının verilməsi qaydası

  • "Vətən Müharibəsi Qəhrəmanı" adı Azərbaycan Respublikasının işğal olunmuş ərazilərinin azad olunması zamanı düşmənin əlverişli ərazilərdə yerləşməsinə və inadlı müqavimətinə baxmayaraq, düşmən qüvvələrinin tam məğlub edilməsi üzrə qarşıya qoyulmuş döyüş tapşırıqlarına və Azərbaycan Respublikasının dövlət sərhədinin bərpa edilməsi üzrə döyüş əməliyyatlarına yüksək peşəkarlıqla rəhbərlik edilməsinə, həmçinin döyüş əməliyyatlarında göstərdiyi şəxsi qəhrəmanlığa görə verilir.
  • "Vətən Müharibəsi Qəhrəmanı" Azərbaycan Respublikasının medalı;
  • "Vətən Müharibəsi Qəhrəmanı" adının verilməsi haqqında müvafiq icra hakimiyyəti orqanının müəyyən etdiyi orqanın (qurumun) aktı.
  • "Vətən Müharibəsi Qəhrəmanı" adı eyni şəxsə bir dəfə verilir.

Maddə 3. Yekun müddəalar

  • "Vətən Müharibəsi Qəhrəmanı" Azərbaycan Respublikasının medalı döşün sol tərəfinə, digər orden və medallardan yuxarıda "Qızıl Ulduz" medalından əvvəl taxılır.
  • "Vətən Müharibəsi Qəhrəmanı" adı almış şəxslər qanunla müəyyənləşdirilmiş güzəştlərdən istifadə edir.
  • "Vətən Müharibəsi Qəhrəmanı" adı almış şəxslər həmin addan Azərbaycan Respublikasının fəxri adları üçün müəyyən olunmuş qaydada məhrum edilirlər.
medal haqqında ƏSASNAMƏ

Təsviri

"Vətən Müharibəsi Qəhrəmanı" Azərbaycan Respublikası medalının təsviri Azərbaycan Respublikasının 2020-ci il 26 noyabr tarixli Qanunu ilə təsdiq edilmişdir.

Maddə 1. Medalın ümumi təsviri

  • "Vətən Müharibəsi Qəhrəmanı" Azərbaycan Respublikasının medalı (bundan sonra – medal) 900 əyarlı qızıldan hazırlanmış, biri digərinin üzərinə yerləşdirilmiş diametri 42 mm olan iki səkkizguşəli ulduz formalı lövhədən ibarətdir. Alt ulduz ağ qızıldan, üst ulduz sarı qızıldan hazırlanmışdır.

Maddə 2. Medalın ön tərəfi

  • Medalın ön tərəfində alt ulduzun guşələri mərkəzdə ikitərəfli hamar şüalı, mərkəzdən sol və sağ tərəflərə doğru hamar pilləvarı formadadır.
  • Üst ulduzun guşələri uclarında kiçik kürəciklər olmaqla, ikitərəfli hamar şüalıdırlar. Üst ulduzun mərkəzində zolaq ilə konturlanmış dairəvi lövhə yerləşdirilmişdir. Lövhənin ətrafında guşələri hamar şüalı səkkizguşəli ulduz təsvir olunmuşdur. Zolağın üzərində səkkiz ədəd maili xətlər vardır.
  • Dairəvi lövhənin mərkəzində tünd qırmızı minalı fonda aypara və ulduz təsvir olunmuşdur.
  • Bütün elementlər relyefli olaraq qabarıqdır.

Maddə 3. Medalın arxa tərəfi

  • Medalın arxa tərəfi hamar səthlidir, mərkəzdən yuxarıda "VƏTƏN MÜHARİBƏSİ QƏHRƏMANI" sözləri, mərkəzdə "VƏTƏN MÜHARİBƏSİ 2020" sözləri və rəqəmləri yazılmışdır. Yazılar və rəqəmlər relyefli olaraq qabarıqdır.
  • Medalın arxa tərəfinin aşağı hissəsində medalın seriyası və nömrəsi həkk olunmuşdur.

Maddə 4. Medalın elementləri

  • Medalın paltara bərkidilmək üçün elementi olan 37 mm x 50 mm beşbucaqlı xara lentə iki halqa və ilgək vasitəsilə birləşdirilir.
  • Üzərində Azərbaycan Respublikasının Dövlət Bayrağının rənglərinə uyğun rənglərdə zolaqlar təsvir olunmuş xara lentin mərkəzinə səkkizguşəli ulduz bərkidilmişdir.
  • Lentin yuxarı hissəsinə 40 mm x 5,5 mm ölçülü lövhə bərkidilmişdir.
  • Medala paltarın yaxasına bərkidilmək üçün elementi olan, eyni xara lentdən üz çəkilmiş 37 mm x 10 mm ölçülü qəlib əlavə olunur.
medalın TƏSVİRİ

Təltif edilənlər

Həmçinin bax

İstinadlar

  1. . www.e-qanun.az (az.)). 10.11.1992. 2020-08-11 tarixində . İstifadə tarixi: 20.11.2020.
  2. . www.meclis.gov.az (Azərbaycan Milli Məclisinin rəsmi saytı) (az.)). 20.11.2020. 2020-11-20 tarixində arxivləşdirilib. İstifadə tarixi: 20.11.2020.
  3. . 2023-10-06 tarixində . İstifadə tarixi: 2024-01-03.
  4. . 2023-05-31 tarixində . İstifadə tarixi: 2024-01-03.
  5. . www.report.az ("Report" İnformasiya Agentliyi) (az.)). 20.11.2020. 2020-11-20 tarixində . İstifadə tarixi: 20.11.2020.
  6. . president.az. 1 dekabr 2020. 2020-12-09 tarixində . İstifadə tarixi: 29 dekabr 2020.
  7. . 2023-06-04 tarixində . İstifadə tarixi: 2024-01-03.
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023