Hər kəsin edə biləcəyi azad ensiklopediya olan

Vikipediyaya xoş gəlmisiniz!

Hal-hazırda Azərbaycanca Vikipediyada 211.001 məqalə mövcuddur.

Həftənin seçilmiş məqaləsi

Hammurapi qanunları — e.ə. təxminən 1755–1750-ci illərdə Babilin birinci sülaləsinin altıncı hökmdarı Hammurapinin (hakimiyyəti: e.ə. 1792–1750-ci illər) dövründə tərtib olunmuş və Babil üçün nəzərdə tutulmuş hüquqi mətn. Qədim Mesopotamiyanın məlum qanun toplusları arasında ən mükəmməl, ən yaxşı qorunmuş və ən geniş mənbə kimi qəbul edilən bu məcəllə Akkad dilinin qədim Babil dialektində yazılmışdır. Onun Hammurapi tərəfindən şəxsən formalaşdırıldığı güman olunur. Məcəllənin əsas nüsxəsi 2,25 metr hündürlüyündə bazalt stela üzərində həkk edilmişdir. Bu abidə 1901–1902-ci illərdə indiki İran ərazisində, Suza şəhərində Fransa arxeoloqu Jak de Morqan tərəfindən kəşf edilmişdir. Stela yaradılmasından təxminən altı əsr sonra qənimət kimi Suzaya aparılmışdır. Təxminən 4130 sətirdən ibarət mətnin böyük hissəsi mixi yazı ilə abidə üzərinə həkk olunmuşdur.

(Davamı...)

Həftənin yaxşı məqaləsi

1755–1756-cı illər Konstantinopol Kilsə Məclisi — 1755–1756-cı illərdə çağırılan Pravoslav Kilsəsinin lokal məclisi. Kilsə Məclisi Pravoslav Kilsəsindən kənarda icra edilən bütün müqəddəs sakramentləri etibarsız elan etmiş, vəftiz təcrübəsini tənqid etmiş və katoliklər ilə protestantların pravoslavlığa keçərkən yenidən vəftiz olunması barədə qərar qəbul etmişdir. 1054-cü ildə baş tutmuş Böyük Sxizma və Reformasiya hərəkatı Pravoslav Kilsəsinin katolisizm və protestantizmə münasibətinin formalaşmasına səbəb olmuşdur. Katoliklərin Pravoslav Kilsəsinə qəbul forması ilə bağlı müxtəlif yanaşmalar mövcud idi. Bunlar tövbə, miropomazaniye və ya vəftiz yolu ilə həyata keçirilirdi. 1484-cü ildə keçirilmiş Konstantinopol Kilsə Məclisi bu məsələni nizama salaraq katoliklərin miropomazaniye yolu ilə qəbul edilməsini qərara almışdır.

(Davamı...)

Həftənin seçilmiş siyahısı

Macarıstan forintinin sikkələri — 1946-cı ildən bu günə qədər buraxılan Macarıstan forintnin sikkələri. Forint sikkələri Macarıstan pul vahidi olan Macarıstan forintinin bir hissəsidir. 1806–1982-ci illər arasında macar dilində "forint" sözü Avstriya-Macarıstan imperiyasının pulu Avstriya quldeninə deyilirdi. Forint rəsmi olaraq İkinci Dünya müharibəsi bitdikdən sonra, 1946-cı ilin avqustunda, İkinci Macarıstan Respublikası hökuməti tərəfindən Macarıstanın pul vahidi olaraq qəbul edildi. Valyuta 20 il ərzində sabitliyini qoruyub saxlaya bilmişdir. Lakin sonradan sosialist iqtisadi sistemin zəifləməsi inflyasiyaya gətirib çıxardı, bu, forintin alıcılıq qabiliyyətinə təsir edərək 1990-cı illərdə böhrana səbəb oldu.

(Davamı...)

Günün seçilmiş şəkli

Xəbərlər

ABŞ paytaxtı Karakas da daxil olmaqla Venesueladakı çoxsaylı hədəfə zərbələr endirib və prezident Nikolas Maduronu (şəkildə) ələ keçirib.
Fransa aktrisası və heyvan hüquqları müdafiəçisi Brijit Bardo 91 yaşında vəfat edib.
İsrail Somalilendin müstəqilliyini rəsmən tanıyan ilk ölkə olub.
Ankara yaxınlığındakı təyyarə qəzasında Liviya Ordusunun Baş Qərargah rəisi general Məhəmməd Əli Əhməd əl-Həddad da daxil olmaqla 8 nəfər həlak olub.

Aktual hadisələr: İran etirazları • Rusiya–Ukrayna müharibəsi • Sudanda vətəndaş müharibəsi

Son ölümlər: Rafael Qvaladze, Luis Bryus, Bağır Süleymanov, Bela Tarr, Şahin Tağıyev, Enrike Kolyar

Bilirsinizmi?

Yaponiyada yerləşən və taksidermiyaya həsr olunmuş Şiqa Safari Muzeyində (şəkildə) sərgilənən bütün heyvanlar tək bir ovçu tərəfindən ovlanıb.
Hər il baş tutan Vilya de Leqanes Kubokunun qaliblərinə "Qızıl xiyar" mükafatı, ikinci yeri tutanlara isə "Gümüş xiyar" mükafatı təqdim olunur.
Azərbaycanın ilk baş naziri Fətəli xan Xoyskinin qızı Tamara xanım Xoyskaya Azərbaycan Kommunist Partiyası Mərkəzi Komitəsinin Rəyasət Heyətinin sədri Mirzə Davud Hüseynovla evlənmiş və Azərbaycan SSR-in ilk birinci xanımı olmuşdur.
Dreyf edən buzlaqlara həsr olunmuş Oxot Ryu-hyo Muzeyinin kafesində Oxot dənizinin duzu ilə dadlandırılmış xüsusi dondurma çeşidi servis olunur.
Jan-Jak Russonun atasının əmisioğlu Səfəvi hökmdarı Şah Sultan Hüseynin saatsazı olmuşdur.

Tarixdə bu gün

15 yanvar

1559 — İngiltərə kraliçası I Yelizaveta taxta çıxdı.

1759 — Britaniya muzeyinin açılışı oldu.

1892 — ABŞ-nin Massaçusets ştatının Sprinqfild şəhərində Basketbol oyununun qaydaları elan edildi.

1964 — III London Konfransında İngiltərə, Türkiyə və Yunanıstan təmsilçiləri ilə yanaşı Şimali Kiprin və adanın yunan qisminin təmsilçiləri də iştirak etdilər.

1970 — Müəmmər Qəddafi Liviyanın baş naziri seçildi.

1992 — Avropa dövlətlərinin Xorvatiya və Sloveniyanın müstəqilliyini rəsmən tanıması ilə Yuqoslaviya dağıldı.

Digər günlər: 14 yanvar – 15 yanvar – 16 yanvar

Arxiv – İlin digər günləri – Haqqında

Kömək səhifələri

Vikipediya

Ana səhifə

Vikipediyaya xoş gəlmisiniz!

Vikimedia Fondunun digər layihələri