"Hüquq və insan haqları virtual kitabxanası" — Ümummilli Lider Heydər Əliyevin anadan olmasının 100 illik yubileyi münasibəti ilə yaradılmışdır. 2023-cü ilin may ayının 10-dan "Hüquq və İnsan Haqları İnstitutu" publik hüquqi şəxsin (əvvəlki AMEA-nın İnsan Hüquqları üzrə Elmi Tədqiqat İnstitutu) rəsmi veb saytı[1] üzərindən fəaliyyətə başlamışdır.[2]
"Hüquq və insan haqları virtual kitabxana"sı Azərbaycanda hüquq elminin inkişafına töhfə vermək, əhalinin hüquqi maarifləndirilməsini təmin etmək, yeni biliklərin əldə olunmasına şərait yaratmaq, eyni zamanda hüquq ədəbiyyatını təbliğ etmək və bu sahədə mövcud yeniliklər üzrə informasiya bazasını formalaşdırmaq məqsədilə yaradılmışdır.
Virtual kitabxanada azərbaycanlı hüquqşünas alimlərin və tədqiqatçıların hüququn müxtəlif sahələrinə dair kitabları, monoqrafiyaları, elmi məqalələri və hesabatları yer alır. Virtual kitabxanada Azərbaycan Respublikası Prezidentinin İşlər İdarəsinin Prezident Kitabxanasının (preslib.az)[3] bəzi vəsaitlərindən istifadə edilib.